មហាវិថី«សម្តេច ហ៊ុន សែន» ពីម្តុំក្បាលថ្នល់ឆ្ពោះទៅកាន់ម្តុំព្រែកហូរនឹងដាក់ឲ្យដំណើរការ

ជាតិ

មហាវិថី«សម្តេច ហ៊ុន សែន» ពីម្តុំក្បាលថ្នល់ឆ្ពោះទៅកាន់ម្តុំព្រែកហូរនឹងដាក់ឲ្យដំណើរការ

26, Sep 2015 , 6:59 pm

រូបភាព

ដោយ: ថ្មីៗ

ភ្នំពេញ៖ មហាវិថីដែលមានឈ្មោះថា «សម្តេច ហ៊ុន សែន» ភ្ជាប់ពីម្តុំក្បាលថ្នល់ឆ្ពោះទៅកាន់ម្តុំព្រែកហូរនៅក្នុងខេត្តកណ្តាលនឹងដាក់ឲ្យដំណើរការនៅក្នុងរយៈពេលមួយឆ្នាំ ឬ២ឆ្នាំខាងមុខទៀតនេះ។ មហាវិថីថ្មីនេះ នឹងអាចជួយកាត់បន្ថយការកកស្ទះចរាចរណ៍ក្នុងទីក្រុងភ្នំពេញបានមួយកម្រិតធំបន្ថែមទៀត។

ប្រសិនបើលោកអ្នកធ្វើដំណើរតាមផ្លូវថ្មីមួយដែលភ្ជាប់ពីម្តុំក្បាលថ្នល់ឆ្ពោះទៅកាន់តំបន់ព្រែកហូរខេត្តកណ្តាល លោកអ្នកនឹងមានការភ្ញាក់ផ្អើលក្នុងអារម្មណ៍ជាពន់ពេក។ ផ្លូវថ្មីនេះ មានទំហំស្មើនឹងមហាវិថី ពីព្រោះទំហំទទឹងនៃផ្លូវថ្មីនេះត្រូវបានគេប្រាប់ឲ្យដឹងថា មានចំនួន៦០ម៉ែត្រ។ មហាវិថីថ្មីនេះ ត្រូវបានសាងសង់នៅលើបឹងទំពុនដោយក្រុមហ៊ុនឯកជនដែលទទួលបានសិទ្ធិវិនិយោគពីរាជរដ្ឋាភិបាលកម្ពុជា។ មហាវិថីនេះ ត្រូវបានគេសាងសង់ឡើងស្របនឹងផ្លូវចាក់អង្រែឆ្ពោះទៅកាន់ទីក្រុងតាខ្មៅ។ មហាវិថីថ្មីនេះ បើយោងតាមគម្រោង ក៏តភ្ជាប់ទៅម្តុំព្រែកហូរដែរ ហើយអ្នកធ្វើដំណើរក៏ងាយស្រួលធ្វើដំណើរទៅកាន់ក្រុងតាខ្មៅផងដែរ។

មហាវិថីថ្មីនេះ មិនមែនស្របតែជាមួយផ្លូវចាក់អង្រែនោះទេ តាមពិត មហាវិថីថ្មីនេះ ក៏មានភូមិសាស្ត្រស្របជាមួយផ្លូវចម្ការដូងដែរ ពីព្រោះផ្លូវថ្មីនេះ ត្រូវបានសាងសង់នៅលើបឹងទំពុនមួយផ្នែក និងបឹងជើងឯកមួយផ្នែក។ លោក ឡុង ឌីម៉ុង អ្នកនាំពាក្យសាលារាជធានីភ្នំពេញ បានឲ្យដឹងថា ផ្លូវថ្មីនេះត្រូវបានវិនិយោគដោយក្រុមហ៊ុនឯកជនមួយដែលទទួលបានសិទ្ធិវិនិយោគទីក្រុងរណបលើបឹងទំពុនមួយផ្នែកពីរាជរដ្ឋាភិបាល។ ប្រជាពលរដ្ឋអាចធ្វើដំណើរលើផ្លូវនេះដោយមិនបង់ប្រាក់ បើទោះបីវាជាការវិនិយោគរបស់ក្រុមហ៊ុនឯកជនក៏ដោយក្តី។ លោក ឌី ម៉ង បន្តទៀតថា ផ្លូវថ្មីនេះ នឹងជួយកាត់បន្ថយការកកស្ទះចរាចរណ៍នៅតាមផ្លូវចាក់អង្រែឆ្ពោះទៅកាន់ទីក្រុងតាខ្មៅ។

ទីក្រុងថ្មីនៅលើបឹងទំពុនមិនទាន់លេចចេញជារូបរាងផង តម្លៃដីធ្លីនៅតំបន់នោះ ត្រូវបានគេប្រាប់ឲ្យដឹងថា បានឡើងថ្លៃយ៉ាងគំហុក៕

តើពាក្យ «សិទ្ធិ, សិទ្ធ» ប្រើខុសគ្នាដូចម្តេច?

3 ថ្ងៃ

កម្ពុជា នឹងមានភ្លៀងធ្លាក់ ពីថ្ងៃទី៤-៦ឧសភា

4 ថ្ងៃ

«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?

ភ្នំពេញ 5 ថ្ងៃ

តើពាក្យងារជា «សម្តេច» មានន័យដូចម្តេច?

1 សប្តាហ៍

«នាំអាត» និង«នាំអាទិ៍»មួយណាត្រឹមត្រូវ?

9 ម៉ោង

អត្ថបទពេញនិយមបន្ថែម