ចន្ទ្រា និង សោភ័ណ្ឌ ប៉ះថៃនៅបឹងស្នោ ឯ ខាំ និង សីហា ប៉ះថៃនៅស្ទឹងមានជ័យ

កីឡាជាតិ

ចន្ទ្រា និង សោភ័ណ្ឌ ប៉ះថៃនៅបឹងស្នោ ឯ ខាំ និង សីហា ប៉ះថៃនៅស្ទឹងមានជ័យ

26, Sep 2015 , 8:29 am

រូបភាព

ដោយ: ថ្មីៗ

កីឡាករ ឡៅ ចន្ទ្រា និងកីឡាករ ផល សោភ័ណ្ឌ នឹងប៉ះកីឡាករមកពីថៃ នៅសង្វៀនបាយ័នបឹងស្នោ ចំណែកឯគូប្រដាល់ដណ្តើមខ្សែក្រវ៉ាត់អន្តរជាតិខារ៉ាបៅ បឺត ខាំ និង ពេជ្រ សីហា នឹងប៉ះថៃ នៅសង្វៀនបាយ័ន ស្ទឹងមានជ័យ នៅល្ងាចថ្ងៃអាទិត្យខាងមុខនេះ។

គូប្រដាល់មិត្តភាពអន្តរជាតិក្រុមហ៊ុន លីអូ កីឡាករជើងខ្លាំងមកពីក្លិបកងពលតូចឆ័ត្រយោង ៩១១ ដែលផ្តួលគូប្រកួតឱ្យសន្លប់មិនលើសពីទឹកទី៣ ឡៅ ចន្ទ្រា នឹងត្រូវប៉ះជាមួយកីឡាជើងខ្លាំងមកពីថៃ KAOPHONG CHAIPHUM ចំណែកកីឡាករ ផល សោភ័ណ្ឌ មកពីក្លិបតាឡីដំរីមានរឹទ្ធ ប៉ះកីឡាករថៃ KHUN PHEN KEAJPETCH NOY។ គូរទាំងពីរនេះនឹងត្រូវជួបគ្នានៅលើសង្វៀនបាយ័នបឹងស្នោ នៅល្ងាចថ្ងៃអាទិត្យ ទី២៧ ខែកញ្ញា ចាប់ពីម៉ោង ៤ ដល់ម៉ោង ៦ល្ងាច។

រីឯការប្រកួតដណ្តើខ្សែក្រវ៉ាត់អន្តរជាតិខារ៉ាបៅ ជាការវាយវិលជុំសន្សំពិន្ទុវគ្គទី៤ បឺត ខាំ ជាកីឡាករជើងខ្លាំងមកពី ក្លិបសាលវ័ន្តកីឡា មិនដែលទទួលពាក្យថាចាញ់នៅក្នុងការប្រដាល់ដណ្តើមខ្សែក្រវ៉ាត់ខារ៉ាបៅ នឹងប៉ះកីឡាករថៃដែលមិនស្គាល់ពាក្យថាចាញ់នៅក្នុងការប្រកួតនេះដូចគ្នា WATCHARALEK OR. KWANMUENG ចំណែកកីឡាករមកពីសមាគម កីឡាប្រដាល់ក្រសួងការពារជាតិ ពេជ្រ សីហា នឹងប៉ះកីឡាករថៃ JONGANGFIGHT LUK.CHOMPACHAI។ គូទាំងពីរនេះនឹងជួបគ្នានៅលើសង្វៀនបាយ័នស្ទឹងមានជ័យ នៅល្ងាចថ្ងៃអាទិត្យ ទី២៧ ខែកញ្ញា ចាប់ពីម៉ោង ៦ល្ងាចតទៅ៕

ដោយ៖ វណ្ណឌេត