ក្រសួងប្រកាសជ្រើសរើសសិស្សពូកែប្រចាំរាជធានី-ខេត្ត និងទូទាំងប្រទេស

ជាតិ

សង្គមជាតិ

ក្រសួងប្រកាសជ្រើសរើសសិស្សពូកែប្រចាំរាជធានី-ខេត្ត និងទូទាំងប្រទេស

07, Jan 2016 , 10:19 pm

រូបភាព

ដោយ: ថ្មីៗ

ក្រសួងអប់រំ យុវជន និងកីឡា បានប្រកាសធ្វើការប្រឡងជ្រើសរើសសិស្សពូកែប្រជាំរាជធានី-ខេត្ត និងទូទាំងប្រទេស ផ្នែកអក្សរសិស្សិ៍ខ្មែរ គណិតវិទ្យា រូបវិទ្យា សម្រាប់សិស្សថ្នាក់ទី៩ និងទី១២ ព្រមទាំងគណៈប្រតិភូ សរុបចំនួន៥៣៨នាក់ នៅក្នុងឆ្នាំ២០១៦នេះ។ ការបញ្ជាក់ពីការប្រលងជ្រើសរើសសិស្សពូកែនេះ ត្រូវបានប្រកាសនៅក្នុងសេចក្តីណែនាំរបស់ក្រសួងស្តីពីការប្រឡងជ្រើសរើសសិស្សពូកែប្រចាំរាជធានី-ខេត្ត និងទូទាំងប្រទេសសម្រាប់ឆ្នាំ២០១៦ ។

បើតាមសេចក្តីណែនាំ ក្រសួងនឹងធ្វើការជ្រើសរើសសិស្សពួកែថ្នាក់ទី៩ និងទី១២ ប្រចាំរាជធានី-ខេត្ត និងទូទាំងប្រទេស សរុបគឺ៤៨០នាក់ ដោយជ្រើសរើស៨០នាក់ ក្នុងមួយមុខវិជ្ជា ។ ក្រសួង ក៏នឹងធ្វើការគណៈប្រតិភូប្រចាំរាជធានី-ខេត្ត និងទូទាំងប្រទេសចំនួន៤៨នាក់។

ក្រសួងអប់រំ បានបញ្ជាក់ថាការប្រឡងជ្រើសរើសសិស្សពូកែទូទាំងប្រទេស នឹងប្រព្រឹត្តិទៅ ចាប់ពីទី២៥ខែមេសា ឆ្នាំ២០១៦ និងថ្ងៃបន្តបន្ទាប់នៅមណ្ឌលវិទ្យាល័យ១០មករា ខេត្តសៀមរាប។

សម្រាប់ដំណើរនៃការប្រលង ក្រសួងបានណែនាំនេះ មន្ទីរអប់រំ យុវជន និងកីឡា រាជធានី-ខេត្ត រៀបចំការប្រឡងជ្រើសរើសសិស្សពូកែប្រចាំរាជធានី-ខេត្ត ថ្នាក់ទី៩ និងថ្នាក់ទី១២ នៅក្នុងខែមិនា តាមលទ្ធភាព និងគំនិតច្នៃប្រឌិតផ្ទាល់ តាមមុខវិទ្យា និងតាមថ្នាក់នីមួយៗ រួចបញ្ជូនបេក្ខភាពមកប្រឡងជ្រើសរើសសិស្សពូកែទូទាំងប្រទេសតាមចំនួនដែលបានកំណត់។

«ចំពោះសិស្សថ្នាក់ទី៩ និងទី១២ នៃគ្រឹះស្ថានមធ្យមសិក្សាចំណេះទូទៅឯកជន អាចចូលរួមការប្រលងជ្រើសរើសសិស្សពូកែ ប្រចាំរាជធានី-ខេត្ត តាមរាជធានី-ខេត្តរៀងៗខ្លួន ជាមួយគ្រឹះស្ថានមធ្យមសិក្សាចំណេះទូទៅសាធារណៈដែរ។ ដោយឡែកវិទ្យាល័យអនុវត្ត ត្រូវចូលរួមប្រលងសិស្សពូកែថ្នាក់រាជធានី ជាមួយគ្រឹះស្ថានមធ្យមសិក្សានានា ក្រោមឱវាទមន្ទីរអប់រំ យុវជន និងកីឡា រាជធានីភ្នំពេញ»។ នេះបើតាមខ្លឹមសារនៅក្នុងសេចក្តីណែនាំដដែល។

ចំពោះជ័យលាភី បេក្ខជនម្នាក់ៗនឹងទទួលបានវិញ្ញាបនបត្រចូលរួមប្រឡងសិស្សពូកែថ្នាក់ជាតិម្នាក់១សន្លឹក។ ជ័យលាភីម្នាក់ ត្រូវទទួលបានថវិកា និងសម្ភារផ្សេងៗ ពីរដ្ឋាភិបាលទៅតាមចំណាត់ថ្នាក់របស់ពួកគេ ក្នុងនោះ៖
-ចំណាត់ថ្នាក់លេខ១ ៖ ប្រកាសទទួលស្គាល់ជ័យលាភីទូទាំងប្រទេស១ច្បាប់ វិញ្ញាបនបត្រសិស្សពូកែទូទាំងប្រទេស១សន្លឹក មេដាយមាស១ និងថវិកា៨០ម៉ឺនរៀល។

-ចំណាត់ថ្នាក់លេខ២ ៖ ប្រកាសទទួលស្គាល់ជ័យលាភីទូទាំងប្រទេស១ច្បាប់ វិញ្ញាបនបត្រសិស្សពូកែទូទាំងប្រទេស១សន្លឹក មេដាយប្រាក់១ និងថវិកា៧៧ម៉ឺនរៀល។

-ចំណាត់ថ្នាក់លេខ៣ ៖ ប្រកាសទទួលស្គាល់ជ័យលាភីទូទាំងប្រទេស១ច្បាប់ វិញ្ញាបនបត្រសិស្សពូកែទូទាំងប្រទេស១សន្លឹក មេដាយសំរឹទ្ធ១ និងថវិកា៧៤ម៉ឺនរៀល។

-ចំណាត់ថ្នាក់លេខ៤ ៖ ប្រកាសទទួលស្គាល់ជ័យលាភីទូទាំងប្រទេស១ច្បាប់ វិញ្ញាបនបត្រសិស្សពូកែទូទាំងប្រទេស១សន្លឹក និងថវិកា៧១ម៉ឺនរៀល។

-ចំណាត់ថ្នាក់លេខ៥ ៖ ប្រកាសទទួលស្គាល់ជ័យលាភីទូទាំងប្រទេស១ច្បាប់ វិញ្ញាបនបត្រសិស្សពូកែទូទាំងប្រទេស១សន្លឹក និងថវិកា៦៨ម៉ឺនរៀល។

-ចំណាត់ថ្នាក់លេខ៦ ៖ ប្រកាសទទួលស្គាល់ជ័យលាភីទូទាំងប្រទេស១ច្បាប់ វិញ្ញាបនបត្រសិស្សពូកែទូទាំងប្រទេស១សន្លឹក និងថវិកា៦៥ម៉ឺនរៀល។

-ចំណាត់ថ្នាក់លេខ៧ ៖ ប្រកាសទទួលស្គាល់ជ័យលាភីទូទាំងប្រទេស១ច្បាប់ វិញ្ញាបនបត្រសិស្សពូកែទូទាំងប្រទេស១សន្លឹក និងថវិកា៦២ម៉ឺនរៀល។

-ចំណាត់ថ្នាក់លេខ៨ ៖ ប្រកាសទទួលស្គាល់ជ័យលាភីទូទាំងប្រទេស១ច្បាប់ វិញ្ញាបនបត្រសិស្សពូកែទូទាំងប្រទេស១សន្លឹក និងថវិកា៥៩ម៉ឺនរៀល។

-ចំណាត់ថ្នាក់លេខ៩ ៖ ប្រកាសទទួលស្គាល់ជ័យលាភីទូទាំងប្រទេស១ច្បាប់ វិញ្ញាបនបត្រសិស្សពូកែទូទាំងប្រទេស១សន្លឹក និងថវិកា៥៦ម៉ឺនរៀល។

-ចំណាត់ថ្នាក់លេខ១០ ៖ ប្រកាសទទួលស្គាល់ជ័យលាភីទូទាំងប្រទេស១ច្បាប់ វិញ្ញាបនបត្រសិស្សពូកែទូទាំងប្រទេស១សន្លឹក និងថវិកា៥៣ម៉ឺនរៀល។ ជ័យលាភីទាំងអស់ ក៏នឹងទទួលបានថវិកា និងសម្ភារផ្សេងៗទៀតពីសប្បុរសជនផងដែរ៕