អន្តរជាតិ
×![]()
អារ៉ាប៊ី សាអូឌីត បានប្រកាសផ្ដាច់ទំនាក់ទំនងការទូតជាមួយអ៊ីរ៉ង់ ក្រោយបាតុករជនជាតិអ៊ីរ៉ង់បានវាយប្រហារលើស្ថានទូតរបស់ខ្លួនប្រចាំទីក្រុងតេហេរ៉ង់ ដែលតវ៉ាប្រឆាំងនឹងការប្រហារជីវិតមេដឹកនាំស៊ីអ៊ីតម្នាក់ដោយអាជ្ញាធរអារ៉ាប៊ី សាអូឌីត ។ ហើយមន្ត្រីការទូតអ៊ីរ៉ង់មានរយៈពេល៤៨ម៉ោង ដើម្បីចាកចេញពីទីក្រុងរីយ៉ាដ ។
រដ្ឋមន្ត្រីការបរទេសអារ៉ាប៊ី សាអូឌីតលោក Adel al-Jubeir បានប្រកាសផ្ដាច់ទំនាក់ទំនងការទូតជាមួយអ៊ីរ៉ង់ ដែលជាគូប្រជែងក្នុងតំបន់ ក្រោយការវាយប្រហារលើស្ថានទូតអារ៉ាប៊ី សាអូឌីតប្រចាំទីក្រុងតេហេរ៉ង់កាលពីថ្ងៃអាទិត្យ ទី៣ ខែមករា ។ ថ្លែងក្នុងសន្និសីទកាសែត លោក Adel al-Jubeir បានប្រាប់ថា មន្ត្រីការទូតអ៊ីរ៉ង់ត្រូវចាកចេញពីអារ៉ាប៊ីសាអូឌីតក្នុងរយៈពេល៤៨ម៉ោង ។ លោកបន្តថា អារ៉ាប៊ី សាអូឌីត មិនអនុញ្ញាតឲ្យអ៊ីរ៉ង់បង្កគ្រោះថ្នាក់ដល់ខ្លូននោះទេ។
ទាក់ទងនឹងការវាយប្រហារស្ថានទូតវិញ រដ្ឋមន្ត្រីការបរទេសរូបនេះបានបញ្ជាក់ថា មន្ត្រីទូតអារ៉ាប៊ី សាអូឌីត បានស្នើរកជំនួយពីអាជ្ញាធរអ៊ីរ៉ង់នៅពេលដែលមានការវាយប្រហារលើស្ថានទូត តែសំណើត្រូវបានបដិសេធរហូតដល់ទៅ៣ដង ។ មិនតែប៉ុណ្ណោះ លោក al-Jubeir ក៏បានចោទប្រកាន់ថា អាជ្ញាធរអ៊ីរ៉ង់បានចូលដៃក្នុងការវាយប្រហារនេះ ពីព្រោះសម្ភារមួយចំនួនក្នុងស្ថានទូតត្រូវបានគេលួច។
ដើមហេតុដំបូងដែលធ្វើឲ្យទំនាក់ទំនងរវាងគូប្រជែងទាំងពីរធ្លាក់ដល់ដំណាក់កាលនេះ គឺនៅថ្ងៃទី២ មករា ក្រុងរីយ៉ាដបានប្រហារជីវិត មេដឹកនាំនិកាយស៊ីអ៊ីត Cheikh Nimr និងមនុស្ស៤៦នាក់ទៀត ដែលជាប់ចោទពីបទភេរវកម្ម ។ ប្រមុខសាសនា Sheikh Nimr ជាតួអង្គនិកាយស៊ីអ៊ីតដ៏សំខាន់ ដែលប្រឆាំងនឹងរាជវង្សនិកាយស៊ុននីត Al-Saoud នៅអារ៉ាប៊ីសាអូឌីត ។ គាត់បានលេចធ្លោក្នុងចលនាបដិវត្តន៍អារ៉ាប់ កាលពីឆ្នាំ២០១១ នៅភាគខាងកើតប្រទេសដែលសំបូរដោយធនធានប្រេង ។
ក្រោយការប្រហារជីវិត Sheikh Nimr ក្រុមនិកាយស៊ីអ៊ីតបានងើបតវ៉ាប្រឆាំង។ មេដឹកនាំកំពូលអ៊ីរ៉ង់លោក Ayatollah Ali Khamenei បានថ្កោលទោសការប្រហារជីវិតនេះ ។ លោកនិយាយថា អារ៉ាប៊ី សាអូឌីត នឹងទទួលរងការសងសឹកជាមិនខាន ចំពោះទង្វើរបស់ខ្លួន ។ ហើយការស្លាប់របស់ Nimr នឹងតាមបន្លាចអារ៉ាប៊ី សាអូឌីត ។
ក្រៅពីអ៊ីរ៉ង់ នៅបារ៉ែន ប៉ូលិសបានបាញ់ឧស្ម័នបង្ហូរទឹកភ្នែក ដើម្បីបំបែកហ្វូងបាតុករនិកាយស៊ីអ៊ីត។ នៅក្រុងនិកាយស៊ីអ៊ីត Karbala ទឹកដីអ៊ីរ៉ាក់ឯណោះវិញ បាតុកររាប់រយនាក់បាននាំគ្នាតវ៉ាប្រឆាំងក្រុងរីយ៉ាដ។ នៅយេម៉ែន សមាគមជាប់ពាក់ព័ន្ធនឹងក្រុមបះបោរមួយបានប្រកាសគំរាមធ្វើបដិវត្តធ្ងន់ធ្ងរ ប្រឆាំងអារ៉ាប៊ីសាអូឌីត។
គួរបញ្ជាក់ថា តាំងពីដើមរៀងមក អារ៉ាប៊ី សាអូឌីត និង អ៊ីរ៉ង់ មិនដែលត្រូវគ្នានោះទេ ។ នេះក៏ដោយសារប្រទេសទាំងពីរកាន់និកាយខុសគ្នា ដោយ អារ៉ាប៊ី សាអូឌីត ប្រកាន់និកាយស៊ុននី ខណៈអ៊ីរ៉ង់សំបូរដោយជននិកាយស៊ីអ៊ីតភាគច្រើន ។ មួយវិញទៀត ប្រទេសទាំងពីរ ក៏ជាគូប្រជែងឥទ្ធិពលក្នុងតំបន់ផងដែរ ។ ជាក់ស្ដែងនោះ គឺវិបត្តិនៅយេម៉ែនតែម្ដង ពោលគឺអារ៉ាប៊ី សាអូឌីត គាំទ្រកងកម្លាំងរដ្ឋាភិបាល ឯអ៊ីរ៉ង់គាំទ្រក្រុមឧទ្ទាម ដែលកំពុងប្រយុទ្ធគ្នានៅឡើយ ៕
រដ្ឋមន្ត្រីការបរទេសអារ៉ាប៊ី សាអូឌីតលោក Adel al-Jubeir បានប្រកាសផ្ដាច់ទំនាក់ទំនងការទូតជាមួយអ៊ីរ៉ង់ ដែលជាគូប្រជែងក្នុងតំបន់ ក្រោយការវាយប្រហារលើស្ថានទូតអារ៉ាប៊ី សាអូឌីតប្រចាំទីក្រុងតេហេរ៉ង់កាលពីថ្ងៃអាទិត្យ ទី៣ ខែមករា ។ ថ្លែងក្នុងសន្និសីទកាសែត លោក Adel al-Jubeir បានប្រាប់ថា មន្ត្រីការទូតអ៊ីរ៉ង់ត្រូវចាកចេញពីអារ៉ាប៊ីសាអូឌីតក្នុងរយៈពេល៤៨ម៉ោង ។ លោកបន្តថា អារ៉ាប៊ី សាអូឌីត មិនអនុញ្ញាតឲ្យអ៊ីរ៉ង់បង្កគ្រោះថ្នាក់ដល់ខ្លូននោះទេ។
ទាក់ទងនឹងការវាយប្រហារស្ថានទូតវិញ រដ្ឋមន្ត្រីការបរទេសរូបនេះបានបញ្ជាក់ថា មន្ត្រីទូតអារ៉ាប៊ី សាអូឌីត បានស្នើរកជំនួយពីអាជ្ញាធរអ៊ីរ៉ង់នៅពេលដែលមានការវាយប្រហារលើស្ថានទូត តែសំណើត្រូវបានបដិសេធរហូតដល់ទៅ៣ដង ។ មិនតែប៉ុណ្ណោះ លោក al-Jubeir ក៏បានចោទប្រកាន់ថា អាជ្ញាធរអ៊ីរ៉ង់បានចូលដៃក្នុងការវាយប្រហារនេះ ពីព្រោះសម្ភារមួយចំនួនក្នុងស្ថានទូតត្រូវបានគេលួច។
ដើមហេតុដំបូងដែលធ្វើឲ្យទំនាក់ទំនងរវាងគូប្រជែងទាំងពីរធ្លាក់ដល់ដំណាក់កាលនេះ គឺនៅថ្ងៃទី២ មករា ក្រុងរីយ៉ាដបានប្រហារជីវិត មេដឹកនាំនិកាយស៊ីអ៊ីត Cheikh Nimr និងមនុស្ស៤៦នាក់ទៀត ដែលជាប់ចោទពីបទភេរវកម្ម ។ ប្រមុខសាសនា Sheikh Nimr ជាតួអង្គនិកាយស៊ីអ៊ីតដ៏សំខាន់ ដែលប្រឆាំងនឹងរាជវង្សនិកាយស៊ុននីត Al-Saoud នៅអារ៉ាប៊ីសាអូឌីត ។ គាត់បានលេចធ្លោក្នុងចលនាបដិវត្តន៍អារ៉ាប់ កាលពីឆ្នាំ២០១១ នៅភាគខាងកើតប្រទេសដែលសំបូរដោយធនធានប្រេង ។
ក្រោយការប្រហារជីវិត Sheikh Nimr ក្រុមនិកាយស៊ីអ៊ីតបានងើបតវ៉ាប្រឆាំង។ មេដឹកនាំកំពូលអ៊ីរ៉ង់លោក Ayatollah Ali Khamenei បានថ្កោលទោសការប្រហារជីវិតនេះ ។ លោកនិយាយថា អារ៉ាប៊ី សាអូឌីត នឹងទទួលរងការសងសឹកជាមិនខាន ចំពោះទង្វើរបស់ខ្លួន ។ ហើយការស្លាប់របស់ Nimr នឹងតាមបន្លាចអារ៉ាប៊ី សាអូឌីត ។
ក្រៅពីអ៊ីរ៉ង់ នៅបារ៉ែន ប៉ូលិសបានបាញ់ឧស្ម័នបង្ហូរទឹកភ្នែក ដើម្បីបំបែកហ្វូងបាតុករនិកាយស៊ីអ៊ីត។ នៅក្រុងនិកាយស៊ីអ៊ីត Karbala ទឹកដីអ៊ីរ៉ាក់ឯណោះវិញ បាតុកររាប់រយនាក់បាននាំគ្នាតវ៉ាប្រឆាំងក្រុងរីយ៉ាដ។ នៅយេម៉ែន សមាគមជាប់ពាក់ព័ន្ធនឹងក្រុមបះបោរមួយបានប្រកាសគំរាមធ្វើបដិវត្តធ្ងន់ធ្ងរ ប្រឆាំងអារ៉ាប៊ីសាអូឌីត។
គួរបញ្ជាក់ថា តាំងពីដើមរៀងមក អារ៉ាប៊ី សាអូឌីត និង អ៊ីរ៉ង់ មិនដែលត្រូវគ្នានោះទេ ។ នេះក៏ដោយសារប្រទេសទាំងពីរកាន់និកាយខុសគ្នា ដោយ អារ៉ាប៊ី សាអូឌីត ប្រកាន់និកាយស៊ុននី ខណៈអ៊ីរ៉ង់សំបូរដោយជននិកាយស៊ីអ៊ីតភាគច្រើន ។ មួយវិញទៀត ប្រទេសទាំងពីរ ក៏ជាគូប្រជែងឥទ្ធិពលក្នុងតំបន់ផងដែរ ។ ជាក់ស្ដែងនោះ គឺវិបត្តិនៅយេម៉ែនតែម្ដង ពោលគឺអារ៉ាប៊ី សាអូឌីត គាំទ្រកងកម្លាំងរដ្ឋាភិបាល ឯអ៊ីរ៉ង់គាំទ្រក្រុមឧទ្ទាម ដែលកំពុងប្រយុទ្ធគ្នានៅឡើយ ៕
Tag:
អារ៉ាប៊ី សាអូឌីត
អ៊ីរ៉ង់
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
1 សប្តាហ៍
