ជាតិ
សាលារាជធានីបញ្ជាក់ពីកម្មវិធីកម្សាន្តមួយចំនួននៅពេលបុណ្យអុំទូក
× បើទោះជា កម្មវិធីប្រណាំងទូក នៅក្នុងព្រះរាជពិធីបុណ្យអុំទូក បណ្តែតប្រទីប និងសំពះព្រះខែ មិនបានរៀបចំធ្វើ ប៉ុន្តែសម្រាប់កម្មវិធីកម្សាន្តនានា នៅរៀបចំធ្វើដដែល។ សាលារាជធានីភ្នំពេញ នឹងរៀបចំកម្មវិធីកម្សាន្ត នៅតាមបណ្តាទីតាំងមួយចំនួន នៅក្នុងពិធីបុណ្យរយៈពេល៣ថ្ងៃនេះ។
បើតាមសេចក្តីជូនដំណឹងរបស់សាលារាជធានីភ្នំពេញ កម្មវិធីកម្សាន្តទាំងនោះរួមមាន៖
១. ការសម្តែងសិល្បៈបុរាណខ្មែរ-តូរ្យតន្ត្រីបែបប្រពៃណីជាតិ ការប្រគំតន្ត្រីសម័យរបស់ស្ថា នីយ៍វិទ្យ និងទូរទស្សន៍រាជធានីភ្នំពេញ(បុស្តិ៍លេខ៣) នៅទីលានប្រជាធិបតេយ្យ។
២. ការតាំងពិព័រណ៍ផលិតផល និងការប្រគំតន្ត្រីសម័យរបស់ស្ថានីយ៍ទូរទស្សន៍ហង្សមាស នៅទីធ្លាសួនច្បារវត្តបទុមវតី។
៣. ការតាំងពិព័រណ៍ផលិតផល និងការប្រគំតន្ត្រីសម័យរបស់អគ្គនាយកដ្ឋានវិទ្យុ និងទូរ ទស្សន៍បាយ័ន នៅមជ្ឈមណ្ឌលសន្និបាត និងពិព័រណ៍កោះពេជ្រ។
៤. កម្មវិធីបណ្តែតគោម នៅថ្ងៃទី២៥ខែវិច្ឆិកា នៅមុខព្រះបរមរាជវាំង និងកម្មវិធីសំពះព្រះខែ និងការប្រគំតន្ត្រី នៅរមណីយដ្ឋានវត្តភ្នំ។
សាលារាជធានីភ្នំពេញ បានបញ្ជាក់ទៀតថា ការចូលរួមសម្តែងសិល្បៈ និងប្រគំតន្ត្រី នឹងមានការចូលរួមពីសំណាក់សិល្បករល្បីៗប្រចាំកម្ពុជា ព្រមទាំងមានការផ្សាយផ្ទាល់ពីស្ថានីយ៍ទូរទស្សន៍បុស្តិ៍លេខ៣ ទូរទស្សន៍ហង្សមាស និងទូរទស្សន៍បាយ័នផងដែរ៕
© រក្សាសិទ្ធិដោយ thmeythmey.com