ជាតិ
សង្គមជាតិ
កន្លែងត្រួតពិនិត្យសំបុត្រ និងបង់ថ្លៃចំណតនៅលើភ្នំគូលេន
×![]()
សៀមរាប៖ បន្ទាប់ពីដកសិទ្ធិគ្រប់គ្រងពីក្រុមហ៊ុន នគរគោកធ្លក វិញហើយនោះ ឧទ្យានជាតិព្រះជ័យវរ្ម័ន-នរោត្តម ភ្នំគូលេន នឹងលែងមានការលក់សំបុត្រចូលទស្សនា តទៅទៀតហើយ ។ ភ្ញៀវទេសចរអាចចូលទៅកម្សាន្តលើភ្នំគូលេន បានដោយសេរី។ ឧទ្យានជាតិនេះ នឹងស្ថិតក្រោមការគ្រប់គ្រងរបស់ក្រសួងបរិស្ថាន និងមួយផ្នែកទៀត គ្រប់គ្រងដោយអាជ្ញាធរជាតិអប្សា។
ប្រភពពីមន្ត្រីនៃមន្ទីរបរិស្ថានខេត្តសៀមរាប ដែលសុំមិនបញ្ចេញឈ្មោះ បានឲ្យដឹងថា ខ្លួនកំពុងរង់ចាំគោលការណ៍ថ្មី ក្នុងការរៀបចំគ្រប់គ្រងឧទ្យានជាតិ ភ្នំគូលេន។ មន្ត្រីដដែលបានបន្តថា គោលការណ៍ពីក្រសួងបរិស្ថាន អាចនឹងមកដល់ក្នុងពាក់កណ្តាលខែមករាខាងមុខនេះ គឺក្រោយពេលដែល ក្រុមហ៊ុននគរគោកធ្លក ដកសិទ្ធិទាំងស្រុងចេញពីឧទ្យានជាតិភ្នំគូលេន។
ប្រភពដដែលបានបន្តថា បច្ចុប្បន្នក្រសួងបរិស្ថានបានបង្កើតគណៈកម្មការចម្រុះមួយ ដែលមានភាគីពីក្រសួងបរិស្ថាន ក្រសួងសេដ្ឋកិច្ច និងអាជ្ញាធរជាតិអប្សរា ដើម្បីវាយតម្លៃទំហំសំណង ដែលត្រូវសងទៅក្រុមហ៊ុន។ ការវាយតម្លៃអាចនឹងរួចរាល់នៅចុងខែមករាខាងមុខ ហើយក្រុមហ៊ុននឹងលែងមានវត្តមាននៅលើភ្នំតទៅទៀត។
ទាក់ទងនឹងការចូលទស្សនាវិញ គ្មានទៀតទេ ការលក់សំបុត្រ ឫយកលុយថ្លៃចំណត នៅពេលដែល ភ្នំគូលេន ស្ថិតក្រោមការគ្រប់គ្រងរបស់ក្រសួងបរិស្ថាន។ ទាំងភ្ញៀវទេសចរជាតិ និងអន្តរជាតិ ពួកគេអាចចូលទស្សនាបានដោយសេរី។ ប៉ុន្តែទន្ទឹមនឹងនោះ ពួកគេអាចនឹងតម្រូវឲ្យបង់ថ្លៃ លើយានយន្ត ក្នុងតម្លៃចាប់ពី ៤០០០រៀល ទៅ៥០០០រៀលប៉ុណ្ណោះ ដើម្បីរៀបចំសណ្តាប់ធ្នាប់នៅលើភ្នំនេះ។ នេះជាការលើកឡើងរបស់មន្ត្រីនៃមន្ទីរបរិស្ថានខេត្តសៀមរាប ដែលអះអាងថា ព័ត៌មានលើតម្លៃនេះ កំពុងស្ថិតក្នុងការពិភាក្សានៅឡើយ។
ឧទ្យានជាតិព្រះជ័យវរ្ម័ន-នរោត្តម មានផ្ទៃដីប្រមាណ ៣៧៥០០ ហិកតា ដែលបច្ចុប្បន្ន ក្រុមហ៊ុន នគរគោកធ្លក របស់លោក សៀង ណាំ និងទាហានភូមិភាគ៤ កំពុងគ្រប់គ្រងយកថ្លៃសំបុត្រទស្សនា។ អ្នកទេសចរជាច្រើនបានសម្តែងការមិនពេញចិត្តចំពោះការគ្រប់គ្រង ព្រោះថា ក្រុមហ៊ុនរបស់លោក សៀង ណាំ មិនបានរៀបចំផ្លូវឲ្យបានប្រសើរនោះទេ គឺផ្លូវតូច ដែលអាចបង្កគ្រោះថ្នាក់ខ្ពស់ដល់អ្នកដំណើរបាន។ ចំពោះតម្លៃសំបុត្រ ពលរដ្ឋខ្មែរម្នាក់២ពាន់រៀល និងភ្ញៀវបរទេសតម្លៃ២០ដុល្លារ។ ចំណែកឡានមួយគ្រឿងតម្លៃ១ម៉ឺនរៀល ថ្លៃចំណត៣ពាន់រៀល និងម៉ូតូ២ពាន់ ថ្លៃចំណត១៥០០រៀល។ សម្រាប់ថ្ងៃធម្មតា មានភ្ញៀវទេសចរប្រមាណ២០០នាក់ ដែលឡើងទៅកម្សាន្តក្នុងរមណីយដ្ឋាននេះ ដោយមិនបានរាប់ចំពោះថ្ងៃបុណ្យទាន ដែលមានមនុស្សកុះករនោះទេ។
នៅក្នុងកិច្ចប្រជុំ ICC Angkor កាលពីថ្ងៃទី ៤ និងទី៥ មិថុនា នៅស្នាក់ការអាជ្ញាធរជាតិអប្សរា ក្រសួងបរិស្ថាន បានស្នើសុំឲ្យមានការរៀបចំផែនការអភិរក្ស និងអភិវឌ្ឍន៍ភ្នំគូលេន។ ក្រសួងបរិស្ថានបានលើកឡើងថា តំបន់ភ្នំគូលេន គួរត្រូវបានរៀបចំ គ្រប់គ្រង អភិរក្សបេតិកភណ្ឌវប្បធម៌ ប្រពៃណី ទំនៀមទម្លាប់ ក៏ដូចជាជីវចម្រុះ។
ភ្នំគូលេន បានផ្តល់សក្កានុពលជាច្រើនដល់ខេត្តសៀមរាប ក្នុងនោះក្រៅពីតំបន់ទេសចរណ៍ ភ្នំគូលេន គឺសម្បូរដោយប្រាសាទបុរាណ ជាពិសេសគឺប្រភពទឹក សម្រាស់ប្រើប្រាស់ នៅក្នុងខេត្តសៀមរាបទាំងមូលផង។
តាមរយៈការស្រាវជ្រាវ និងរុករកនៅលើភ្នំគូលេន ចាប់តាំងពីចុងសតវត្សទី១៩មក ប្រាសាទបុរាណជាច្រើន ត្រូវបានកត់ត្រា និងចុះក្នុងបញ្ជីសារពើភណ្ឌប្រាសាទបុរាណ។ ប្រាសាទបុរាណទាំងនោះ ភាគច្រើនត្រូវបានកសាងឡើងក្នុងរាជព្រះបាទជ័យវរ្ម័នទី២ នាដើមសតវត្សទី៩ និងប្រាសាទមួយចំនួនទៀតត្រូវបានកសាងឡើងក្នុងរាជព្រះបាទជ័យវរ្ម័នទី៧ នាសតវត្សទី១៣ ។ មានប្រាសាទជាង ៥០ ដែលកសាងនៅលើភ្នំគូលេននេះ។
នៅក្នុងសម័យសង្គ្រាម រមណីយដ្ឋានភ្នំគូលេន គឺជាកន្លែងឈរជើងរបស់កងទ័ព ហើយក្នុងនោះ តំបន់មួយចំនួន ក៏រងការបំផ្លិចបំផ្លាញផងដែរ។ ក្រសួងបរិស្ថានក៏មានផែនការបោសសម្អាតគ្រាប់មីន និងយុទ្ធភ័ណ្ឌមិនទាន់ផ្ទុះ ដែលកប់នៅក្នុងតំបន់ភ្នំគូលេន។ ទាក់ទងនឹងបញ្ហាយោធភូមិភាគ៤ និងអាជ្ញាធរមូលដ្ឋាន ក្រសួងបរិស្ថាននឹងដឹកនាំគណៈកម្មការវាយតម្លៃ និងដោះស្រាយ ការផ្ទេរចុះពីលើភ្នំនូវកងទ័ព គ្រួសារកងទ័ព និងប្រជាជនទាំងអស់ដែលបានចូលទៅតាំងទីលំនៅលើភ្នំជាលក្ខណៈអនាធិបតេយ្យនាពេលកន្លងទៅ៕
ប្រភពពីមន្ត្រីនៃមន្ទីរបរិស្ថានខេត្តសៀមរាប ដែលសុំមិនបញ្ចេញឈ្មោះ បានឲ្យដឹងថា ខ្លួនកំពុងរង់ចាំគោលការណ៍ថ្មី ក្នុងការរៀបចំគ្រប់គ្រងឧទ្យានជាតិ ភ្នំគូលេន។ មន្ត្រីដដែលបានបន្តថា គោលការណ៍ពីក្រសួងបរិស្ថាន អាចនឹងមកដល់ក្នុងពាក់កណ្តាលខែមករាខាងមុខនេះ គឺក្រោយពេលដែល ក្រុមហ៊ុននគរគោកធ្លក ដកសិទ្ធិទាំងស្រុងចេញពីឧទ្យានជាតិភ្នំគូលេន។
ប្រភពដដែលបានបន្តថា បច្ចុប្បន្នក្រសួងបរិស្ថានបានបង្កើតគណៈកម្មការចម្រុះមួយ ដែលមានភាគីពីក្រសួងបរិស្ថាន ក្រសួងសេដ្ឋកិច្ច និងអាជ្ញាធរជាតិអប្សរា ដើម្បីវាយតម្លៃទំហំសំណង ដែលត្រូវសងទៅក្រុមហ៊ុន។ ការវាយតម្លៃអាចនឹងរួចរាល់នៅចុងខែមករាខាងមុខ ហើយក្រុមហ៊ុននឹងលែងមានវត្តមាននៅលើភ្នំតទៅទៀត។
ទាក់ទងនឹងការចូលទស្សនាវិញ គ្មានទៀតទេ ការលក់សំបុត្រ ឫយកលុយថ្លៃចំណត នៅពេលដែល ភ្នំគូលេន ស្ថិតក្រោមការគ្រប់គ្រងរបស់ក្រសួងបរិស្ថាន។ ទាំងភ្ញៀវទេសចរជាតិ និងអន្តរជាតិ ពួកគេអាចចូលទស្សនាបានដោយសេរី។ ប៉ុន្តែទន្ទឹមនឹងនោះ ពួកគេអាចនឹងតម្រូវឲ្យបង់ថ្លៃ លើយានយន្ត ក្នុងតម្លៃចាប់ពី ៤០០០រៀល ទៅ៥០០០រៀលប៉ុណ្ណោះ ដើម្បីរៀបចំសណ្តាប់ធ្នាប់នៅលើភ្នំនេះ។ នេះជាការលើកឡើងរបស់មន្ត្រីនៃមន្ទីរបរិស្ថានខេត្តសៀមរាប ដែលអះអាងថា ព័ត៌មានលើតម្លៃនេះ កំពុងស្ថិតក្នុងការពិភាក្សានៅឡើយ។
ឧទ្យានជាតិព្រះជ័យវរ្ម័ន-នរោត្តម មានផ្ទៃដីប្រមាណ ៣៧៥០០ ហិកតា ដែលបច្ចុប្បន្ន ក្រុមហ៊ុន នគរគោកធ្លក របស់លោក សៀង ណាំ និងទាហានភូមិភាគ៤ កំពុងគ្រប់គ្រងយកថ្លៃសំបុត្រទស្សនា។ អ្នកទេសចរជាច្រើនបានសម្តែងការមិនពេញចិត្តចំពោះការគ្រប់គ្រង ព្រោះថា ក្រុមហ៊ុនរបស់លោក សៀង ណាំ មិនបានរៀបចំផ្លូវឲ្យបានប្រសើរនោះទេ គឺផ្លូវតូច ដែលអាចបង្កគ្រោះថ្នាក់ខ្ពស់ដល់អ្នកដំណើរបាន។ ចំពោះតម្លៃសំបុត្រ ពលរដ្ឋខ្មែរម្នាក់២ពាន់រៀល និងភ្ញៀវបរទេសតម្លៃ២០ដុល្លារ។ ចំណែកឡានមួយគ្រឿងតម្លៃ១ម៉ឺនរៀល ថ្លៃចំណត៣ពាន់រៀល និងម៉ូតូ២ពាន់ ថ្លៃចំណត១៥០០រៀល។ សម្រាប់ថ្ងៃធម្មតា មានភ្ញៀវទេសចរប្រមាណ២០០នាក់ ដែលឡើងទៅកម្សាន្តក្នុងរមណីយដ្ឋាននេះ ដោយមិនបានរាប់ចំពោះថ្ងៃបុណ្យទាន ដែលមានមនុស្សកុះករនោះទេ។
នៅក្នុងកិច្ចប្រជុំ ICC Angkor កាលពីថ្ងៃទី ៤ និងទី៥ មិថុនា នៅស្នាក់ការអាជ្ញាធរជាតិអប្សរា ក្រសួងបរិស្ថាន បានស្នើសុំឲ្យមានការរៀបចំផែនការអភិរក្ស និងអភិវឌ្ឍន៍ភ្នំគូលេន។ ក្រសួងបរិស្ថានបានលើកឡើងថា តំបន់ភ្នំគូលេន គួរត្រូវបានរៀបចំ គ្រប់គ្រង អភិរក្សបេតិកភណ្ឌវប្បធម៌ ប្រពៃណី ទំនៀមទម្លាប់ ក៏ដូចជាជីវចម្រុះ។
ភ្នំគូលេន បានផ្តល់សក្កានុពលជាច្រើនដល់ខេត្តសៀមរាប ក្នុងនោះក្រៅពីតំបន់ទេសចរណ៍ ភ្នំគូលេន គឺសម្បូរដោយប្រាសាទបុរាណ ជាពិសេសគឺប្រភពទឹក សម្រាស់ប្រើប្រាស់ នៅក្នុងខេត្តសៀមរាបទាំងមូលផង។
តាមរយៈការស្រាវជ្រាវ និងរុករកនៅលើភ្នំគូលេន ចាប់តាំងពីចុងសតវត្សទី១៩មក ប្រាសាទបុរាណជាច្រើន ត្រូវបានកត់ត្រា និងចុះក្នុងបញ្ជីសារពើភណ្ឌប្រាសាទបុរាណ។ ប្រាសាទបុរាណទាំងនោះ ភាគច្រើនត្រូវបានកសាងឡើងក្នុងរាជព្រះបាទជ័យវរ្ម័នទី២ នាដើមសតវត្សទី៩ និងប្រាសាទមួយចំនួនទៀតត្រូវបានកសាងឡើងក្នុងរាជព្រះបាទជ័យវរ្ម័នទី៧ នាសតវត្សទី១៣ ។ មានប្រាសាទជាង ៥០ ដែលកសាងនៅលើភ្នំគូលេននេះ។
នៅក្នុងសម័យសង្គ្រាម រមណីយដ្ឋានភ្នំគូលេន គឺជាកន្លែងឈរជើងរបស់កងទ័ព ហើយក្នុងនោះ តំបន់មួយចំនួន ក៏រងការបំផ្លិចបំផ្លាញផងដែរ។ ក្រសួងបរិស្ថានក៏មានផែនការបោសសម្អាតគ្រាប់មីន និងយុទ្ធភ័ណ្ឌមិនទាន់ផ្ទុះ ដែលកប់នៅក្នុងតំបន់ភ្នំគូលេន។ ទាក់ទងនឹងបញ្ហាយោធភូមិភាគ៤ និងអាជ្ញាធរមូលដ្ឋាន ក្រសួងបរិស្ថាននឹងដឹកនាំគណៈកម្មការវាយតម្លៃ និងដោះស្រាយ ការផ្ទេរចុះពីលើភ្នំនូវកងទ័ព គ្រួសារកងទ័ព និងប្រជាជនទាំងអស់ដែលបានចូលទៅតាំងទីលំនៅលើភ្នំជាលក្ខណៈអនាធិបតេយ្យនាពេលកន្លងទៅ៕
Tag:
សៀមរាប
ភ្នំគូលេន
© រក្សាសិទ្ធិដោយ thmeythmey.com
