ប្លែកៗ
អន្តរជាតិ
ក្រិក ៖ នារីវ័យក្មេងលក់ខ្លួនក្នុងតម្លៃទាបបំផុតមិនធ្លាប់មាន ស្មើនឹង sandwich មួយដុំ
×![]()
ដោយ: ធីតា
វិបត្តិសេដ្ឋកិច្ចដ៏ធ្ងន់ធ្ងរនៅក្រិក បានជំរុញឲ្យនារីក្មេងៗក្នុងប្រទេសនេះលក់ផ្លូវភេទ ក្នុងតម្លៃដ៏ទាបបំផុតមិនធ្លាប់មាន គឺស្មើនឹងនំប៉័ង sandwich មួយដុំ។
នារីខ្លះលក់ខ្លួនដោយសារតែបំពេញក្រពះ ខ្លះទៀត ប្រឡូកក្នុងវិស័យនេះដើម្បីបង់ពន្ធ ឬទិញគ្រឿងញៀនជាដើម។ នៅពេលដែលវិបត្តិសេដ្ឋកិច្ចទើបនឹងចាប់ផ្តើម តម្លៃផ្លូវភេទក្នុងប្រទេសនេះគឺប្រមាណជា ៥០ ដុល្លារ ប៉ុន្តែពេលនេះ តម្លៃនេះបានធ្លាក់ចុះមកត្រឹមតែរវាង ២ ដុល្លារប៉ុណ្ណោះ។ នៅក្នុងពិភពឧស្សាហកម្មផ្លូវភេទបច្ចុប្បន្ន នារីវ័យក្មេងក្រិកបានកើនឡើងយ៉ាងលើសលប់ ដោយមានរហូតដល់ ៨០ % នៃទីផ្សារផ្លូវភេទក្នុងស្រុក នេះបើតាមការសិក្សាថ្មីមួយរបស់សាកលវិទ្យាល័យ Panteion នៅទីក្រុងអាតែន ដែលបានធ្វើឡើងជាមួយនារីរកស៊ីផ្លូវភេទក្នុងស្រុកជាង ១៧ ០០០ នាក់។
បើតាមការសិក្សានេះ ដោយសារតែប្រាក់បៀវត្សរ៍បានធ្លាក់ចុះ និងអត្រានៃប្រជាជនគ្មានការងារធ្វើកើនឡើង ទិន្នាការនៃចាប់យករបររកស៊ីផ្លូវភេទនេះហាក់ស្ទុះឡើងយ៉ាងឆាប់រហ័ស និងកើនក្នុងចំនូនមួយដ៏ថេរ៕
Tag:
ប្លែកៗ
© រក្សាសិទ្ធិដោយ thmeythmey.com
