អន្តរជាតិ
រុស្ស៊ីចង់បិទទំនិញតួគីនិង ផ្គត់ផ្គង់ប្រព័ន្ធមីស៊ីលឲ្យអ៊ីរ៉ង់ដើម្បីសងសឹកតួកគី
×![]()
ក្រោយយន្តហោះចម្បាំងខ្លួនត្រូវតួកគីបាញ់ធ្លាក់ រុស្ស៊ីដាក់វិធានការប្រឆាំងរដ្ឋាភិបាលតួកគីជាបន្តបន្ទាប់ ទាំងផ្នែកការទូត នយោបាយ យោធានិង សេដ្ឋកិច្ចផង។ ម្សិលមិញក្រសួងការពារជាតិរុស្ស៊ីប្រកាសថាខ្លួននឹងពង្រាយប្រព័ន្ធមីស៊ីល និងនាវាចម្បាំងទៅការពារមូលដ្ឋានខ្លួននៅស៊ីរី ហើយព្យួរទំនាក់ទំនងយោធាជាមួយតួកគី ហើយថ្ងៃនេះរុស្ស៊ីប្រកាសលុបចោលកិច្ចប្រជុំតួកគី-រុស្ស៊ី ដែលត្រូវរៀបចំនៅខែក្រោយ។ របបក្រេមឡាំងក៏កំពុងពិចារណាប្រើវិធានការរឹតបន្តឹងទំនិញដែលនាំមកពីតួកគីផងដែរ។ ប៉ុន្តែរុស្ស៊ីបង្ហើបថា ខ្លួនរង់ចាំសុំអភ័យទោសពីតួកគីជាផ្លូវការ ហើយគ្មានផែនការធ្វើសង្គ្រាមទេ ។
សូមស្តាប់ការបកស្រាយរបស់លោក សៅ ផលនិស្ស័យ៖
យន្តហោះរុស្ស៊ីត្រូវតួកគីបាញ់ទម្លាក់ក្លាយជាប្រធានបទសំខាន់ និងក្លាយជារឿងប្រឈមមុខគ្នាដ៏តានតឹងបំផុតដែររវាងសម្ព័ន្ធណាតូនិងរុស្ស៊ីក្រោយសម័យសង្គ្រាមត្រជាក់។ ទោះជាការប្រឈមមុខដាក់គ្នាខ្លាំងយ៉ាងណាក៏ដោយ ប្រទេសទាំងនេះគ្មានផែនការធ្វើសង្គ្រាមទេ ប៉ុន្តែពួកគេកំពុងយកបញ្ហានេះជាលេសដើម្បីទាញប្រយោជន៍រៀងខ្លួន។ តួកគីបាញ់យន្តហោះរុស្ស៊ី ដោយចោទថា រុស្ស៊ីរំលោភដែនអាកាសនិងអធិបតេយ្យរបស់ខ្លួន។ ហើយមូលហេតុពិតប្រាកដដែលតួកគីត្រូវធ្វើបែបនោះព្រោះមិនពេញចិត្តនឹងអន្តរាគមន៍របស់ក្រុងម៉ូស្គូនៅស៊ីរីដើម្បីការពារប្រធានាធិបតី បាសា អាល់អាសាដ និងវាយសំពងក្រុមឧទ្ទាមផងនោះ។ ក្នុងក្រសែរភ្នែករដ្ឋាភិបាលក្រុងអង់ការ៉ា រុស្ស៊ីកំពុងបំផ្លាញផែនការពង្រឹងឥទ្ធិពលតួកគី និងកសាងចក្រភពអូតូម៉ង់ឡើងវិញផងនោះ។
ចំណែករុស្ស៊ីឯណោះវិញ មិនប្រើប្រាស់កម្លាំងតបតួកគីទេ ប៉ុន្តែបញ្ហាតានតឹងនេះក្លាយជាលេសសម្រាប់របបដឹកនាំលោក វ្ល៉ាឌីមៀ ពូទីន ក្នុងការបន្ថែមកម្លាំង និងពង្រាយសព្វាវុធបន្ថែមទៅកាន់ប្រទេសស៊ីរីដើម្បីអាច ការពាររបបលោក អាសាដបានពេញដេញពេញជើង។ តែបើសិនការប្រឈមមុខដាក់គ្នាកើនឡើងខ្លាំង ដោយមិនថមថយ កម្តៅ វាក៏បណ្តាលឲ្យការចរចាគ្នារវាងមហាអំណាចពាក់ព័ន្ធនៅទីក្រុងវ្យ៉ែនដើម្បីបញ្ចប់បញ្ហាស៊ីរី ជាប់គាំងទៅមុខមិនរួចដូចគ្នាដែរ។
១.រុស្ស៊ីគ្មានបំណងធ្វើសង្គ្រាមជាមួយតួកគី
ដូចការលើកឡើងពិម្សិលមិញដូច្នេះដែរ សង្គ្រាមមិនអាចកើតឡើងព្រោះតែយន្តហោះរុស្ស៊ីត្រួវតួកគីបាញ់ឡើយ។ មកទល់ម្សិលមិញរដ្ឋមន្ត្រីការបរទេសរុស្ស៊ីលោក Sergei Lavrov ក៏បានបញ្ជាក់ផងថា រុស្ស៊ីគ្មានផែនការបង្កើតសង្គ្រាមប្រឆាំងតួកគីឡើយ តែប្រមុខការទូតរុស្ស៊ីនេះក៏ឆ្លៀតវាយប្រហារតួកគី និងណាតូផងដែរថា ការបាញ់ទម្លាក់យន្តហោះរុស្ស៊ីមានការគ្រោងទុក និងជាការបង្ករឿងប៉ុណ្ណោះ។ ការលើកឡើងបែបនេះបញ្ជាក់ពីជំហររបស់រុស្ស៊ីរួចទៅហើយថា ការបាញ់យន្តហោះខ្លួនពិតជាធ្ងន់ធ្ងរមែន ប៉ុន្តែវាមិនដល់ថ្នាក់ជំរុញឲ្យរុស្ស៊ីត្រូវប្រឡូកក្នុងភ្លើងសង្គ្រាមទេ។ ម្សិលមិញនេះដែរ ប្រមុខរដ្ឋតួកគីលោក Erdogan បានថ្លែងតាមកញ្ចក់ទូរទស្សន៍ថា តួកគីគ្មានចេតនាបង្កភាពតានតឹងនិងបង្កជម្លោះជាមួយរុស្ស៊ីទេ ប៉ុន្តែអ្វីដែលតួកគីធ្វើជាការការពារអធិបតេយ្យរបស់ខ្លួនប៉ុណ្ណោះ។ ប៉ុន្តែ រុស្ស៊ីកំពុងបន្តគំរាម និងចាត់វិធានការសងសឹកតួកគីខ្លះៗដែរ។
២. រុស្ស៊ីត្រៀមចាត់វិធានការសេដ្ឋកិច្ចប្រឆាំងតួកគីតែរង់ចាំការសុំទោសជាផ្លូវការពីតួកគី
ក្រៅពីរិះគន់តួកគីមិនសំចៃមាត់ រដ្ឋាភិបាលក្រុងម៉ូស្គូក៏ចង់ដាក់វិធានការសេដ្ឋកិច្ចដើម្បីសងសឹករដ្ឋាភិបាលតួកគី។ បើតាមសារព័ត៌មានរដ្ឋរុស្ស៊ី RT បច្ចុប្បន្នរដ្ឋាភិបាលក្រុងម៉ូស្គូកំពុងរៀបចំវិធានការដែលរឹតត្បិតទំនិញដែលនាំមពីតួកគីផង ហើយរុស្ស៊ីអះអាងថា វាជាវិធានការរយៈពេលវែង ដូចអ្វីដែលខ្លួនប្រើប្រាស់ប្រឆាំងទំនិញលោកខាងលិចដូចអាមេរិក និងរដ្ឋអឺរ៉ុបផ្សេងទៀតដែរ។
មិនត្រឹមតែប៉ុណ្ណោះរដ្ឋាភិបាលរុស្ស៊ីក៏បានប្រកាសលុបចោលគម្រោងប្រជុំរួមកម្រិតរដ្ឋាភិបាលជាមួយតួកគីដែលនឹងត្រូវរៀបចំនៅខែក្រោយផងដែរ។ ប៉ុន្តែយ៉ាងណាក៏ដោយ រុស្ស៊ី លួចបង្ហើបថា ខ្លួនកំពុងរង់ចាំការសុំអភ័យទោសពីរដ្ឋាភិបាលតួកគីជុំវិញការបាញ់ទម្លាក់យន្តហោះរបស់ខ្លួនកន្លងមកនេះដែរ។ បើសិនមានការសុំអភ័យទោសជាផ្លូវការមែន វាប្រាកដណាស់ថា ភាពតានតឹងនេះនឹងធូរស្រាលវិញ ហើយរុស្ស៊ីក៏នឹងផ្លាស់ប្តូរជំហរដ៏រឹងត្អឹងរបស់ខ្លួន។
៣.រុស្ស៊ីថា ខ្លួននឹងបញ្ជូនប្រព័ន្ធការពារដែនអាកាសទៅអ៊ីរ៉ង់នៅឆ្នាំនេះ
ម្សិលមិញនេះដែរ អ៊ីរ៉ង់ក៏បានចេញមុខថ្កោលទោសតួកគីផងដែរ ដែលហ៊ានបាញ់យន្តហោះរុស្ស៊ីទម្លាក់ ហើយរដ្ឋមហាអំណាចតំបន់ មួយនេះក៏បានចោទប្រកាន់តួកគីផងដែរជុំវិញការគាំទ្រក្រុមភេរវជននិងក្រុមប្រដាប់អាវុធដែលមានបំណងផ្តួលរំលរបបលោកអាសាដ។
សញ្ញាវិជ្ជមានសម្រាប់អ៊ីរ៉ង់ ក្រោយយន្តហោះរុស្ស៊ីធ្លាក់ គឺការកើនឡើងនៃវត្តមានកងទ័ពនិងសព្វាវុធរុស្ស៊ីនៅមជ្ឈិមបូព៌ាតែម្តង។ ហើយមួយវិញទៀតអាវុធដែលខ្លួនសុំទិញពីរុស្ស៊ីយូរឆ្នាំនោះនឹងមកដល់ដៃខ្លួនឆាប់ៗ។ គ្រាន់តែមានភាពតានតឹងប្រឈមមុខដាក់គ្នាជាមួយតួកគី រុស្ស៊ីចេញមុខប្រកាសជាថ្មីថារុស្ស៊ីនឹង បញ្ជូនប្រព័ន្ធការពារដែនអាកាស S-300 ទៅឲ្យអ៊ីរ៉ង់ក្នុងឆ្នាំនេះតែម្តងដោយគ្មានបង្អែរបង្អង់ឡើយ។ តាមពិតទៅអ៊ីរ៉ង់សុំទិញអាវុធរុស្ស៊ីនេះតាំងពីឆ្នាំ ២០១០ ប៉ុន្តែក្រុងម៉ូស្គូសុខចិត្តព្យួរកិច្ចព្រមព្រៀង នេះដោយអនុលោមតាមដំណោះស្រាយក្រុមប្រឹក្សាសន្តិសុខ។ ប៉ុន្តែក្រោយមានកិច្ចព្រមព្រៀងនុយក្លេអ៊ែរខែកក្កដា ទណ្ឌកម្មប្រឆាំងអ៊ីរ៉ង់ត្រូវដកចេញដោយផ្នែក ហើយរុស្ស៊ីបានលេសចាប់ផ្តើមបញ្ជូនអាវុធទៅឲ្យអ៊ីរ៉ង់វិញ ទោះអាមេរិកហាមក៏ដោយ។ ក្រៅពីប្រកាសថានឹងបញ្ជូនអាវុធឲ្យដល់ដៃរបបដឹកនាំក្រុងតេអ៊ីរ៉ង់ឆ្នាំនេះ រុស្ស៊ីក៏បានបង្ហាញគម្រោងដាក់ពង្រាយប្រព័ន្ធ កាពារអាកាសប្រឆាំងយន្តហោះស៊េរីទំនើប S-400 ទៅស៊ីរី បន្ថែមលើនាវាចម្បាំងនិងសព្វាវុធផ្សេងទៀតដែលត្រូវប្រើប្រាស់សម្រាប់ការពារសន្តិសុខកងទ័ពនិងមូលដ្ឋានទ័ពរុស្ស៊ីនៅមជ្ឈិមបូព៌ាតែម្តង៕
សូមស្តាប់ការបកស្រាយរបស់លោក សៅ ផលនិស្ស័យ៖
យន្តហោះរុស្ស៊ីត្រូវតួកគីបាញ់ទម្លាក់ក្លាយជាប្រធានបទសំខាន់ និងក្លាយជារឿងប្រឈមមុខគ្នាដ៏តានតឹងបំផុតដែររវាងសម្ព័ន្ធណាតូនិងរុស្ស៊ីក្រោយសម័យសង្គ្រាមត្រជាក់។ ទោះជាការប្រឈមមុខដាក់គ្នាខ្លាំងយ៉ាងណាក៏ដោយ ប្រទេសទាំងនេះគ្មានផែនការធ្វើសង្គ្រាមទេ ប៉ុន្តែពួកគេកំពុងយកបញ្ហានេះជាលេសដើម្បីទាញប្រយោជន៍រៀងខ្លួន។ តួកគីបាញ់យន្តហោះរុស្ស៊ី ដោយចោទថា រុស្ស៊ីរំលោភដែនអាកាសនិងអធិបតេយ្យរបស់ខ្លួន។ ហើយមូលហេតុពិតប្រាកដដែលតួកគីត្រូវធ្វើបែបនោះព្រោះមិនពេញចិត្តនឹងអន្តរាគមន៍របស់ក្រុងម៉ូស្គូនៅស៊ីរីដើម្បីការពារប្រធានាធិបតី បាសា អាល់អាសាដ និងវាយសំពងក្រុមឧទ្ទាមផងនោះ។ ក្នុងក្រសែរភ្នែករដ្ឋាភិបាលក្រុងអង់ការ៉ា រុស្ស៊ីកំពុងបំផ្លាញផែនការពង្រឹងឥទ្ធិពលតួកគី និងកសាងចក្រភពអូតូម៉ង់ឡើងវិញផងនោះ។
ចំណែករុស្ស៊ីឯណោះវិញ មិនប្រើប្រាស់កម្លាំងតបតួកគីទេ ប៉ុន្តែបញ្ហាតានតឹងនេះក្លាយជាលេសសម្រាប់របបដឹកនាំលោក វ្ល៉ាឌីមៀ ពូទីន ក្នុងការបន្ថែមកម្លាំង និងពង្រាយសព្វាវុធបន្ថែមទៅកាន់ប្រទេសស៊ីរីដើម្បីអាច ការពាររបបលោក អាសាដបានពេញដេញពេញជើង។ តែបើសិនការប្រឈមមុខដាក់គ្នាកើនឡើងខ្លាំង ដោយមិនថមថយ កម្តៅ វាក៏បណ្តាលឲ្យការចរចាគ្នារវាងមហាអំណាចពាក់ព័ន្ធនៅទីក្រុងវ្យ៉ែនដើម្បីបញ្ចប់បញ្ហាស៊ីរី ជាប់គាំងទៅមុខមិនរួចដូចគ្នាដែរ។
១.រុស្ស៊ីគ្មានបំណងធ្វើសង្គ្រាមជាមួយតួកគី
ដូចការលើកឡើងពិម្សិលមិញដូច្នេះដែរ សង្គ្រាមមិនអាចកើតឡើងព្រោះតែយន្តហោះរុស្ស៊ីត្រួវតួកគីបាញ់ឡើយ។ មកទល់ម្សិលមិញរដ្ឋមន្ត្រីការបរទេសរុស្ស៊ីលោក Sergei Lavrov ក៏បានបញ្ជាក់ផងថា រុស្ស៊ីគ្មានផែនការបង្កើតសង្គ្រាមប្រឆាំងតួកគីឡើយ តែប្រមុខការទូតរុស្ស៊ីនេះក៏ឆ្លៀតវាយប្រហារតួកគី និងណាតូផងដែរថា ការបាញ់ទម្លាក់យន្តហោះរុស្ស៊ីមានការគ្រោងទុក និងជាការបង្ករឿងប៉ុណ្ណោះ។ ការលើកឡើងបែបនេះបញ្ជាក់ពីជំហររបស់រុស្ស៊ីរួចទៅហើយថា ការបាញ់យន្តហោះខ្លួនពិតជាធ្ងន់ធ្ងរមែន ប៉ុន្តែវាមិនដល់ថ្នាក់ជំរុញឲ្យរុស្ស៊ីត្រូវប្រឡូកក្នុងភ្លើងសង្គ្រាមទេ។ ម្សិលមិញនេះដែរ ប្រមុខរដ្ឋតួកគីលោក Erdogan បានថ្លែងតាមកញ្ចក់ទូរទស្សន៍ថា តួកគីគ្មានចេតនាបង្កភាពតានតឹងនិងបង្កជម្លោះជាមួយរុស្ស៊ីទេ ប៉ុន្តែអ្វីដែលតួកគីធ្វើជាការការពារអធិបតេយ្យរបស់ខ្លួនប៉ុណ្ណោះ។ ប៉ុន្តែ រុស្ស៊ីកំពុងបន្តគំរាម និងចាត់វិធានការសងសឹកតួកគីខ្លះៗដែរ។
២. រុស្ស៊ីត្រៀមចាត់វិធានការសេដ្ឋកិច្ចប្រឆាំងតួកគីតែរង់ចាំការសុំទោសជាផ្លូវការពីតួកគី
ក្រៅពីរិះគន់តួកគីមិនសំចៃមាត់ រដ្ឋាភិបាលក្រុងម៉ូស្គូក៏ចង់ដាក់វិធានការសេដ្ឋកិច្ចដើម្បីសងសឹករដ្ឋាភិបាលតួកគី។ បើតាមសារព័ត៌មានរដ្ឋរុស្ស៊ី RT បច្ចុប្បន្នរដ្ឋាភិបាលក្រុងម៉ូស្គូកំពុងរៀបចំវិធានការដែលរឹតត្បិតទំនិញដែលនាំមពីតួកគីផង ហើយរុស្ស៊ីអះអាងថា វាជាវិធានការរយៈពេលវែង ដូចអ្វីដែលខ្លួនប្រើប្រាស់ប្រឆាំងទំនិញលោកខាងលិចដូចអាមេរិក និងរដ្ឋអឺរ៉ុបផ្សេងទៀតដែរ។
មិនត្រឹមតែប៉ុណ្ណោះរដ្ឋាភិបាលរុស្ស៊ីក៏បានប្រកាសលុបចោលគម្រោងប្រជុំរួមកម្រិតរដ្ឋាភិបាលជាមួយតួកគីដែលនឹងត្រូវរៀបចំនៅខែក្រោយផងដែរ។ ប៉ុន្តែយ៉ាងណាក៏ដោយ រុស្ស៊ី លួចបង្ហើបថា ខ្លួនកំពុងរង់ចាំការសុំអភ័យទោសពីរដ្ឋាភិបាលតួកគីជុំវិញការបាញ់ទម្លាក់យន្តហោះរបស់ខ្លួនកន្លងមកនេះដែរ។ បើសិនមានការសុំអភ័យទោសជាផ្លូវការមែន វាប្រាកដណាស់ថា ភាពតានតឹងនេះនឹងធូរស្រាលវិញ ហើយរុស្ស៊ីក៏នឹងផ្លាស់ប្តូរជំហរដ៏រឹងត្អឹងរបស់ខ្លួន។
៣.រុស្ស៊ីថា ខ្លួននឹងបញ្ជូនប្រព័ន្ធការពារដែនអាកាសទៅអ៊ីរ៉ង់នៅឆ្នាំនេះ
ម្សិលមិញនេះដែរ អ៊ីរ៉ង់ក៏បានចេញមុខថ្កោលទោសតួកគីផងដែរ ដែលហ៊ានបាញ់យន្តហោះរុស្ស៊ីទម្លាក់ ហើយរដ្ឋមហាអំណាចតំបន់ មួយនេះក៏បានចោទប្រកាន់តួកគីផងដែរជុំវិញការគាំទ្រក្រុមភេរវជននិងក្រុមប្រដាប់អាវុធដែលមានបំណងផ្តួលរំលរបបលោកអាសាដ។
សញ្ញាវិជ្ជមានសម្រាប់អ៊ីរ៉ង់ ក្រោយយន្តហោះរុស្ស៊ីធ្លាក់ គឺការកើនឡើងនៃវត្តមានកងទ័ពនិងសព្វាវុធរុស្ស៊ីនៅមជ្ឈិមបូព៌ាតែម្តង។ ហើយមួយវិញទៀតអាវុធដែលខ្លួនសុំទិញពីរុស្ស៊ីយូរឆ្នាំនោះនឹងមកដល់ដៃខ្លួនឆាប់ៗ។ គ្រាន់តែមានភាពតានតឹងប្រឈមមុខដាក់គ្នាជាមួយតួកគី រុស្ស៊ីចេញមុខប្រកាសជាថ្មីថារុស្ស៊ីនឹង បញ្ជូនប្រព័ន្ធការពារដែនអាកាស S-300 ទៅឲ្យអ៊ីរ៉ង់ក្នុងឆ្នាំនេះតែម្តងដោយគ្មានបង្អែរបង្អង់ឡើយ។ តាមពិតទៅអ៊ីរ៉ង់សុំទិញអាវុធរុស្ស៊ីនេះតាំងពីឆ្នាំ ២០១០ ប៉ុន្តែក្រុងម៉ូស្គូសុខចិត្តព្យួរកិច្ចព្រមព្រៀង នេះដោយអនុលោមតាមដំណោះស្រាយក្រុមប្រឹក្សាសន្តិសុខ។ ប៉ុន្តែក្រោយមានកិច្ចព្រមព្រៀងនុយក្លេអ៊ែរខែកក្កដា ទណ្ឌកម្មប្រឆាំងអ៊ីរ៉ង់ត្រូវដកចេញដោយផ្នែក ហើយរុស្ស៊ីបានលេសចាប់ផ្តើមបញ្ជូនអាវុធទៅឲ្យអ៊ីរ៉ង់វិញ ទោះអាមេរិកហាមក៏ដោយ។ ក្រៅពីប្រកាសថានឹងបញ្ជូនអាវុធឲ្យដល់ដៃរបបដឹកនាំក្រុងតេអ៊ីរ៉ង់ឆ្នាំនេះ រុស្ស៊ីក៏បានបង្ហាញគម្រោងដាក់ពង្រាយប្រព័ន្ធ កាពារអាកាសប្រឆាំងយន្តហោះស៊េរីទំនើប S-400 ទៅស៊ីរី បន្ថែមលើនាវាចម្បាំងនិងសព្វាវុធផ្សេងទៀតដែលត្រូវប្រើប្រាស់សម្រាប់ការពារសន្តិសុខកងទ័ពនិងមូលដ្ឋានទ័ពរុស្ស៊ីនៅមជ្ឈិមបូព៌ាតែម្តង៕
© រក្សាសិទ្ធិដោយ thmeythmey.com
