ជាតិ
សេដ្ឋកិច្ច
×![]()
ដោយ: ម៉ៅ សុផា
ប្រទេសកម្ពុជា បានបន្តធ្វើឲ្យមានភាពកាន់តែល្អប្រសើរឡើងដល់បរិយាកាសផ្នែកធុរកិច្ចរបស់ខ្លួនក្នុងរយៈពេលកន្លងមក។ ក្នុងចំណោមប្រទេសចំនួន១៨៩ កម្ពុជាត្រូវបានធនាគារពិភពលោកចាត់ជាចំណាត់ថ្នាក់លេខរៀងទី១២៧ អំពីភាពល្អប្រសើរផ្នែកធុរកិច្ច នាឆ្នាំ២០១៥ នេះ។ នេះបើតាមសេចក្តីប្រកាសព័ត៌មានថ្មីមួយរបស់ក្រុមធនាគារពិភពលោក បានចុះផ្សាយ នៅថ្ងៃទី២៨ ខែតុលា ឆ្នាំ២០១៥ ។ 
បរិយាកាសផ្នែកធុរកិច្ចនៅកម្ពុជានាពេលបច្ចុប្បន្ន មានភាពល្អប្រសើរជាងឆ្នាំមុន។ ក្នុងឆ្នាំ២០១៥ នេះ ប្រទេសកម្ពុជាមានចំណាត់ថ្នាក់ទី ១២៧ ក្នុងចំណោម១៨៩ប្រទេស បន្ទាប់ពីជាប់ចំណាត់ថ្នាក់ទី១៣៣ កាលពីឆ្នាំ២០១៤ ផ្នែកបរិយាកាសល្អប្រសើរនៃធុរកិច្ចនេះ។ សេចក្តីប្រកាសព័ត៌មានរបស់ធនាគារពិភពលោក បានលើកឡើងថា អ្វីដែលគួរឲ្យកត់សម្គាល់ខ្លាំងនោះ គឺកម្ពុជាបានធ្វើឲ្យពួកអ្នកវិនិយោគ និងអ្នកជំនួញមានទំនុកចិត្តយ៉ាងខ្លាំងក្នុងការផ្គត់ផ្គង់អគ្គិសនី ដោយសារតែកម្ពុជាមានសមត្ថភាពក្នុងផលិតថាពលអគ្គិនីឲ្យមានការកើនឡើងជាលំដាប់។
ប្រទេសកម្ពុជាក៏បានកែលម្អផងដែរ លើការកាត់បន្ថយរយៈពេលដែលត្រូវចំណាយដើម្បីចាប់ផ្តើមធុរកិច្ច និងបានកាត់បន្ថយចំនួននៃនីតិវិធីមួយចំនួន ដែលអាចបណ្តាលឲ្យប៉ះពាល់ដល់ការចាប់ផ្តើមធ្វើធុរកិច្ចដំបូង។ ធនាគារពិភពលោកបានអះអាថា នាពេលអនាគតកម្ពុជានឹងមានឱកាសធ្វើឲ្យប្រសើរលើបរិយាកាសធុរកិច្ចបន្ថែមទៀត ជាពិសេសការលុបចោលនូវលក្ខខណ្ឌ ដែលកំណត់ដើមទុនអប្បបរមាក្នុងការចាប់ផ្តើមដំណើរការធុរកិច្ចថ្មីមួយ។
លោក អាឡាសាន សូ ប្រធានគ្រប់គ្រងធនាគារពិភពលោកប្រចាំកម្ពុជា បានមានប្រសាសន៍ថា កម្ពុជាមានការរីកចម្រើនច្រើនក្នុងការជំរុញធ្វើឲ្យបរិយាកាសផ្នែកធុរកិច្ចមានលក្ខណៈកាន់តែល្អប្រសើរជាងមុខ។ លោកបញ្ជាក់យ៉ាងនេះថា៖ «ភាពរីកចម្រើនទាំងនេះ នឹងជួយកម្ពុជាឲ្យសម្រេចបាននូវគោលដៅរបស់ខ្លួនក្នុងការលើកកម្ពស់ការវិនិយោគលើផ្នែកធុរកិច្ច និងការបង្កើតការងារធ្វើ»៕
Tag:
ធនាគារពិភពលោក
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
