កីឡាជាតិ
ជាតិ
ម៉ឺន សុភា បំបាក់ខ្លាចាស់ ឡៅ ស៊ីណាត ត្រឹមទឹកទី២
× អ្នកលេងទម្ងន់ដៃ ម៉ឺន សុភា បានបំបាក់ខ្លាចាស់ ឡៅ ស៊ីណា ឱ្យសន្លប់ត្រឹមទឹកទី២ នាការប្រកួតជើងឯកគូបូតាវគ្គ៤ នៅលើសង្វៀនបាយ័ន នារសៀលថ្ងៃទី២៧ ខែធ្នូនេះ។
អ្នកលេងទម្ងន់ដៃគ្មានមេត្តា ម៉ឺន សុភា បានប្រើកណ្តាប់ដៃឆ្វេងរបស់ខ្លួនវាយចំគោលដៅពេញៗ ធ្វើឱ្យខ្លាចាស់ ឡៅ ស៊ីណាត សន្លប់ក្នុងទឹកទី២ នាការប្រកួតដណ្តើមជើងឯកគូបូតា នៅលើសង្វៀនបាយ័ន កាលពីរសៀលថ្ងៃទី២៧ ខែធ្នូនេះ។
នៅក្នុងទឹកទី១ កីឡាករទាំងពីរបានសម្រុក និងប្តូរកណ្តាប់ដៃគ្នាទៅវិញទៅមក ប៉ុន្តែនៅចុងទឹកទី១កីឡាករ ឡៅ ស៊ីណាត ត្រូវអាជ្ញាកណ្តាលរាប់ម្តង បន្ទាប់ពីត្រូវកណ្តាប់ដៃឆ្វេងរបស់កីឡាករ ម៉ឺន សុភា។ នៅក្នុងទឹកទី២ កីឡាករ ម៉ឺន សុភា បានវាយសម្រុក ដោយប្រើកណ្តាប់ដៃឆ្វេងវាយចំផ្ទៃមុខ ឡៅ ស៊ីណាត ជាច្រើនដៃពេញៗរហូតធ្វើឱ្យរូបគេបាត់បង់ស្មារតីសន្លប់នៅក្នុងទឹកនេះតែម្តង៕
© រក្សាសិទ្ធិដោយ thmeythmey.com