កីឡាអន្តរជាតិ
អន្តរជាតិ
Zidane សន្យាដាក់បេះដូង និងដួងព្រលឹងរបស់ខ្លួនក្នុងការដឹកនាំ Real Madrid
×![]()
ដោយ: ទេព ពិទូរ្យ
Rafael Benitez ត្រូវបានបញ្ឈប់ពីតំណែងជាអ្នកចាត់ការរបស់ក្លិប Real Madrid ហើយ បន្ទាប់ពីដឹកនាំបានតែ៧ខែប៉ុណ្ណោះ ហើយអ្នកចាត់ការថ្មីដែលត្រូវជំនួសវិញនោះគឺ អតីតវិរបុរសរបស់ក្រុមសេ្តចស Zinedine Zidane ។
Benitez អ្នកចាត់ការទូទៅសញ្ជាតិអេស្ប៉ាញវ័យ៥៥ឆ្នាំ ត្រូវបានក្លិបបញ្ចប់ពីតំណែងក្រោយមានកិច្ចប្រជុំមួយរបស់ក្រុមប្រឹក្សាភិបាលរបស់ក្លិបកាលពីថ្ងៃចន្ទ ក្រោយប្រកួតបានត្រឹមស្មើ ២-២ ជាមួយនឹងក្រុម Valencia កាលពីថ្ងៃសៅរ៍សប្តាហ៍មុន។
ចំណែកឯ Zidane គ្រូបង្វឹក ឈុត B របស់ Real Madrid ត្រូវបានតំឡើងតំណែងជាអ្នកចាត់ការឈុតធំពេញសិទ្ធិតែម្តង។
គ្រូបង្វឹកសញ្ជាតិបារាំងវ័យ៤៣ឆ្នាំរូបនេះបាននិយាយថា« ខ្ញុំនឹងដាក់បេះដូង និងដួងព្រលឹងរបស់ខ្ញុំសម្រាប់ការងារជាគ្រូបង្វឹកថ្មីនេះ»។
Zidane គឺជាគ្រូបង្វឹកទី ១១ហើយ ដែលត្រូវបានតែងតាំងដោយលោកប្រធានក្លិប Florentino Perezក្នុងរយៈពេល ១២ឆ្នាំចុងក្រោយនេះ។
សម្រាប់ការដឹកនាំក្នុងប្រកួតលើកដំបូងរបស់ Zidane គឺនៅក្នុងក្របខ័ណ្ឌ La Liga នៅថ្ងៃសៅរ៍ចុងសប្តាហ៍នេះដោយទទួលភ្ញៀវ Deportivo La Coruna ៕
© រក្សាសិទ្ធិដោយ thmeythmey.com
