អន្តរជាតិ
×![]()
ដោយ: តន ចាន់រិទ្ធារ៉ា
សាកសពជនរងគ្រោះចំនួន១៤៤នាក់ដែលបានស្លាប់ក្នុងគ្រោះថ្នាក់ធ្លាក់យន្តហោះនៅតំបន់ស៊ីណៃនៃប្រទេសអេហ្ស៊ីប បានបញ្ជូនទៅដល់ទីក្រុង Saint Petersburg ហើយនៅថ្ងៃច័ន្ទនេះ។ មូលហេតុពិតប្រាកដនៃការធ្លាក់នេះមិនទាន់ត្រូវបានដឹងទេ តែមន្ត្រីរុស្សីថា យន្តហោះបានផ្ទុះឆេះនៅលើអាកាស។
នៅថ្ងៃច័ន្ទនេះ យន្តហោះមួយគ្រឿងរបស់រុស្សីបានដឹកសាកសពចំនួន១៤៤នាក់ មកដល់ព្រលានយន្តហោះទីក្រុងSaint Petersburgហើយ។ ការស៊ើបអង្កេតកំពុងត្រូវបានធ្វើយ៉ាងដុតដៃដុតជើងដើម្បីរកមូលហេតុដែលនៅពីក្រោយនៃការធ្លាក់ដ៏អាក្រក់នេះដែលបានសម្លាប់មនុស្សរហូតដល់២២៤នាក់។
ក្រោយកើតហេតុ មានអ្នកស៊ើបអង្កេតមកពីប្រទេសជាច្រើនដោយមានទាំងរុស្សីផង បានចូលរួមក្នុងប្រតិបត្តិការស្វែងរកការពិតនេះ។ ក្រុមការស៊ើបអង្កេត បានរកឃើញប្រអប់ខ្មៅរបស់យន្តហោះ ហើយលទ្ធផលអាចនឹងដឹងក្នុងរយៈពេលខ្លីខាងមុខនេះ។ ប៉ុន្តែក្រុមស៊ើបអង្កេតរបស់រុស្សីបាននិយាយថា យន្តហោះបានបែកជាបំណែកតាំងពីនៅលើអាកាសមកម្ល៉េះ។
ដោយឡែក សម្រាប់សាកសពដែលដឹកតាមយន្តហោះនឹងត្រូវនាំយកទៅកាន់កន្លែងសម្រាប់បញ្ជាក់អត្តសញ្ញាណ។ ពេលនេះ ក្រុមគ្រួសារជនរងគ្រោះ បានទៅកាន់មណ្ឌលពិនិត្យឈាមដើម្បីផ្ដល់ឈាមសម្រាប់ការបញ្ជាក់អត្តសញ្ញាណរបស់ជនរងគ្រោះ។ មនុស្សជាច្រើនក៏បានទៅដាក់ផ្កានៅកន្លែងកាន់ទុក្ខដែលត្រូវបានរៀបចំសម្រាប់ការគោរពវិញ្ញាណក្ខន្ធជនរងគ្រោះ។
ជុំវិញមូលហេតុនៃការធ្លាក់នេះ ទាំងរដ្ឋាភិបាលអេហ្ស៊ីបនិងរុស្សី បានបដិសេធការអះអាងរបស់ក្រុមរដ្ឋឥស្លាមថា ខ្លួនស្ថិតនៅពីក្រោយការធ្លាក់នេះ។ ម្យ៉ាងទៀត អ្នកស៊ើបអង្កេតមកពីបារាំង អេហ្ស៊ីប រុស្សីនិងក្រុមហ៊ុន Airbusកំពុងដុតដៃដុតជើងស្វែងរកមូលហេតុដទៃទៀតដែលនាំដល់ការធ្លាក់យន្តហោះនេះ។
សូមរម្លឹកផងដែរថា យន្តហោះរុស្ស៊ីដែលបានធ្លាក់នោះ បានធ្វើដំណើរក្នុងទិសដៅពីទីក្រុង Sharm el-Sheikh របស់អេហ្ស៊ីបទៅទីក្រុង Saint Petersburgរបស់រុស្សី មុននឹងបាត់ការទាក់ទងក្នុងតំបន់ស៊ីណៃ។ ហើយឧប្បទ្ទវហេតុនៃការធ្លាក់យន្តហោះនេះ ជាហេតុការណ៍ ដ៏អាក្រក់ក្នុងប្រវត្តិសាស្ត្រហោះហើររបស់ប្រទេសរុស្សី៕
នៅថ្ងៃច័ន្ទនេះ យន្តហោះមួយគ្រឿងរបស់រុស្សីបានដឹកសាកសពចំនួន១៤៤នាក់ មកដល់ព្រលានយន្តហោះទីក្រុងSaint Petersburgហើយ។ ការស៊ើបអង្កេតកំពុងត្រូវបានធ្វើយ៉ាងដុតដៃដុតជើងដើម្បីរកមូលហេតុដែលនៅពីក្រោយនៃការធ្លាក់ដ៏អាក្រក់នេះដែលបានសម្លាប់មនុស្សរហូតដល់២២៤នាក់។
ក្រោយកើតហេតុ មានអ្នកស៊ើបអង្កេតមកពីប្រទេសជាច្រើនដោយមានទាំងរុស្សីផង បានចូលរួមក្នុងប្រតិបត្តិការស្វែងរកការពិតនេះ។ ក្រុមការស៊ើបអង្កេត បានរកឃើញប្រអប់ខ្មៅរបស់យន្តហោះ ហើយលទ្ធផលអាចនឹងដឹងក្នុងរយៈពេលខ្លីខាងមុខនេះ។ ប៉ុន្តែក្រុមស៊ើបអង្កេតរបស់រុស្សីបាននិយាយថា យន្តហោះបានបែកជាបំណែកតាំងពីនៅលើអាកាសមកម្ល៉េះ។
ដោយឡែក សម្រាប់សាកសពដែលដឹកតាមយន្តហោះនឹងត្រូវនាំយកទៅកាន់កន្លែងសម្រាប់បញ្ជាក់អត្តសញ្ញាណ។ ពេលនេះ ក្រុមគ្រួសារជនរងគ្រោះ បានទៅកាន់មណ្ឌលពិនិត្យឈាមដើម្បីផ្ដល់ឈាមសម្រាប់ការបញ្ជាក់អត្តសញ្ញាណរបស់ជនរងគ្រោះ។ មនុស្សជាច្រើនក៏បានទៅដាក់ផ្កានៅកន្លែងកាន់ទុក្ខដែលត្រូវបានរៀបចំសម្រាប់ការគោរពវិញ្ញាណក្ខន្ធជនរងគ្រោះ។
ជុំវិញមូលហេតុនៃការធ្លាក់នេះ ទាំងរដ្ឋាភិបាលអេហ្ស៊ីបនិងរុស្សី បានបដិសេធការអះអាងរបស់ក្រុមរដ្ឋឥស្លាមថា ខ្លួនស្ថិតនៅពីក្រោយការធ្លាក់នេះ។ ម្យ៉ាងទៀត អ្នកស៊ើបអង្កេតមកពីបារាំង អេហ្ស៊ីប រុស្សីនិងក្រុមហ៊ុន Airbusកំពុងដុតដៃដុតជើងស្វែងរកមូលហេតុដទៃទៀតដែលនាំដល់ការធ្លាក់យន្តហោះនេះ។
សូមរម្លឹកផងដែរថា យន្តហោះរុស្ស៊ីដែលបានធ្លាក់នោះ បានធ្វើដំណើរក្នុងទិសដៅពីទីក្រុង Sharm el-Sheikh របស់អេហ្ស៊ីបទៅទីក្រុង Saint Petersburgរបស់រុស្សី មុននឹងបាត់ការទាក់ទងក្នុងតំបន់ស៊ីណៃ។ ហើយឧប្បទ្ទវហេតុនៃការធ្លាក់យន្តហោះនេះ ជាហេតុការណ៍ ដ៏អាក្រក់ក្នុងប្រវត្តិសាស្ត្រហោះហើររបស់ប្រទេសរុស្សី៕
© រក្សាសិទ្ធិដោយ thmeythmey.com
