គណបក្សសង្គ្រោះជាតិនឹងប្រើពេលពេញមួយឆ្នាំដើម្បីរៀបចំរចនាសម្ព័ន្ធឲ្យបានគ្រប់ភូមិ

ជាតិ

នយោបាយជាតិ

គណបក្សសង្គ្រោះជាតិនឹងប្រើពេលពេញមួយឆ្នាំដើម្បីរៀបចំរចនាសម្ព័ន្ធឲ្យបានគ្រប់ភូមិ

10, Jan 2016 , 12:35 pm

រូបភាព

ដោយ: ថ្មីៗ

ឯកឧត្តម កឹម សុខា ប្រធានស្តីទីគណបក្សសង្គ្រោះជាតិ បានចាប់យុទ្ធនាការចុះជួបថ្នាក់ដឹកនាំមូលដ្ឋាន សកម្មជន ចលនាយុវជន និងស្ត្រីរបស់ខ្លួន តាមរយៈ «វេទិកាសកម្មជនមូលដ្ឋាន»។ ពីខេត្តព្រៃវែង ថ្នាក់ដឹកនាំបក្សប្រឆាំងរូបនេះ បានអះអាងថា នៅចុងឆ្នាំ២០១៦ គណបក្សសង្គ្រោះជាតិនឹងរៀបចំរចនាសម្ព័ន្ធថ្នាក់ភូមិឲ្យបានចប់សព្វគ្រប់នៅទូទាំងប្រទេស។

ក្នុងដំណើរឆ្ពោះទៅរកភាពជោគជ័យក្នុងការបោះឆ្នោតឃុំ-សង្កាត់ឆ្នាំក្រោយ ឯកឧត្តម កឹម សុខា អនុប្រធានគណបក្សសង្គ្រោះជាតិ បានចាប់ផ្តើមបើក «វេទិកាសកម្មជនមូលដ្ឋាន» នៅខេត្តព្រៃវែងដោយមានអ្នកចូលរួមប្រមាណ៥០០០នាក់។ អ្នកចូលរួមទាំងនោះ មានសមាសភាពជា ថ្នាក់ដឹកនាំមូលដ្ឋាន សកម្មជន ចលនាយុវជន និងស្ត្រី។

តាមរយៈហ្វេសប៊ុករបស់ខ្លួន ឯកឧត្តម កឹម សុខា បានសរសេរថា៖ «នៅចុងឆ្នាំ២០១៦នេះ គណបក្សសង្គ្រោះជាតិនឹងរៀបចំរចនាសម្ព័ន្ធរបស់ខ្លួនដល់ថ្នាក់ភូមិឲ្យបានចប់សព្វគ្រប់ទូទាំងប្រទេស»។

បន្ទាប់ពីខេត្តព្រៃវែង ប្រធានស្តីទីបក្សប្រឆាំងនឹងធ្វើដំណើរទៅកាន់ខេត្តកំពង់ចាមនាថ្ងៃទី១៧ ខែមករា ហើយបន្តទៅខេត្តត្បូងឃ្មុំ និងខេត្តសៀមរាប រួមទាំងខេត្តផ្សេងៗទៀត៕