ជាតិ
នយោបាយជាតិ
តើ CNRP នឹងដាក់បេក្ខភាពជំនួសឬទេ? បើដាក់ គឺជាការសម្លាប់ខ្លួនឯងមែនឬទេ?
×![]()
ដោយ: ថ្មីៗ
ភ្នំពេញ៖លោក កឹម សុខា អនុប្រធានគណបក្សសង្គ្រោះជាតិ និងជាអនុប្រធានរដ្ឋសភាជាតិកូតាមកពីគណបក្សសង្គ្រោះជាតិ ត្រូវបានសមាជិករដ្ឋសភាគណបក្សប្រជាជនកម្ពុជាបោះឆ្នោតទម្លាក់ចេញពីតំណែងនៅថ្ងៃសុក្រទី៣០ខែតុលាឆ្នាំ២០១៥នេះ។ ក្រោយការដកតំណែងលោក កឹម សុខា ភ្លាម សំណួរជាច្រើនបានលើកឡើងថា តើតំណាងរាស្ត្ររូបណាមកពីគណបក្សសង្គ្រោះជាតិដែលត្រូវមកជំនួសលោក កឹម សុខា?
នេះជាសំណួរដែលគេពិបាកនឹងផ្តល់ចម្លើយភ្លាមៗ។ បើផ្អែកលើកិច្ចព្រមព្រៀងរវាងគណបក្សសិទ្ធិមនុស្ស និងគណបក្សសមរង្ស៊ី មុនពេលបង្កើតគណបក្សសង្គ្រោះជាតិ កូតាតំណែងដឹកនាំរដ្ឋសភាត្រូវតែមកពីគណបក្សសិទ្ធិមនុស្សរបស់លោក កឹម សុខា។ រីឯ តំណែងនាយករដ្ឋមន្ត្រីត្រូវផ្តល់ជូនកូតាមកពី គណបក្សសម រង្ស៊ី គឺលោក សម រង្ស៊ី តែម្តង។
ចុះនៅពេលដែលគេដកលោក កឹម សុខា ចេញពីតំណែង តើនរណានឹងត្រូវមកជំនួសរូបលោក?
បើផ្អែកលើកូតារវាងក្រុមលោក សម រង្ស៊ី និងលោក កឹម សុខា អ្នកដែលត្រូវមកជំនួសលោក កឹម សុខា ត្រូវតែមកពីក្រុមលោក កឹម សុខា ដដែល។ តែបញ្ហានៅត្រង់ថា ប្រសិនបើគណបក្សសង្គ្រោះជាតិស្នើបុគ្គលណាម្នាក់មកពីក្រុមលោក កឹម សុខា ថាតើ សមាជិកសភាមកពីគណបក្សប្រជាជនកម្ពុជានឹងបោះឆ្នោតជូនក្រុមលោក កឹម សុខា ម្តងទៀតដែរឬទេ?
ចុះប្រសិនបើក្រុមលោក សម រង្ស៊ី ស្នើតំណាងរាស្ត្រណាម្នាក់ពីក្រុមរបស់ខ្លួនឲ្យមកជំនួសតំណែងលោក កឹម សុខា វិញ តើជំរើសនេះទៅរួចដែរឬទេ?
នេះជាជម្រើសសមរម្យសម្រាប់គណបក្សប្រជាជនកម្ពុជា និងសមរម្យសម្រាប់ក្រុមលោក សម រង្ស៊ី។ ប៉ុន្តែរូបភាពនេះបានបង្កឲ្យគេមើលឃើញថា ផ្ទៃក្នុងគណបក្សសង្គ្រោះជាតិបាន និងកំពុងឈានទៅរកការបែកបាក់យ៉ាងពិតប្រាកដ។
ប្រសិនបើសេណារីយ៉ូទី១ និងទី២ពិបាកនឹងទៅរួចនោះ តើប៉ុស្តិ៍ជំនួសលោក កឹម សុខា នឹងទៅជាយ៉ាងណា?
លោក សយ សុភាព អគ្គនាយកគេហទំព័រដើមអំពិលបានអត្ថាធិប្បាយថា ភ្លាមៗនេះ CNRP ពិបាកសម្រេចចិត្តណាស់ ពីព្រោះ ការសម្រេចចិត្តណាមួយមិនត្រឹមត្រូវអាចធ្វើឲ្យរង្គោះរង្គើផ្ទៃក្នុងគណបក្ស។ បើតាមលោក សយ សុភាព គណបក្សសង្គ្រោះជាតិអាចរក្សាប៉ុស្តិ៍នេះឲ្យនៅទំនេរមួយរយៈសិន។
ងាកមកលោក កែម ឡី អ្នកវិភាគសង្គមនយោបាយឯករាជ្យវិញ ប្រសិនបើគណបក្សសង្គ្រោះជាតិមិនស្នើសុំបេក្ខភាពជំនួសលោក កឹម សុខា ទេ, ពេលនោះ គណបក្សប្រជាជនកម្ពុជាអាចប្រមូលយកតំណែងប្រធានគណៈកម្មការទាំងអស់មកវិញពីគណបក្សសង្គ្រោះជាតិ និងអាចយកតំណែងអនុប្រធានទី១ពីបក្សសង្គ្រោះជាតិផងដែរ។ សម្រាប់លោក កែម ឡី ដំណើរទៅមុខរបស់គណបក្សសង្គ្រោះជាតិ គឺត្រូវបន្តចូលប្រជុំនៅក្នុងរដ្ឋសភាធម្មតា តតាំងជាមួយគណបក្សប្រជាជនកម្ពុជាដើម្បីទាញប្រជាប្រិយភាពពីប្រជាពលរដ្ឋ។
លោក កែម ឡី គិតថា គណបក្សសង្គ្រោះជាតិនៅតែបន្តចូលប្រជុំសភាដដែល។ ប៉ុន្តែលោក សយ សុភាព ប្រមើលមើលថា តំណាងរាស្ត្រគណបក្សសង្គ្រោះជាតិនឹងអាចដើរចេញពីសភានៅពេលណាមួយមុនការបោះឆ្នោតឃុំសង្កាត់ ឬការបោះឆ្នោតជាតិ៕
នេះជាសំណួរដែលគេពិបាកនឹងផ្តល់ចម្លើយភ្លាមៗ។ បើផ្អែកលើកិច្ចព្រមព្រៀងរវាងគណបក្សសិទ្ធិមនុស្ស និងគណបក្សសមរង្ស៊ី មុនពេលបង្កើតគណបក្សសង្គ្រោះជាតិ កូតាតំណែងដឹកនាំរដ្ឋសភាត្រូវតែមកពីគណបក្សសិទ្ធិមនុស្សរបស់លោក កឹម សុខា។ រីឯ តំណែងនាយករដ្ឋមន្ត្រីត្រូវផ្តល់ជូនកូតាមកពី គណបក្សសម រង្ស៊ី គឺលោក សម រង្ស៊ី តែម្តង។
ចុះនៅពេលដែលគេដកលោក កឹម សុខា ចេញពីតំណែង តើនរណានឹងត្រូវមកជំនួសរូបលោក?
បើផ្អែកលើកូតារវាងក្រុមលោក សម រង្ស៊ី និងលោក កឹម សុខា អ្នកដែលត្រូវមកជំនួសលោក កឹម សុខា ត្រូវតែមកពីក្រុមលោក កឹម សុខា ដដែល។ តែបញ្ហានៅត្រង់ថា ប្រសិនបើគណបក្សសង្គ្រោះជាតិស្នើបុគ្គលណាម្នាក់មកពីក្រុមលោក កឹម សុខា ថាតើ សមាជិកសភាមកពីគណបក្សប្រជាជនកម្ពុជានឹងបោះឆ្នោតជូនក្រុមលោក កឹម សុខា ម្តងទៀតដែរឬទេ?
ចុះប្រសិនបើក្រុមលោក សម រង្ស៊ី ស្នើតំណាងរាស្ត្រណាម្នាក់ពីក្រុមរបស់ខ្លួនឲ្យមកជំនួសតំណែងលោក កឹម សុខា វិញ តើជំរើសនេះទៅរួចដែរឬទេ?
នេះជាជម្រើសសមរម្យសម្រាប់គណបក្សប្រជាជនកម្ពុជា និងសមរម្យសម្រាប់ក្រុមលោក សម រង្ស៊ី។ ប៉ុន្តែរូបភាពនេះបានបង្កឲ្យគេមើលឃើញថា ផ្ទៃក្នុងគណបក្សសង្គ្រោះជាតិបាន និងកំពុងឈានទៅរកការបែកបាក់យ៉ាងពិតប្រាកដ។
ប្រសិនបើសេណារីយ៉ូទី១ និងទី២ពិបាកនឹងទៅរួចនោះ តើប៉ុស្តិ៍ជំនួសលោក កឹម សុខា នឹងទៅជាយ៉ាងណា?
លោក សយ សុភាព អគ្គនាយកគេហទំព័រដើមអំពិលបានអត្ថាធិប្បាយថា ភ្លាមៗនេះ CNRP ពិបាកសម្រេចចិត្តណាស់ ពីព្រោះ ការសម្រេចចិត្តណាមួយមិនត្រឹមត្រូវអាចធ្វើឲ្យរង្គោះរង្គើផ្ទៃក្នុងគណបក្ស។ បើតាមលោក សយ សុភាព គណបក្សសង្គ្រោះជាតិអាចរក្សាប៉ុស្តិ៍នេះឲ្យនៅទំនេរមួយរយៈសិន។
ងាកមកលោក កែម ឡី អ្នកវិភាគសង្គមនយោបាយឯករាជ្យវិញ ប្រសិនបើគណបក្សសង្គ្រោះជាតិមិនស្នើសុំបេក្ខភាពជំនួសលោក កឹម សុខា ទេ, ពេលនោះ គណបក្សប្រជាជនកម្ពុជាអាចប្រមូលយកតំណែងប្រធានគណៈកម្មការទាំងអស់មកវិញពីគណបក្សសង្គ្រោះជាតិ និងអាចយកតំណែងអនុប្រធានទី១ពីបក្សសង្គ្រោះជាតិផងដែរ។ សម្រាប់លោក កែម ឡី ដំណើរទៅមុខរបស់គណបក្សសង្គ្រោះជាតិ គឺត្រូវបន្តចូលប្រជុំនៅក្នុងរដ្ឋសភាធម្មតា តតាំងជាមួយគណបក្សប្រជាជនកម្ពុជាដើម្បីទាញប្រជាប្រិយភាពពីប្រជាពលរដ្ឋ។
លោក កែម ឡី គិតថា គណបក្សសង្គ្រោះជាតិនៅតែបន្តចូលប្រជុំសភាដដែល។ ប៉ុន្តែលោក សយ សុភាព ប្រមើលមើលថា តំណាងរាស្ត្រគណបក្សសង្គ្រោះជាតិនឹងអាចដើរចេញពីសភានៅពេលណាមួយមុនការបោះឆ្នោតឃុំសង្កាត់ ឬការបោះឆ្នោតជាតិ៕
Tag:
កឹម សុខា
© រក្សាសិទ្ធិដោយ thmeythmey.com
