កីឡាជាតិ
ជាតិ
ក្រុមខ្លាំងទាំង ១០ កំពុងប្រជែងគ្នាដណ្តើមជើងឯកពានរង្វាន់ស្ពនស័រនៅថ្ងៃនេះ
× ក្រុមខ្លាំងទាំង ១០ តំណាងឱ្យមណ្ឌលទាំង ៥ កំពុងធ្វើការប្រកួតប្រជែងគ្នា ដើម្បីដណ្តើមជើងឯកពានរង្វាន់ភេសជ្ជៈស្ពនស័រប្រចាំឆ្នាំ២០១៥ (Sponsor Futsal Cup 2015) នៅតារាងសិប្បនិម្មិត Premium Sport Club ព្រឹកថ្ងៃទី២៦ ធ្នូ ឆ្នាំ២០១៥ ហើយការប្រកួតនេះនឹងបញ្ចប់នៅថ្ងៃទី២៧ ខែធ្នូ ឆ្នាំ២០១៥ ។
ក្រុមខ្លាំងទាំងនោះរួមមានក្រុម Victory FC, GABANA FC, សៀមរាប អេហ្វស៊ី, តោមាស A, ដានីញ៉ែល B, FC Crown, OVMAL TRUR BRAND, LEGENDS FC, ក ១៥៧ខេត្តព្រះសីហនុ B និង RED DEVIL។ ការប្រកួតបែងចែកជា ២ពូល (A&B) ដោយក្នុងមួយពូលមាន ៥ក្រុម ហើយនៅក្នុងពូលនីមួយៗត្រូវប្រកួតជម្រុះ៣ក្រុម ដើម្បីយក២ក្រុមទៅប្រកួតនៅវគ្គពាក់កណ្តាលផ្តាច់ព្រ័ត្រ និងផ្តាច់ព្រ័ត្រ។
ក្រុម Victory FC ត្រូវជួបប្រកួតជាមួយក្រុម ដានីញ៉ែល បេ ដើម្បីបើកឆាកការប្រកួតនៅព្រឹកនេះ ខណៈគូបន្ទាប់ក្រុម GABANA FC ជួបជាមួយក្រុម តោមាស A ឬឯក្រុម FC CROWN ប្រកួតជាមួយក្រុម RED DEVIL ចំណែកក្រុម OVMAL TRUE BRAND ប៉ះក្រុម ក១៥៧ ព្រះសីហនុ B ខណៈក្រុមដានីញ៉ែល បេ ប៉ះជាមួយក្រុម តោមាស A និងក្រុម Victory FC ជួបប្រកួតជាមួយក្រុម សៀមរាប អេហ្វស៊ី។
ដោយឡែក នៅពេលរសៀលក្រុម RED DEVIL ប៉ះជាមួយក្រុម ក១៥៧ ព្រះសីហនុ B, ក្រុម FC CROWN ត្រូវជួបប្រកួតជាមួយក្រុម LEGENDS FC ខណៈក្រុម តោមាស A ប៉ះជាមួយក្រុម សៀមរាប អេហ្វស៊ី ជាចុងក្រោយនៅថ្ងៃនេះ។
គួរបញ្ជាក់ថា ការប្រកួតនៅវគ្គពាក់កណ្តាលផ្តាច់ព្រ័ត្រ ដោយយកក្រុមលេខ ១ ក្នុងពូលA ប្រកួតជាមួយលេខ ២ ក្នុងពូល B ចំណែកលេខ ១ ក្នុងពូលB ប្រកួតជាមួយលេខ ២ ក្នុងពូលA។ ដោយឡែកក្រុមដែលឈ្នះនៅក្នុងវគ្គពាក់ពាក់កណ្តាលផ្តាច់ព្រ័ត្រនៅក្នុងពូលនីមួយៗ ត្រូវធ្វើការប្រកួតគ្នាដើម្បីដណ្តើមយកម្ចាស់ជើងឯក និងជើងឯករង ចំណែកក្រុមដែលចាញ់នៅវគ្គពាក់កណ្តាល់ផ្តាច់ព្រ័ត្រត្រូវប្រជែងគ្នាដើម្បីដណ្តើយកចំណាត់ថ្នាក់លេខ ៣ និងលេខ ៤៕
© រក្សាសិទ្ធិដោយ thmeythmey.com