ជាតិ
នយោបាយជាតិ
លោក ញ៉ែម អេន ថា នៅជាមួយ CPP លោកមានឱកាសអភិវឌ្ឍអន្លង់វែង
×
អតីតជាងថតរូបនៅសម័យខ្មែរ លោក ញ៉ែម អេន បានបើកសន្និសីទសារព័ត៌មាននារសៀលថ្ងៃទី១២ ខែធ្នូ ឆ្នាំ២០១៥ នេះ ទាក់ទងនឹងការសម្រេចចិត្តផ្តាច់ខ្លួនចេញពីគណបក្សប្រឆាំងទៅកាន់គណបក្សកាន់អំណាចវិញ។
លោក ញ៉ែម អេន ធ្លាប់កាន់តំណែងជាអភិបាលរងស្រុកអន្លង់វែង ខេត្តឧត្តរមានជ័យ កូតាគណបក្សប្រជាជនកម្ពុជា បន្ទាប់ពីការចូលសមាហរណកម្មរបស់ខ្មែរក្រហមកាលពីឆ្នាំ១៩៩៦ ប៉ុន្តែកាលពីឆ្នាំមុន លោកបានលាលែងពីតំណែង ហើយចុះចូលជាមួយគណបក្សសង្គ្រោះជាតិ។ ចំពោះការវិលទៅកាន់គណបក្សកាន់អំណាចវិញនោះ លោក ញ៉ែម អេន បានបកស្រាយថា លោកមិនពេញចិត្តថ្នាក់ដឹកនាំបក្សប្រឆាំងដែលគ្មានតម្លាភាព បក្សពួកនិយម គ្រួសារនិយម ជាពិសេសលោករិះគន់លោក សម រង្ស៊ី ដែលតែងតែរត់ទៅក្រៅប្រទេសនៅពេលមានបញ្ហា។
អតីតជាងថតរូបនៅសម័យខ្មែរ ជាពិសេសអ្នកថតប្រចាំគុកទួលស្លែងរូបនេះ បានបញ្ជាក់ថា លោកធ្លាប់បាននិយាយតាមទូរសព្ទពីរដងជាមួយលោកនាយករដ្ឋមន្ត្រី ហ៊ុន សែន។ លោកអះអាងថា ការវិលទៅកាន់គណបក្សប្រជាជនកម្ពុជាវិញ មិនមែនជាថ្នូរដើម្បីទទួលបានអ្វីមួយនោះឡើយ ប៉ុន្តែលោកគិតថា មានឱកាសច្រើនក្នុងអភិវឌ្ឍន៍ស្រុកអន្លង់វែង តាមរយៈ Business របស់លោក។
លោកបានបញ្ជាក់ថា លោកមានឯកសារ និងរូបថតាច្រើនទាក់ទងនឹងមេដឹកនាំនៅសម័យខ្មែរក្រហម ហើយលោកនឹងសហការយ៉ាងជិតស្និទ្ធជាមួយរដ្ឋាភិបាលដើម្បីអភិវឌ្ឍវិស័យទេសចរណ៍នៅក្នុងស្រុកអន្លង់វែងទាំងមូល។
លោកទើបតែត្រូវបានលោក កឹម សុខា តែងតាំងជាសមាជិកក្រុមការងារគណបក្សសង្គ្រោះជាតិប្រចាំខេត្តឧត្តរមានជ័យកាលពីចុងខែតុលា កន្លងមក។ លោកកត់សម្គាល់ថា ការតែងតាំងនេះ មិនបានបញ្ជាក់ថា ប្រធាន ឬអនុប្រធាននោះឡើយ ដូច្នេះលោកគិតថា ប្រហែលជាថ្នាក់ដឹកនាំគណបក្សសង្គ្រោះជាតិស្វែងរកអ្នកដែលផ្តល់លាភសក្ការៈជាថ្នូរនឹងការតែងតាំងតួនាទី៕
Tag:
ញ៉ែម អេន
អន្លង់វែង
© រក្សាសិទ្ធិដោយ thmeythmey.com