កីឡាជាតិ
ជាតិ
កែវ រំចង់ និង ផល សោភ័ណ្ឌ តឱ្យថៃ ១,២គីឡូក្រាម
×
កីឡាករចិត្តសឿង កែវ រំចង់ និងម្ចាស់ជើងឯករងប្រដាល់សកលថ្នាក់ជាតិប្រចាំឆ្នាំ២០១៥ ផល សោភ័ណ្ឌ បានតឱ្យកីឡាករ ថៃ ១,២គីឡូក្រាមដូចគ្នា សម្រាប់ការប្រកួតឆ្លងឆ្នាំ "THAI FIGHT COUNTDOWN CENTRAL WORLD 2015” ប្រទេសថៃ នាថ្ងៃទី៣១ ខែធ្នូ។ កីឡាករ កែវ រំចង់ នឹងជួបប្រកួតសងសឹកជាមួយកីឡាករ Iquezang Kor Rungthanakeat ខណៈកីឡាករ ផល សោភ័ណ្ឌ ប៉ះខ្លាចាស់ថៃ Saen chai។
តាមការថ្លឹងទម្ងន់មុនថ្ងៃប្រកួតនៅថ្ងៃនេះ កីឡាករ កែវ រំចង់ បានចាញ់ទម្ងន់កីឡាករមហាកម្លាំង Iquezang Kor Rungthanakeat ចំនួន ១,២ គីឡូក្រាម ខណៈកីឡាករម្ចាស់ជើងឯករងប្រដាល់សកលថ្នាក់ជាតិ ផល សោភ័ណ្ឌ ក៏ចាញ់ទម្ងន់ ខ្លាចាស់ថៃ Saen chai ១,២គីឡូក្រាមដែរ។ តាមការថ្លឹងជាក់ស្តែងកីឡាករ កែវ រំចង់ មានទម្ងន់ ៦៧,៥ គីឡូក្រាម ចំណែកកីឡាករ Iquezang Kor Rungthanakeat មានទម្ងន់ ៦៨,៧ គីឡូក្រាម។ ចំណែកកីឡាករ ផល សុភ័ណ្ឌ មានទម្ងន់ ៦៣,៥ គីឡូក្រាម ខណៈខ្លាចាស់ថៃ Saenchai មានទម្ងន់ ៦៤,៧ គីឡូក្រាម។
គួរបញ្ជាក់ថា នេះជាលើកទី ៤ ហើយសម្រាប់ការបង្ហាញវត្តមានរបស់កីឡាករ កែវ រំចង់ ក្នុងព្រឹត្តិការណ៍មួយនេះ ខណៈវាជាលើកទី១របស់កីឡាករ ផល សោភ័ណ្ឌ៕
© រក្សាសិទ្ធិដោយ thmeythmey.com