លោក ហ៊ុន សែន ទៅដល់ក្រុងញូវយ៉កហើយ

ជាតិ

នយោបាយជាតិ

លោក ហ៊ុន សែន ទៅដល់ក្រុងញូវយ៉កហើយ

24, Sep 2015 , 1:12 pm

រូបភាព

ដោយ: ថ្មីៗ

លោកនាយករដ្ឋមន្ត្រី ហ៊ុន សែន បានដឹកនាំប្រតិភូរដ្ឋាភិបាលកម្ពុជាទៅដល់ក្រុងញូវយ៉ក សហរដ្ឋអាមេរិកហើយនាវេលាម៉ោងជិត៩យប់ (ម៉ោងនៅញូវយ៉ក) ថ្ងៃទី២៣ ខែកញ្ញា។ នេះបើយោងតាមទំព័រហ្វេសប៊ុកផ្លូវការរបស់លោកនាយករដ្ឋមន្ត្រី។

មេដឹកនាំរដ្ឋាភិបាលកម្ពុជា នឹងចូលកិច្ចប្រជុំកំពូលរបស់អង្គការសហប្រជាជាតិស្តីពីរបៀបវារៈនៃការអភិវឌ្ឍន៍ក្រោយឆ្នាំ២០១៥ នៅទីស្នាក់ការកណ្តាលរបស់អង្គការសហប្រជាជាតិក្នុងក្រុងញូវយ៉កពីថ្ងៃទី២៥ ដល់ថ្ងៃទី២៧ ខែកញ្ញា។

លោកនាយករដ្ឋមន្ត្រី និងប្រតិភូ ត្រូវបានទទួលស្វាគមន៍ដោយ តំណាងអគ្គលេខាធិការអង្គការសហប្រជាជាតិ និងលោក ទុយ រី ឯកអគ្គរាជទូតតំណាងអចិន្ត្រៃយ៍ប្រចាំ UN រួមទាំងមន្ត្រីទូតកម្ពុជាប្រចាំសហរដ្ឋអាមេរិក។

នៅក្នុងឱកាសនៃការស្នាក់អាស្រ័យនៅបូរីញូយ៉ក លោក ហ៊ុន សែន នឹងថ្លែងសុន្ទរកថាគន្លឹៈចំនួនពីរ នៅក្នុងកិច្ចប្រជុំកំពូលរបស់អង្គការសហប្រជាជាតិ ស្តីពីរបៀបវារៈនៃការអភិវឌ្ឍន៍ក្រោយឆ្នាំ២០១៥ ។ ជាមួយគ្នានេះ ទំព័រហ្វេសប៊ុកលោកនាយករដ្ឋមន្ត្រី បានបញ្ជាក់ថា
លោក ហ៊ុន សែន នឹងជួបសម្ភាស ជាមួយអ្នកផលិតខ្សែភាពយន្តនៃក្រុមហ៊ុន Ithaca Film Works រួមទាំងការជួបសំណេះសំណាលជាមួយ តំណាងបងប្អូនជនរួមជាតិខ្មែររស់នៅក្នុងសហរដ្ឋអាមេរិកជាង ២០០នាក់៕