កីឡាជាតិ
ជាតិ
សហព័ន្ធកីឡាបាល់ទាត់កម្ពុជាបង្ហាញក្របខ័ណ្ឌ និងទម្រង់ប្រកួតរដូវកាលថ្មី
×![]()
សហព័ន្ធកីឡាបាល់ទាត់កម្ពុជា (FFC) បានបង្ហាញពីគម្រោង និងទម្រង់ក្របខណ្ឌនៃការប្រកួតកីឡាបាល់ទាត់សម្រាប់ឆ្នាំ២០១៦ខាងមុខនេះ។ នាសិក្ខាសាលាស្តីពីសក្តានុពលកីឡាបាល់ទាត់កាលពីថ្ងៃទី២៤ ខែធ្នូ នៅពហុកីឡដ្ឋានជាតិអូឡាំពិក FFC នឹងរៀបចំការប្រកួតធំៗចំនួនបីនារដូវកាលក្រោយ ក្នុងនោះមានក្របខណ្ឌខេមបូឌានលីគ១ លីគ២ និងពានរង្វាន់សម្តេច ហ៊ុន សែន។
តាមរយៈសិក្ខាសាលាមួយកាលពីថ្ងៃព្រហស្បតិ៍ សហព័ន្ធកីឡាបាល់ទាត់កម្ពុជា (FFC) បានលើកឡើងពីភាពជោគជ័យនៃវិស័យកីឡាបាល់ទាត់កម្ពុជា។ សហព័ន្ធបានអះអាងពីភាពវិជ្ជមាននៃគុណភាពប្រកួត លទ្ធផលនៅលើឆាកអន្តរជាតិ កំណើនទស្សនិកជន រួមការអភិវឌ្ឍន៍រចនាសម្ព័ន្ធផ្សេងៗ ។ នៅរដូវកាលក្រោយ ការប្រកួតធំៗចំនួនបីនឹងត្រូវបានរៀបចំឡើង ដែលក្នុងនោះមានក្របខណ្ឌកំពូលខេមបូឌានលីគ១ លីគ២ និងពានរង្វាន់សម្តេចហ៊ុនសែន ឆ្នាំ២០១៦ ។
លោក ម៉ៃ តុលា អគ្គលេខាធិការរងសហព័ន្ធកីឡាបាល់ទាត់កម្ពុជា បានឱ្យដឹងថា សម្រាប់ការប្រកួតក្របខណ្ឌកំពូលខេមបូឌានលីគ១ឆ្នាំ២០១៦ នេះ មានក្រុមចូលរួមប្រកួតចំនួន ១២ ហើយក្រុមទាំងនោះត្រូវធ្វើការប្រកួតតាមរូបមន្តក្នុងទឹកដី និងក្រៅទឹកដី(Home Away)ដោយក្រុមនីមួយៗអាចដាក់កីឡាករបរទេសបានចំនួន ៤ នាក់ ដោយមិនគិតពីអាយុនោះទេ សម្រាប់រូបមន្តនៃការប្រកួត យើងមិនមានការប្រកួតវគ្គខ្វែង(Play off)នោះទេ មានន័យថាប្រកួតតែ ២ ជើងប៉ុណ្ណោះ នឹងកំណត់យកលទ្ធផលជាផ្លូវការតែម្តង។ ការប្រកួតក្របខ័ណ្ឌកំពូលខេមបូឌានលីគនេះ នឹងចាប់ផ្តើមនៅថ្ងៃទី៦ ខែកុម្ភៈ ហើយគ្រោងនឹងបញ្ចប់នៅថ្ងៃទី១១ ខែកញ្ញា ខាងមុខនេះ។
ចំណែកការប្រកួតក្របខ័ណ្ឌលីគទី២ ដែលនឹងចាប់ផ្តើមនៅថ្ងៃទី២ ខែមេសា មានក្រុមចូលរួមប្រកួតចំនួន ៦ ដោយក្រុមទាំងនោះនឹងធ្វើការប្រកួតតាមរូបមន្តក្នុងទឹកដី និងក្រៅទឹកដី(Home Away) ប៉ុន្តែមិនមានវគ្គខ្វែង(Play off) ដូចការប្រកួតលីគកំពូលដែរ។ កីឡាករក្នុងក្រុមនីមួយៗត្រូវមានអាយុក្រោម២១ឆ្នាំពាក់កណ្ដាល និងអាយុ២១ឆ្នាំឡើងពាក់កណ្តាល ដោយមិនអនុញ្ញាតឲ្យមានកីឡាករបរទេសចូលរួមប្រកួតនោះទេ។
លោក ម៉ៃ តុលា បានបន្ថែមថា ការប្រកួតពានរង្វាន់សម្តេចហ៊ុនសែន ដែលនឹងចាប់ផ្តើមនៅថ្ងៃទី១៧ កុម្ភៈ ហើយគ្រោងបញ្ចប់នៅថ្ងៃទី ៣១ ខែ កក្កដា ខាងមុខនេះ បានកំណត់ឲ្យមានការប្រកួតតាមរូបមន្តក្រៅទឹកដី និងក្នុងទឹកដី តាំងពីវគ្គជម្រុះតាមតំបន់ទាំង ៦ កីឡាករដែលចូលរួមប្រកួតមិនគិតអាយុនោះទេ ប៉ុន្តែមិនអនុញ្ញាតឱ្យមានកីឡាករបរទេសដូចក្របខ័ណ្ឌលីគ២ដែរ។
គួរបញ្ជាក់ថា សហព័ន្ធកីឡាបាល់ទាត់កម្ពុជាកាលពីព្រឹកថ្ងៃទី២៤ ខែធ្នូ បានរៀបចំកិច្ចប្រជុំស្តីពី សក្តានុពលរបស់បាល់ទាត់កម្ពុជាឆ្នាំ២០១៦ ដោយមានការចូលរួមពីគ្រូបង្វឹកតាមក្លិបនីមួយៗ នៅក្នុងរាជធានីភ្នំពេញ និងតាមបណ្តាខេត្ត។
កិច្ចប្រជុំនេះធ្វើឡើងក្នុងគោលបំណងជំរុញការអភិវឌ្ឍនៅតាមខេត្តឱ្យកាន់តែសកម្ម, ពង្រីកធនធានកីឡាករថ្នាល និងមន្ត្រីជំនាញ, ប្រសិទ្ធភាពបាល់ទាត់ដើម្បីយុវជន និងសង្គម, លើកកំពស់ទេសចរណ៍ វប្បធម៌ សាមគ្គី និងអប់រំ, ចូលរួមកាត់បន្ថយភាពក្រីក្រ និងគោលដៅឆ្ពោះទៅរកស៊ីហ្គេមឆ្នាំ២០២៣ ៕
តាមរយៈសិក្ខាសាលាមួយកាលពីថ្ងៃព្រហស្បតិ៍ សហព័ន្ធកីឡាបាល់ទាត់កម្ពុជា (FFC) បានលើកឡើងពីភាពជោគជ័យនៃវិស័យកីឡាបាល់ទាត់កម្ពុជា។ សហព័ន្ធបានអះអាងពីភាពវិជ្ជមាននៃគុណភាពប្រកួត លទ្ធផលនៅលើឆាកអន្តរជាតិ កំណើនទស្សនិកជន រួមការអភិវឌ្ឍន៍រចនាសម្ព័ន្ធផ្សេងៗ ។ នៅរដូវកាលក្រោយ ការប្រកួតធំៗចំនួនបីនឹងត្រូវបានរៀបចំឡើង ដែលក្នុងនោះមានក្របខណ្ឌកំពូលខេមបូឌានលីគ១ លីគ២ និងពានរង្វាន់សម្តេចហ៊ុនសែន ឆ្នាំ២០១៦ ។
លោក ម៉ៃ តុលា អគ្គលេខាធិការរងសហព័ន្ធកីឡាបាល់ទាត់កម្ពុជា បានឱ្យដឹងថា សម្រាប់ការប្រកួតក្របខណ្ឌកំពូលខេមបូឌានលីគ១ឆ្នាំ២០១៦ នេះ មានក្រុមចូលរួមប្រកួតចំនួន ១២ ហើយក្រុមទាំងនោះត្រូវធ្វើការប្រកួតតាមរូបមន្តក្នុងទឹកដី និងក្រៅទឹកដី(Home Away)ដោយក្រុមនីមួយៗអាចដាក់កីឡាករបរទេសបានចំនួន ៤ នាក់ ដោយមិនគិតពីអាយុនោះទេ សម្រាប់រូបមន្តនៃការប្រកួត យើងមិនមានការប្រកួតវគ្គខ្វែង(Play off)នោះទេ មានន័យថាប្រកួតតែ ២ ជើងប៉ុណ្ណោះ នឹងកំណត់យកលទ្ធផលជាផ្លូវការតែម្តង។ ការប្រកួតក្របខ័ណ្ឌកំពូលខេមបូឌានលីគនេះ នឹងចាប់ផ្តើមនៅថ្ងៃទី៦ ខែកុម្ភៈ ហើយគ្រោងនឹងបញ្ចប់នៅថ្ងៃទី១១ ខែកញ្ញា ខាងមុខនេះ។
ចំណែកការប្រកួតក្របខ័ណ្ឌលីគទី២ ដែលនឹងចាប់ផ្តើមនៅថ្ងៃទី២ ខែមេសា មានក្រុមចូលរួមប្រកួតចំនួន ៦ ដោយក្រុមទាំងនោះនឹងធ្វើការប្រកួតតាមរូបមន្តក្នុងទឹកដី និងក្រៅទឹកដី(Home Away) ប៉ុន្តែមិនមានវគ្គខ្វែង(Play off) ដូចការប្រកួតលីគកំពូលដែរ។ កីឡាករក្នុងក្រុមនីមួយៗត្រូវមានអាយុក្រោម២១ឆ្នាំពាក់កណ្ដាល និងអាយុ២១ឆ្នាំឡើងពាក់កណ្តាល ដោយមិនអនុញ្ញាតឲ្យមានកីឡាករបរទេសចូលរួមប្រកួតនោះទេ។
លោក ម៉ៃ តុលា បានបន្ថែមថា ការប្រកួតពានរង្វាន់សម្តេចហ៊ុនសែន ដែលនឹងចាប់ផ្តើមនៅថ្ងៃទី១៧ កុម្ភៈ ហើយគ្រោងបញ្ចប់នៅថ្ងៃទី ៣១ ខែ កក្កដា ខាងមុខនេះ បានកំណត់ឲ្យមានការប្រកួតតាមរូបមន្តក្រៅទឹកដី និងក្នុងទឹកដី តាំងពីវគ្គជម្រុះតាមតំបន់ទាំង ៦ កីឡាករដែលចូលរួមប្រកួតមិនគិតអាយុនោះទេ ប៉ុន្តែមិនអនុញ្ញាតឱ្យមានកីឡាករបរទេសដូចក្របខ័ណ្ឌលីគ២ដែរ។
គួរបញ្ជាក់ថា សហព័ន្ធកីឡាបាល់ទាត់កម្ពុជាកាលពីព្រឹកថ្ងៃទី២៤ ខែធ្នូ បានរៀបចំកិច្ចប្រជុំស្តីពី សក្តានុពលរបស់បាល់ទាត់កម្ពុជាឆ្នាំ២០១៦ ដោយមានការចូលរួមពីគ្រូបង្វឹកតាមក្លិបនីមួយៗ នៅក្នុងរាជធានីភ្នំពេញ និងតាមបណ្តាខេត្ត។
កិច្ចប្រជុំនេះធ្វើឡើងក្នុងគោលបំណងជំរុញការអភិវឌ្ឍនៅតាមខេត្តឱ្យកាន់តែសកម្ម, ពង្រីកធនធានកីឡាករថ្នាល និងមន្ត្រីជំនាញ, ប្រសិទ្ធភាពបាល់ទាត់ដើម្បីយុវជន និងសង្គម, លើកកំពស់ទេសចរណ៍ វប្បធម៌ សាមគ្គី និងអប់រំ, ចូលរួមកាត់បន្ថយភាពក្រីក្រ និងគោលដៅឆ្ពោះទៅរកស៊ីហ្គេមឆ្នាំ២០២៣ ៕
Tag:
បាល់ទាត់
© រក្សាសិទ្ធិដោយ thmeythmey.com
