ទស្សនារូបភាពភ្នំពេញក្រោនលើកពាន និងការទទួលរង្វាន់ផ្សេងៗ

កីឡាជាតិ

ពីនេះ ពីនោះ

ទស្សនារូបភាពភ្នំពេញក្រោនលើកពាន និងការទទួលរង្វាន់ផ្សេងៗ

13, Dec 2015 , 1:38 pm

រូបភាព

ដោយ: ថ្មីៗ

ភ្នំពេញក្រោនបានក្លាយជាម្ចាស់ពានក្របខណ្ឌមិត្តហ្វូនខេមបូឌានលីកជាលើកទី៦ និងជាការទទួលបាន២ឆ្នាំជាប់គ្នា ក្រោយការទាត់បាល់១១ម៉ែត្រសម្រេចឈ្នះចាញ់ជាមួយណាហ្គាវើល នាជំនួបជើងទីពីរវគ្គផ្តាច់ព្រ័ត្រនៅពហុកីឡដ្ឋានជាតិ កាលពីរាត្រីថ្ងៃទី១២ ខែធ្នូ ឆ្នាំ២០១៥ ។

ភ្នំពេញក្រោន បានយកឈ្នះ ២-០ នៅជើងទីមួយដែលសម្រេចបានដោយ Bisan George និង Booysen Shane ប៉ុន្តែក្នុងជំនួបជើងទីពីរកាលពីល្ងាចថ្ងៃសៅរ៍ ណាហ្គាវើល បានវាយបកយកឈ្នះ ៣-១ វិញ ដែលរកបានដោយ ស៊ុន សុវណ្ណរិទ្ធី ១គ្រាប់ និងគួច សុគម្ភៈ ២គ្រាប់ ខណៈប៊ិន ធារី រកបាន១គ្រាប់ឲ្យភ្នំពេញក្រោន។

ការបន្ថែមម៉ោង៣០នាទី មិនមានក្រុមណាអាចស៊ុតបាល់បញ្ចូលទីបាននោះឡើយ ដោយរក្សាត្រឹមលទ្ធផលស្មើ ៣-៣ ទាំងពីរជើង ពោលគឺក្រោយការប្រកួតសរុបជាង២១០នាទី។ ទីបំផុតភ្នំពេញក្រោននៅតែរក្សាតំណែងជើងឯករបស់ខ្លួន ជាមួយនឹងជ័យជម្នះ ៣-២ ក្នុងការទាត់បាល់១១ម៉ែត្រសម្រេចឈ្នះ-ចាញ់ ដោយអ្នកចាំទីវ័យក្មេង កែវ សុខសិលា សង្គ្រោះបានរហូតដល់ទៅ៣លើកពីការទាត់របស់ Fukasawa Masahiro, ឃឹម បូរី និង Barry Lelouma។

ពានរង្វាន់ជាក្រុម និងឯកត្តជន៖
- ជើងឯក៖ ភ្នំពេញក្រោន (៦០លានរៀល)
- ជើងឯករង៖ ណាហ្គាវើល (៤៦លានរៀល)
- លេខបី៖ បឹងកេតអង្គរ (៣៦លានរៀល)
- លេខ៤៖ ខេមបូឌានថាយហ្គឺរ (៣០លានរៀល)
- Fair Play៖ បឹងកេតអង្គរ (៤លានរៀល)
- កីឡាករទាត់បាល់បញ្ចូលទីច្រើនជាងគេ៖ ចាន់ វឌ្ឍនាកា, បឹងកេតអង្គរ (៣៧គ្រាប់) ១,៥លានរៀល
- កីឡាករឆ្នើមប្រចាំព្រឹត្តិការណ៍៖ ចាន់ វឌ្ឍនាកា,បឹងកេតអង្គរ (១,៥លានរៀល)
- អ្នកចាំទីឆ្នើម៖ កែវ សុសិលា, ភ្នំពេញក្រោន (១,៥លានរៀល
- គ្រូបង្វឹកល្អ៖ លោក ប្រាក់ សុវណ្ណារ៉ា, បឹងកេតអង្គរ (១,៥លានរៀល)
- អាជ្ញាកណ្ដាលវគ្គផ្តាច់ព្រ័ត្រ៖ លោក ទុយ វិច្ឆិកា និងជំនួយការរួមមាន លោក គឹម ស៊ីពិសាល លោក អឿន សំរឹទ្ធិ និងលោក លឹម ប៊ុនធឿន (៤លានរៀល)