កីឡាអន្តរជាតិ
អន្តរជាតិ
Blatter និង Platini ត្រូវបានពិន័យពីគ្រប់សកម្មភាពបាល់ទាត់រយៈពេល៨ឆ្នាំ
×
លោក Sepp Blatter និង លោក Michel Platini ត្រូវបានផ្អាករាល់សកម្មភាពកីឡាទាំងអស់រយៈពេល៨ឆ្នាំ បន្ទាប់ពីស៊ើបអង្កេតរកឃើញថាបានទាក់ទងនឹងទឹកប្រាក់ស៊ីសំណូក កាលពីឆ្នាំ២០១១។
Sepp Blatter ប្រធានសហព័ន្ធកីឡាបាល់ទាត់អន្តរជាតិ(FIFA) ត្រូវបានគេរកឃើញថាបានផ្តល់ប្រាក់ ១.៣លានផោន (២លានដុល្លារអាមេរិក) ដល់ លោក Michel Platini ប្រធានសហព័ន្ធកីឡាបាល់ទាត់ទ្វីបអឺរ៉ុប (UEFA) កាលពីឆ្នាំ២០១១។ ហើយការសម្រេចដាក់ពិន័យនេះត្រូវបានដាក់ចូលជាធរមានតែម្តង។
Blatter វ័យ៧៩ឆ្នាំ ដែលឡើងកាន់តំណែងជាប្រធានសហព័ន្ធកីឡាបាល់ទាត់អន្តរជាតិកាលពីឆ្នាំ ១៩៩៨ មកនោះបានប្រកាសលាលែងពីតំណែងមុនការបោះឆ្នោតរើសប្រធានថ្មីកាលពីខែកុម្ភៈកន្លងមក។
ចំណែកលោក Platini វ័យ៦០ឆ្នាំជាអតីតប្រធានក្រុមបាល់ទាត់ជម្រើសជាតិបារាំង និងជាអ្នកគ្រងជ័យលាភីពាន(European Footballer of the Year)បីសម័យកាលដែរនោះ បានឡើងកាន់តំណែងជាប្រធានសហព័ន្ធកីឡាបាល់ទាត់ទ្វីបអឺរ៉ុបកាលពីឆ្នាំ២០០៧ រហូតមកទល់នឹងបច្ចុប្បន្ន។
លើសពីនេះទៅទៀត អ្នកទាំងពីរខាងលើក៏ត្រូវបានពិន័យជាទឹកប្រាក់ផងដែរ ដោយលោក Sepp Blatter ត្រូវបង់ជាទឹកប្រាក់ ៤ម៉ឺនដុល្លារអាមេរិក និងលោក Michel Platini ត្រូវពិន័យជាទឹកប្រាក់ ៨ម៉ឺនដុល្លារអាមេរិកដែរ៕
Tag:
FIFA
Sepp Blatter
Michel Platini
© រក្សាសិទ្ធិដោយ thmeythmey.com