កីឡាជាតិ
ជាតិ
ស្តេចអុកប្រចាំព្រឹត្តិការណ៍អង្គរសង្ក្រាន្តរៀបការហើយ
×
ក្នុងវ័យ ២៦ ឆ្នាំ កីឡាករអុកចត្រង្គដ៏ល្បីល្បាញរបស់កម្ពុជា លោក ឈាវ បូរ៉ា បានរៀបការហើយ កាលពីថ្ងៃទី ០៣ មករា ម្សិលមិញនេះ។ ម្ចាស់ជ័យលាភីជើងឯកអុកប្រចាំព្រឹត្តិការណ៍អង្គរសង្ក្រាន្តជាប់គ្នា២ឆ្នាំរូបនេះ បានបង្ហោះរូបថតអាពាហ៍ពិពាហ៍ចំនួន៨សន្លឹកនៅលើបណ្ដាញហ្វេសប៊ុករបស់ខ្លួន ដោយបានសរសេរដូច្នេះថា៖«ទីអវសាននៃភាពកំលោះត្រូវបានបញ្ចប់ ហើយត្រូវជំនួសមកវិញនូវជីវិតដែលត្រូវរស់ជាក្រុម បង្កើននូវគំនិតវែងឆ្ងាយ»។
គួរបញ្ជាក់ថា កីឡាករ ឈាវ បូរ៉ា បានទទួលជ័យលាភីម្ចាស់ស្តេចអុកជាប់គ្នា២ឆ្នាំ ។ ការប្រកួតស្ដេចអុកប្រចាំឆ្នាំ ២០១៥ កន្លងមកនោះ នៅចុងបញ្ចប់កីឡាករ ឈាវ បូរ៉ា បានយកជ័យជម្នះ កីឡាករ សុខ ភារ៉ា ទាំងពីរក្ដារក្លាយជាជ័យលាភីម្ចាស់ស្តេចអុកប្រចាំឆ្នាំ២០១៥ ។ រីឯឆ្នាំ២០១៤ កីឡាករ ឈាវ បូរ៉ា ក៏ជាម្ចាស់ជ័យលាភីស្តេចអុកដែរ ៕
© រក្សាសិទ្ធិដោយ thmeythmey.com