កីឡាជាតិ
ជាតិ
បាល់ទាត់នារីជម្រើសថ្នាក់ជាតិប្រចាំឆ្នាំ២០១៥ រកឃើញម្ចាស់ជើងឯកហើយ
× ការប្រកួតបាល់ទាត់នារីជម្រើសថ្នាក់ជាតិប្រចាំឆ្នាំ២០១៥ បានបញ្ចប់ការប្រកួតវគ្គផ្តាច់ព្រ័ត្រហើយ កាលពីថ្ងៃទី២៣ ខែធ្នូ ដោយម្ចាស់ជើងឯកបានទៅលើក្រុមមន្ទីរអប់រំ យុវជន និងកីឡាខេត្តបាត់ដំបង ខណៈក្រុមមន្ទីរអប់រំ យុវជន និងកីឡាខេត្តស្វាយរៀងទទួលបានជើងឯករង។
ក្រុមមន្ទីរអប់រំ យុវជន និងកីឡាខេត្តបាត់ដំបង ក្លាយជាម្ចាស់ជើងឯកបាល់ទាត់នារីជម្រើសថ្នាក់ជាតិប្រចាំឆ្នាំ២០១៥ ក្រោយពីបំបាក់ក្រុមមន្ទីរអប់រំ យុវជន និងកីឡាខេត្តស្វាយរៀង ៤-១ នៅក្នុងវគ្គផ្តាច់ព្រ័ត្រកាលពីថ្ងៃទី២៣ ខែធ្នូ។ ខណៈក្រុមសមាគមកីឡាបាល់ទាត់សៀមរាបអង្គរទទួលបានចំណាត់ថ្នាក់លេខ៣ បន្ទាប់ពីយកឈ្នះក្រុមមន្ទីរអប់រំ យុវជន និងកីឡាខេត្តកំពង់ឆ្នាំង ក្នុងលទ្ធផល ១-០ នៅទីលានបាល់ទាត់បាទី ខេត្តតាកែវ។
គួរញ្ជាក់ថា ការប្រកួតបាល់ទាត់នារីជម្រើសជើងឯកជាតិប្រចាំឆ្នាំ២០១៥ ដែលរៀបចំដោយសហព័ន្ធកីឡាបាល់ទាត់កម្ពុជា មានក្រុមចូលរួមប្រកួតមកពីខេត្តចំនួន៨ ដែលចាប់ផ្តើមប្រកួតពីថ្ងៃទី១៥ ដល់ថ្ងៃទី២៣ ខែធ្នូ នៅមជ្ឈមណ្ឌល និងសាលាបាល់ទាត់ជាតិបាទី ខេត្តតាកែវ៕
© រក្សាសិទ្ធិដោយ thmeythmey.com