អត្ថបទពាណិជ្ជកម្ម
មហាសន្និបាតវិសាមញ្ញរបស់សមាគមអ្នកវាយតម្លៃនិងភ្នាក់ងារអចលវត្ថុក្នុងការជ្រើសតាំងប្រធានសមាគមថ្មី កាលពីថ្ងៃទី ២៥ ខែកញ្ញា ឆ្នាំ ២០១៥សមាគមអ្នកវាយតម្លៃនិងភ្នាក់ងារអចលវត្ថុកម្ពុជា បានរៀបចំអង្គមហាសន្និបាតនិងមានការបង្កើតគណៈកម្មការបណ្តោះអាសន្នសម្រាប់ការបោះឆ្នោតជ្រើសតាំងប្រធានសមាគមថ្មីដើម្បីដឹកនាំការងារក្នុងអាណត្តិទី៤ របស់សហគមនិងវេទិកាឃោសនារបស់បេក្ខភាពជាប្រធានសមាគមដែលវេទិកានេះនិងផ្តល់នូវព័ត៌មាននិងអត្ថប្រយោជន៏ផ្សេងៗដែលសមាជិក សមាជិកាសហគមនីមួយៗនឹងទទួលបានអ្នកតំណាងរបស់ខ្លួនក៏ដូចជាទទួលបាននូវព័ត៌មានផ្សេងៗទៀតដើម្បីជាមូលដ្ឋានក្នុងការសម្រេចចិត្តជ្រើសរើសប្រធានសមាគមថ្មី ។
ក្នុងនោះដែលបេក្ខភាពដែលបានឈរឈ្មោះរួមមាន៖ លោកឧកញ៉ា ចេង ខេង , លោក ច្រឹក សុខនីម , លោក គីម ហ៊ាង , លោក សន សៀប និង លោក វ៉ា វីរៈ ព្រមទាំងមានការចូលរួមពីសំណាក់ក្រុមហ៊ុនភ្នាក់ងារអចលវត្ថុកម្ពុជាជាច្រើនផងដែរដើម្បីធ្វើការបោះឆ្នោតជ្រើសតាំងប្រធានថ្មី។ នៅក្នុងការបោះឆ្នោតជ្រើសតាំងប្រធានថ្មីរបស់សមាគមអ្នកវាយតម្លៃនិងភ្នាក់ងារអចលវត្ថុកម្ពុជា បេក្ខភាពដែលបានជាប់ឆ្នោតជាប្រធានសមាគមក្នុងអាណត្តិទី៤ នេះគឺលោក គីម ហ៊ាង ដែលលោកទទួលបានសម្លេងឆ្នោតមានចំនួនច្រើនជាងគេគឺ១៨សម្លេង, លោក ឧកញ៉ា ចេង ខេង ទទួលបាន ១០ សម្លេង, លោក សន សៀប ទទួលបាន០៩សម្លេង, លោក ច្រឹក សុខនីម ទទួលបាន ០៧ សម្លេង និង លោក វ៉ា វីរៈ ទទួលបាន ០៤ សម្លេង ក្នុងចំណោមក្នុងចំណោមសន្លឹកឆ្នោតសរុប៦០សម្លេង សម្លងដែរបានការមាន ចំនួន ៤៨ សម្លេង សន្លឹកឆ្នោតមិនបានការ ០២ សម្លេង និងសន្លឹកឆ្នោតដែលអវត្តមាន ១០ សម្លេង ។
លោក គីម ហ៊ាង ប្រធានសមាគមថ្មីបានមានប្រសាសន៏ថាលោកមានសេចក្កីរីករាយខ្លាំងណាស់ដែលបានជាប់ជាប្រធានរបស់សមាគមអ្នកវាយតម្លៃនិងភ្នាក់ងារអចលវត្ថុកម្ពុជា(CVEA) ក្នុងមានជាប្រធានសមាគមលោកបានសន្យាថា លោកនិងធ្វើឲ្យសមាគមមានការរីកចម្រើនទៅមុខជាលំដាប់នៅក្នុងអាណត្តិរបស់លោកផងដែរ។
( អត្ថបទពាណិជ្ជកម្ម )
© រក្សាសិទ្ធិដោយ thmeythmey.com