ពីនេះ ពីនោះ
ការកកស្ទះចរាចរណ៍កំពុងបំផ្លាញសេដ្ឋកិច្ចជាតិខ្មែរ និងរុញច្រានឲ្យមនុស្សកើតជំងឺ
×
បញ្ហាកកស្ទះចរាចរណ៍បាន និងកំពុងក្លាយទៅជារឿងដែលមនុស្សគ្រប់រូបធុញធ្រាញ់ និងរអ៊ូគ្រប់គ្នា។ មិនត្រឹមតែប៉ុណ្ណោះ អ្នកវិភាគសង្គមសេដ្ឋកិច្ចគិតថា ការកកស្ទះចរាចរណ៍កំពុងបំផ្លាញសេដ្ឋកិច្ចជាតិ និងកំពុងរុញច្រានឲ្យពលរដ្ឋមួយចំនួនកើតជំងឺផ្លូវចិត្ត។
ខាតបង់សេដ្ឋកិច្ច ពីព្រោះ បុគ្គលិកគ្រប់ហ៊ុន មន្ត្រីរាជការ មួយចំនួនខាតពេលច្រើនដោយសារកកស្ទះចរាចរណ៍។ ខាតពេល គឺស្មើនឹងខាតផលិតភាពការងារ ឬខាតបង់ប្រាក់កាស។ ម្យ៉ាងទៀត ការកកស្ទះជំរុញឲ្យខាតបង់ប្រេងសាំងដែលមានតម្លៃថ្លៃស្រាប់ទៅហើយនោះ។
នាំឲ្យឈឺជំងឺផ្លូវចិត្ត ពីព្រោះថា បុគ្គលណាប្រឈមនឹងការកកស្ទះចរាចរណ៍ជារៀងរាល់ថ្ងៃ ពេលណាមួយបុគ្គលនោះអាចប្រឈមនឹងកើតជំងឺផ្លូវចិត្ត។
សរុសេចក្តីមក ការកកស្ទះចរាចរណ៍កំពុងបំផ្លាញសេដ្ឋកិច្ចជាតិខ្មែរ និងរុញច្រានឲ្យពលរដ្ឋខ្មែរកើតជំងឺផ្លូវចិត្ត៕
© រក្សាសិទ្ធិដោយ thmeythmey.com