ជាតិ
នយោបាយជាតិ
នៅទីបំផុតទៅលោក កឹម សុខា ត្រូវបានសមាជិករដ្ឋសភាCPPសម្រេចដកពីតំណែង
× ដូចការទាមទាររបស់ក្រុមបាតុករកាលពីដើមសប្តាហ៍កន្លងទៅ នៅព្រឹកនេះ រដ្ឋសភា បានបោះឆ្នោតទម្លាក់លោក កឹម សុខា ចេញពីតំណែងអនុប្រធានទី ១ នៃរដ្ឋសភាហើយ ដោយសំឡេងឯកច្ឆ័ន្ទ ៦៨ លើ ៦៨ ។ កូរ៉ុមសមាជិកសភាចូលរួមកិច្ចប្រជុំរដ្ឋសភានៅព្រឹកនេះ មានតែ ៦៨ រូបតែប៉ុណ្ណោះ ពោលគឺមិនមានវត្តមានតំណាងរាស្រ្តគណបក្សសង្គ្រោះជាតិឡើយ។
ប្រធានរដ្ឋសភា លោក ហេង សំរិន បានថ្លែងថា ការបោះឆ្នោតដកតំណែងអនុប្រធាននៃរដ្ឋសភា ធ្វើឡើងដោយសំឡេងតែ ៥០ ភារយបូក ១ នៃសមាជិករដ្ឋសភាទាំងមូល។ ការបោះឆ្នោតទម្លាក់លោក កឹម សុខា ធ្វើឡើងជាសម្ងាត់ ពោលគឺបោះឆ្នោតគាំទ្រ ឬមិនគាំទ្រ ឬក៏អនុប្បវាទ ដាក់ចូលនៅក្នុងហិប។
លោក ហេង សំរិន បានប្រកាសបញ្ចប់តំណែងលោក កឹម សុខា ចាប់ពីថ្ងៃសុក្រនេះតទៅ។ © រក្សាសិទ្ធិដោយ thmeythmey.com