លោក វ៉ាត់ ចំរើន៖ កីឡាបាល់ទាត់មានប្រជាប្រិយ ប៉ុន្តែមិនទាន់មានសក្តានុពល

កីឡាជាតិ

ជាតិ

លោក វ៉ាត់ ចំរើន៖ កីឡាបាល់ទាត់មានប្រជាប្រិយ ប៉ុន្តែមិនទាន់មានសក្តានុពល

05, Jan 2016 , 7:39 am

រូបភាព

ដោយ:

លោក វ៉ាត់ ចំរើន អគ្គលេខាធិកាគណៈកម្មាធិការជាតិអូឡាំពិកកម្ពុជា កាលពីព្រឹកថ្ងៃទី៤ ខែមករា នេះ បានចាត់ទុកកីឡាបាល់ទាត់ថាមិនទាន់ក្លាយជាប្រភេទកីឡាសក្តានុពលសម្រាប់ឆ្នាំ២០១៥នោះទេ ប៉ុន្តែ លោក បានចាត់ទុកកីឡាមួយនេះថា ជាប្រភេទកីឡាប្រជាប្រិយភាព។

ទោះបីជាវិស័យកីឡាបាល់ទាត់ កម្ពុជា កំពុងតែមានការពេញនិយម និងមានភាពល្បីរន្ទឺនៅក្នុងតំបន់ និងមានការគាំទ្រយ៉ាងច្រើនកុះករពីសំណាក់ប្រជាពលរដ្ឋកម្ពុជាក៏ដោយ ប៉ុន្តែកីឡាប្រភេទនេះមិនត្រូវបាន លោក វ៉ាត់ ចំរើន ចាត់ទុកជាប្រភេទកីឡាសក្តានុពលសម្រាប់ឆ្នាំ២០១៥នោះទេ ប៉ុន្តែ លោក បានចាត់ទុកកីឡាមួយនេះជាប្រភេទកីឡាប្រជាប្រិយភាព។

លោក វ៉ាត់ ចំរើន បានពន្យល់ថា វិស័យកីឡាបាល់ទាត់កម្ពុជាមិនមែនជាកីឡាសក្តានុពលសម្រាប់ឆ្នាំ២០១៥នោះទេ ព្រោះកីឡាមួយនេះមិនដែលទទួលបានមេដាយណាមួយពីព្រឹត្តិការណ៍ស៊ីហ្គេមនោះទេ ប៉ុន្តែវាបានក្លាយជាប្រភេទកីឡាប្រជាប្រិយភាពដោយសារមានការគាំទ្រច្រើនពីសំណាក់ទស្សនិកជន។

លោកបានបញ្ជាក់ទៀតថា គេអាចវាយតំលៃកីឡាមួយប្រភេទថាជាប្រភេទកីឡាសក្តានុពលបានលុះត្រាតែកីឡាប្រភេទនោះអាចដណ្តើមបានមេដាយពីព្រឹត្តិការណ៍ប្រកួតស៊ីហ្គេមណាមួយ៕