ជាតិ
បាតុករចាប់ផ្តើមគប់ដុំថ្ម និងដបទឹកសុទ្ធចូលផ្ទះលោក កឹម សុខា
× ភ្នំពេញ៖ បាតុកម្មដែលមានមនុស្សចូលរួមរាប់រយពាន់នាក់មកពីបណ្តាខណ្ឌនានាក្នុងរាជធានីបានមកដល់មុខគេហដ្ឋានលោក កឹម សុខា ហើយនៅវេលាម៉ោងជាង១២ថ្ងៃត្រង់នេះ។ ក្រុមបាតុករបានចោទអនុប្រធានទីមួយរដ្ឋសភា និងជាអនុប្រធានគណបក្សសង្គ្រោះជាតិថា ជាមនុស្សចូលចិត្តបង្កបញ្ហា និងញុះញង់ឲ្យស្អប់រដ្ឋាភិបាល។
ក្រុមបាតុករជាច្រើនរយនាក់បានធ្វើដំណើរមកដល់មុខគេហដ្ឋានរបស់លោក កឹម សុខា នៅក្នុងតំបន់ទួលគោករួចហើយនៅវេលាថ្ងៃត្រង់នេះ។ បាតុករផ្សេងទៀតបានធ្វើដំណើរជាបន្តបន្ទាប់មកកាន់ផ្ទះលោក កឹម សុខា។ ពួកគេស្រែកថា លោក កឹម សុខា ជាអ្នកសន្យាខ្សល់ និងជាមេ«បោកប្រាស់»។ មិនត្រឹមតែស្រែកទេ តែគេសង្កេតឃើញថា បាតុករមួយចំនួនបានចាប់ផ្តើមគប់ដុំថ្ម និងដបទឹកសុទ្ធចូលគេហដ្ឋានរបស់លោក កឹម សុខា។ រហូតមកដល់ពេលនេះ គេមិនទាន់ដឹងថា តើលោក កឹម សុខា នៅទីណានោះទេ៕
Tag:
បាតុកម្មប្រឆាំង-លោក កឹម សុខា
© រក្សាសិទ្ធិដោយ thmeythmey.com