ជាតិ
នយោបាយជាតិ
រដ្ឋសភាអនុម័តសេចក្តីព្រាងច្បាប់ស្ថិតិដោយគ្មានតំណាងរាស្ត្របក្សប្រឆាំង រួបថត៖ នាយកដ្ឋានព៍ត៌មាននៃរដ្ឋសភា
×
ដូចសេចក្តីព្រាងច្បាប់ស្តីពីថវិកាឆ្នាំ២០១៦ដែរ សេចក្តីព្រាងច្បាប់ស្តីពីស្ថិតិ ក៏ត្រូវបានតំណាងរាស្ត្រគណបក្សប្រជាជនកម្ពុជាអនុម័តជាឯកច្ឆ័ន្ទជាមួយសំឡេង៦៦នៃអ្នកតំណាងរាស្ត្រវត្តមានដែរ នៅរសៀលថ្ងៃទី៣០វិច្ឆិកានេះ។ តាមពិតនេះគឺជាសេចក្តីព្រាងច្បាប់ថ្មីមួយស្តីពីស្ថិតិ ដែលនឹងជំនួសច្បាប់ស្ថិតិចាស់ដែលចូលជាធរមានក្នុងឆ្នាំ២០០៥ ។
នៅក្នុងសេចក្តីថ្លែងហេតុនៃសេចក្តីព្រាងច្បាប់ដែលមាន៣៨មាត្រា លោកនាយករដ្ឋមន្ត្រី ហ៊ុន សែន បានសរសេរថា ច្បាប់ស្តីពីស្ថិតិត្រូវបានតាក់តែងឡើងក្នុងគោលដៅបន្តនិរន្តរភាពផលិតទិន្ន័យស្ថិតិ និងពង្រឹងការសម្របសម្រួល ការគ្រប់គ្រង របស់ប្រព័ន្ធស្ថិតិជាតិ ដើម្បីឆ្លើយតបទៅនឹងតម្រូវការចាំបាច់របស់អ្នកប្រើប្រាស់។ លោកនាយករដ្ឋមន្ត្រីបានបញ្ជាក់យ៉ាងដូច្នេះថា៖«បើគ្មានស្ថិតិ យើងមិនអាចយល់ដឹងពីព័ត៌មានសម្រាប់យកមកធ្វើការតាមដាន ត្រួតពិនិត្យ វិភាគ និងវាយតម្លៃ ក្នុងការធ្វើសេចក្តីសម្រេចកសាងផែនការយុទ្ធសាស្ត្រ ដើម្បីអភិវឌ្ឍន៍ចំគោលដៅប្រកបដោយប្រសិទ្ធភាពបានទេ»។ លោក ហ៊ុន សែន បន្តថា៖«ទិន្នន័យស្ថិតិគឺជាឧបករណ៍ចាំបាច់បំផុតរបស់អ្នកធ្វើផែនការអភិវឌ្ឍ។ បើមិនមានទិន្នន័យច្បាស់លាស់ទាន់ពេលវេលានទេនោះ យើងក៏មិនអាចធ្វើការប្រកួតប្រជែងបានដែរ»។
នៅក្នុងឆ្នាំ១៩៩៧ កម្ពុជាមានត្រឹមអនុក្រឹត្យដែលចែងអំពីកាតព្វកិច្ចធ្វើស្ថិតិ ប៉ុន្តែអនុក្រឹត្យនោះមិនអាចអនុញ្ញាតឲ្យការងារស្ថិតិប្រព្រឹត្តទៅដោយពេញលេញ និងមានប្រសិទ្ធភាពទេ៕
© រក្សាសិទ្ធិដោយ thmeythmey.com