ពីនេះ ពីនោះ
×![]()
នៅក្នុងវត្តសមាធិ ភូមិត្រពាំគង់ ឃុំសំពោងជ័យ ស្រុកជើងព្រៃ ខេត្តកំពង់ចាមស្ថិតនៅតាមជាប់ផ្លូវជាតិលេខ៦ ចន្លោះព្រំប្រទល់ខេត្តកំពង់ចាមនិងខេត្តកំពង់ធំ។ ហើយនេះគឺជាទិដ្ឋភាពព្រះសង្ឃតូចៗ មួយចំនួនកំពុងតែមានការមមាញឹកជាមួយការធ្វើពលកម្ម វាយបំបែកថ្មនៅក្នុងស្រះដើម្បីយកដុំថ្ម មកធ្វើអ្វីម្យ៉ាង ក៏ដូចជាស្តាស្រះនៅក្នុងវត្តដើម្បីទុករក្សាទឹកសម្រាប់ប្រើប្រាស់ និងចិញ្ចឹមត្រី ។ខណៈពេលដែលព្រះសង្ឃខ្លះកំពង់សមាទានសិល្ប៍ ខ្លះប្រោសព្រំធម៌ដល់ពុទ្ធបរិស័ទ ក្នុងកំឡុងថ្ងៃបុណ្យភ្ជំបិណ្ឌ។
វត្តនេះមានសភាពស្ងប់ស្អាត ពោរពេញដោយសម្រស់ធម្មជាតិ និងដើមឈើល្អ រួមជាមួយស្រះត្រីដែលមានត្រីរាប់សិបក្បាល។ នៅក្នុងវត្តនេះមានរក្សាទុកនៅវង់ភ្លេងពិណពាទ្យសម្រាប់ប្រគុំក្នុងពិធីផ្សេង។ ចំនុចដែលគួរឱ្យចាប់អារម្មណ៍ ព្រះចៅអធិកាវត្តបានចិញ្ចឹម ក្មេងកំព្រារក្រីក្រយ៉ាងច្រើន។បច្ចុប្បន្នក្មេងកំព្រាមួយចំនួនគឺជាព្រះសង្ឃតូច( កូនលោក ) ហើយមួយចំនួនទៀតគឺជាកូនសិស្សលោក ដែលពឹងអាស្រ័យទីវត្តអារាមជាជម្រកស្នាក់នៅ។ បើទោះបីជាសព្វថ្ងៃចំនួនព្រះសង្ឃតាមវត្តនីមួយៗនៅតាមជនបទមានការធ្លាក់ចុះ ប៉ុន្តែសម្រាប់វត្តនេះមានព្រះសង្ឃយ៉ាងច្រើន អ្វីដែលរឹតតែចាប់អារម្មណ៍គឺព្រះសង្ឃក្មេងៗមានអាយុ ៥ ឬ ៦ ព្រះវស្សាយ៉ាងច្រើន ។
សូមទស្សនារូបភាពក្មេងកំព្រា និងសកម្មភាពព្រះសង្ឃតូចមួយចំនួនដូចតទៅ៖
សូមទស្សនារូបភាពក្មេងកំព្រា និងសកម្មភាពព្រះសង្ឃតូចមួយចំនួនដូចតទៅ៖
© រក្សាសិទ្ធិដោយ thmeythmey.com
