អន្តរជាតិ
លោក អាសាដ ទៅអរគុណលោក ពូទីន ដល់មូស្គូ ទាក់ទងនឹងអន្តារគមន៍រុស្ស៊ីនៅស៊ីរី
×![]()
ក្រោយរុស្ស៊ីសម្រេចចិត្តអន្តរាគមន៍កម្ចាត់ក្រុមភេរវជនរដ្ឋឥស្លាមក្នុងទឹកដីស៊ីរីគ្រប់គ្នាចាប់ផ្តើមចោលភ្នែកលើបុរសខ្លាំងលោក វ្ល៉ាឌីមៀ ពូទីន។ សូម្បីតែអាមេរិកដែលសន្យាថា ដោះស្រាយបញ្ហាស៊ីរីឲ្យបាននោះ ហាក់ដូចបន្ទន់ឥរិយាបទ និងងាកមកចរចាជាមួយរុស្ស៊ីក្នុងសំណុំរឿងវិបត្តិស៊ីរីផងដែរ។ គោលនយោបាយរុស្ស៊ីដើម្បីបោសសម្អាតក្រុមភេរវជន និងគាំទ្ររដ្ឋាភិបាលស៊ីរីនេះបញ្ជាក់ថា វិមានក្រេមឡាំងក្លាយជាតួឯកក្នុងការដោះស្រាយវិបត្តិ។
អន្តរាគមន៍របស់វិមាន ក្រេមឡាំងក្នុងបញ្ហាស៊ីរី ក្លាយជាក្តីសង្ឃឹមមួយថ្មីសម្រាប់អនាគតប្រទេសស៊ីរី។ ថ្វីបើគេមិនទាន់ដឹងថា សង្គ្រាមស៊ីវិលមានរយៈពេល៤ឆ្នាំនេះ ចប់របៀបណា ក្តី គេក៏ឃើញពីសញ្ញាវិជ្ជមានខ្លះហើយដែរ។ សហរដ្ឋអាមេរិកដែលធ្លាប់តែអះអាងថា ជួយស្រាយបញ្ហាឲ្យប្រជាជនស៊ីរី នោះ ស្រាប់តែបន្ទន់ជំហរ បើកផ្លូវឲ្យរដ្ឋាភិបាលរុស្ស៊ីលូកដៃម្តង ព្រោះថាខ្លួនមិនទាន់មានលទ្ធភាពដោះស្រាយបាន។
ការបន្ទន់ឥរិយាបទរបស់ក្រុងវ៉ាស៊ីនតោនស្តែងឡើងតាមរយៈការឯកភាពលើកិច្ចព្រមព្រៀងជាមួយមូស្គូដើម្បីការពារការប្រឈមមុខ ឬការប៉ះទង្គិចគ្នាជាយថាហេតុ ក្នុងពេលអន្តរាគមន៍ប្រឆាំងភេរវជនក្នុងបញ្ហាស៊ីរី។ ហើយអ្វីដែលច្បាស់ជានេះ គឺការរៀបចំវេទិកាពិភាក្សា ពហុភាគីនៅទីក្រុងវីយ៉ែន កាលពីថ្ងៃសុក្រដោយមានវត្តមានប្រមុខការទូតរុស្ស៊ី អាមេរិក អារ៉ាប៊ីសាអូឌីត និង តួកគី។ ប្រធានបទនៃកិច្ចពិភាក្សាគឺផ្តោតលើជម្លោះស៊ីរី ហើយរុស្ស៊ី កំពុងមានប្រៀបលើលោកខាងលិចក្នុងដោះស្រាយបញ្ហានេះផងដែរ។
បើយោងតាមរបាយការណ៍ដែលបង្ហាញដោយសារព័ត៌មានបារាំង France 24 មន្ត្រីការទូតលោកខាងលិចលួចបង្ហើបថា ពួកគេយល់ព្រមបើកទ្វារឲ្យលោក ពូទីន ចាប់យកឱកាសជាអ្នកសាងសន្តិភាពនៅទឹកដីស៊ីរី តាមរយៈការបង្កើតកិច្ចព្រមព្រៀងនយោបាយ ឬ បង្កើតរដ្ឋាភិបាលអន្តរកាលមុនឈានដល់ការផ្ទេរអំណាចតាមការបោះឆ្នោតជាដើម។
មែនទែនទៅ បំណងរបស់លោក វ្ល៉ាឌីមៀ ពូទីន មិនធំពេកនោះទេ គឺលោកត្រឹមជួយរបបដឹកនាំបច្ចុប្បន្នដែលលោកចាត់ទុកថាជារដ្ឋាភិបាលស្របច្បាប់ ប្រមូលអំណាច និងខ្លាំងឡើងវិញដើម្បីគ្រប់គ្រងប្រទេស។ ជំហានដំបូងដែលរុស្ស៊ីបានចាប់ផ្តើមធ្វើរួចហើយនោះគឺការកម្ចាត់រាល់បញ្ហាអសន្តិសុខដែលបង្កដោយក្រុមភេរវជន ក៏ដូចជាក្រុមឧទ្ទាមដែលគាំទ្រដោយលោកខាងលិច។ វាជាការពិតដែលលោក ខាងលិចថា រុស្ស៊ីឆ្លៀតវាយសំពោងក្រុមប្រដាប់អាវុធដែលខ្លួនចំណាយលុយច្រើនសន្ធឹកសន្ធាប់ក្នុងការបង្វឹកឲ្យផ្តួលរំលំលោក អាសាដ កន្លងមក។ ព្រោះបើមិនធ្វើដូច្នេះលោកខាងលិចក៏មិនប្តូរគោលជំហរក្នុងការដោះស្រាយបញ្ហាស៊ីរីនេះដែរ។
អាចថា យុទ្ធសាស្ត្រជំហានដំបូងរបស់លោក ពួទីន មានផ្លែផ្កាច្រើនបន្តិចទៅចុះ ព្រោះលោក អាសាដ ហ៊ានមកអរគុណលោក ដល់ក្រុងម៉ូស្គូ។ វត្តមានអាសាដនៅក្រៅប្រទេស ជារឿងកម្របំផុតតាំងពីស៊ីរីធ្លាក់ក្នុងសង្គ្រាមស៊ីវិលឆ្នាំ ២០១១ ហើយទស្សនកិច្ចផ្លូវរដ្ឋនៅរុស្ស៊ីនេះ ប្រាកដណាស់ថាជាចេតនាមួយបង្ហាញទៅកាន់ពិភពលោកថា របបដឹកនាំលោកអាចក្តោបក្តាប់ស្ថានការណ៍បានឡើងវិញហើយ។
គេទទួលបានដំណឹងថា ក្រោមការជួយជ្រោមជ្រែងពីរុស្ស៊ី និងអ៊ីរ៉ង់ ទ័ពអាសាស្ម័គ្រលោក អាសាដ បានដណ្តើមទឹកដីច្រើនពីក្រុមភេរវជននិងក្រុមឧទ្ទាម ហើយកម្ទេចទីតាំងសំខាន់ដែលកាន់កាប់ដោយក្រុមរដ្ឋឥស្លាមបានច្រើនផងដែរ។ សូមបញ្ជាក់បន្តិចដែរថា កងទ័ពជើងអាកាសរុស្ស៊ីបានចាប់ផ្តើមវាយប្រហារក្រុមរដ្ឋឥស្លាមនៅក្នុងទឹកដីស៊ីរីដំបូងបំផុតកាលពីចុងខែកញ្ញា ពោលគឺប៉ុន្មានម៉ោងប៉ុណ្ណោះក្រោយលោក ពូទីន ជួបជាមួយលោក បារ៉ាក់ អូបាម៉ានៅទីក្រុងញូវយ៉ក។
យ៉ាងណាក៏ដោយផ្លូវដែលលោក ពូទីន ត្រូវដើរនៅវែងទៀតដើម្បីបញ្ចប់វិបត្តិស៊ីរី។ ប៉ុន្តែយើងអាចនិយាយថា ការទុក លោក អាសាដ ក្នុងតំណែង ឬបង្ខំឲ្យលោក ចុះពីតំណែងលែងជាចំណុចស្នូលនៃកិច្ចពិភាក្សារវាងលោកខាងលិចនិងរុស្ស៊ីទៀតហើយ។ ទោះជាកន្លងមកលោកខាងលិចទាមទារយ៉ាងរឹងត្អឺងថា អាសាដគ្មានតួនាទីអ្វីក្នុងដំណោះស្រាយនយោបាយក៏ដោយ បច្ចុប្បន្ន ប្រទេសទាំងនេះ រួមទាំងក្រុមឧទ្ទាមផងនោះបានបន្ធូរបន្ថយការទាមទារដោយព្រលយពាក្យថា អាសាដ អាចស្ថិតក្នុងតំណែងរយៈពេលបណ្តោះអាសន្នសិនទម្រាំមានការ រៀបចំ បោះឆ្នោត ឬផ្ទេរអំណាច។ តែការបែងចែកអំណាចរបៀបម៉េចដើម្បីធានាសន្តិភាពនិងស្ថិរភាពនៅក្នុងប្រទេសមួយនេះទៅថ្ងៃមុនក្លាយជារឿងស្រពិចស្រពិលនៅឡើយ៕
អន្តរាគមន៍របស់វិមាន ក្រេមឡាំងក្នុងបញ្ហាស៊ីរី ក្លាយជាក្តីសង្ឃឹមមួយថ្មីសម្រាប់អនាគតប្រទេសស៊ីរី។ ថ្វីបើគេមិនទាន់ដឹងថា សង្គ្រាមស៊ីវិលមានរយៈពេល៤ឆ្នាំនេះ ចប់របៀបណា ក្តី គេក៏ឃើញពីសញ្ញាវិជ្ជមានខ្លះហើយដែរ។ សហរដ្ឋអាមេរិកដែលធ្លាប់តែអះអាងថា ជួយស្រាយបញ្ហាឲ្យប្រជាជនស៊ីរី នោះ ស្រាប់តែបន្ទន់ជំហរ បើកផ្លូវឲ្យរដ្ឋាភិបាលរុស្ស៊ីលូកដៃម្តង ព្រោះថាខ្លួនមិនទាន់មានលទ្ធភាពដោះស្រាយបាន។
ការបន្ទន់ឥរិយាបទរបស់ក្រុងវ៉ាស៊ីនតោនស្តែងឡើងតាមរយៈការឯកភាពលើកិច្ចព្រមព្រៀងជាមួយមូស្គូដើម្បីការពារការប្រឈមមុខ ឬការប៉ះទង្គិចគ្នាជាយថាហេតុ ក្នុងពេលអន្តរាគមន៍ប្រឆាំងភេរវជនក្នុងបញ្ហាស៊ីរី។ ហើយអ្វីដែលច្បាស់ជានេះ គឺការរៀបចំវេទិកាពិភាក្សា ពហុភាគីនៅទីក្រុងវីយ៉ែន កាលពីថ្ងៃសុក្រដោយមានវត្តមានប្រមុខការទូតរុស្ស៊ី អាមេរិក អារ៉ាប៊ីសាអូឌីត និង តួកគី។ ប្រធានបទនៃកិច្ចពិភាក្សាគឺផ្តោតលើជម្លោះស៊ីរី ហើយរុស្ស៊ី កំពុងមានប្រៀបលើលោកខាងលិចក្នុងដោះស្រាយបញ្ហានេះផងដែរ។
បើយោងតាមរបាយការណ៍ដែលបង្ហាញដោយសារព័ត៌មានបារាំង France 24 មន្ត្រីការទូតលោកខាងលិចលួចបង្ហើបថា ពួកគេយល់ព្រមបើកទ្វារឲ្យលោក ពូទីន ចាប់យកឱកាសជាអ្នកសាងសន្តិភាពនៅទឹកដីស៊ីរី តាមរយៈការបង្កើតកិច្ចព្រមព្រៀងនយោបាយ ឬ បង្កើតរដ្ឋាភិបាលអន្តរកាលមុនឈានដល់ការផ្ទេរអំណាចតាមការបោះឆ្នោតជាដើម។
មែនទែនទៅ បំណងរបស់លោក វ្ល៉ាឌីមៀ ពូទីន មិនធំពេកនោះទេ គឺលោកត្រឹមជួយរបបដឹកនាំបច្ចុប្បន្នដែលលោកចាត់ទុកថាជារដ្ឋាភិបាលស្របច្បាប់ ប្រមូលអំណាច និងខ្លាំងឡើងវិញដើម្បីគ្រប់គ្រងប្រទេស។ ជំហានដំបូងដែលរុស្ស៊ីបានចាប់ផ្តើមធ្វើរួចហើយនោះគឺការកម្ចាត់រាល់បញ្ហាអសន្តិសុខដែលបង្កដោយក្រុមភេរវជន ក៏ដូចជាក្រុមឧទ្ទាមដែលគាំទ្រដោយលោកខាងលិច។ វាជាការពិតដែលលោក ខាងលិចថា រុស្ស៊ីឆ្លៀតវាយសំពោងក្រុមប្រដាប់អាវុធដែលខ្លួនចំណាយលុយច្រើនសន្ធឹកសន្ធាប់ក្នុងការបង្វឹកឲ្យផ្តួលរំលំលោក អាសាដ កន្លងមក។ ព្រោះបើមិនធ្វើដូច្នេះលោកខាងលិចក៏មិនប្តូរគោលជំហរក្នុងការដោះស្រាយបញ្ហាស៊ីរីនេះដែរ។
អាចថា យុទ្ធសាស្ត្រជំហានដំបូងរបស់លោក ពួទីន មានផ្លែផ្កាច្រើនបន្តិចទៅចុះ ព្រោះលោក អាសាដ ហ៊ានមកអរគុណលោក ដល់ក្រុងម៉ូស្គូ។ វត្តមានអាសាដនៅក្រៅប្រទេស ជារឿងកម្របំផុតតាំងពីស៊ីរីធ្លាក់ក្នុងសង្គ្រាមស៊ីវិលឆ្នាំ ២០១១ ហើយទស្សនកិច្ចផ្លូវរដ្ឋនៅរុស្ស៊ីនេះ ប្រាកដណាស់ថាជាចេតនាមួយបង្ហាញទៅកាន់ពិភពលោកថា របបដឹកនាំលោកអាចក្តោបក្តាប់ស្ថានការណ៍បានឡើងវិញហើយ។
គេទទួលបានដំណឹងថា ក្រោមការជួយជ្រោមជ្រែងពីរុស្ស៊ី និងអ៊ីរ៉ង់ ទ័ពអាសាស្ម័គ្រលោក អាសាដ បានដណ្តើមទឹកដីច្រើនពីក្រុមភេរវជននិងក្រុមឧទ្ទាម ហើយកម្ទេចទីតាំងសំខាន់ដែលកាន់កាប់ដោយក្រុមរដ្ឋឥស្លាមបានច្រើនផងដែរ។ សូមបញ្ជាក់បន្តិចដែរថា កងទ័ពជើងអាកាសរុស្ស៊ីបានចាប់ផ្តើមវាយប្រហារក្រុមរដ្ឋឥស្លាមនៅក្នុងទឹកដីស៊ីរីដំបូងបំផុតកាលពីចុងខែកញ្ញា ពោលគឺប៉ុន្មានម៉ោងប៉ុណ្ណោះក្រោយលោក ពូទីន ជួបជាមួយលោក បារ៉ាក់ អូបាម៉ានៅទីក្រុងញូវយ៉ក។
យ៉ាងណាក៏ដោយផ្លូវដែលលោក ពូទីន ត្រូវដើរនៅវែងទៀតដើម្បីបញ្ចប់វិបត្តិស៊ីរី។ ប៉ុន្តែយើងអាចនិយាយថា ការទុក លោក អាសាដ ក្នុងតំណែង ឬបង្ខំឲ្យលោក ចុះពីតំណែងលែងជាចំណុចស្នូលនៃកិច្ចពិភាក្សារវាងលោកខាងលិចនិងរុស្ស៊ីទៀតហើយ។ ទោះជាកន្លងមកលោកខាងលិចទាមទារយ៉ាងរឹងត្អឺងថា អាសាដគ្មានតួនាទីអ្វីក្នុងដំណោះស្រាយនយោបាយក៏ដោយ បច្ចុប្បន្ន ប្រទេសទាំងនេះ រួមទាំងក្រុមឧទ្ទាមផងនោះបានបន្ធូរបន្ថយការទាមទារដោយព្រលយពាក្យថា អាសាដ អាចស្ថិតក្នុងតំណែងរយៈពេលបណ្តោះអាសន្នសិនទម្រាំមានការ រៀបចំ បោះឆ្នោត ឬផ្ទេរអំណាច។ តែការបែងចែកអំណាចរបៀបម៉េចដើម្បីធានាសន្តិភាពនិងស្ថិរភាពនៅក្នុងប្រទេសមួយនេះទៅថ្ងៃមុនក្លាយជារឿងស្រពិចស្រពិលនៅឡើយ៕
Tag:
ពូទីន
ស៊ីរី
© រក្សាសិទ្ធិដោយ thmeythmey.com
