កីឡាជាតិ
ជាតិ
ពាន Bangabandhu Gold Cup៖ កម្ពុជាតាមស្មើម៉ាល់ឌីវ ២-២ នៅតង់ទី១ ក្រុមជម្រើសជាតិកម្ពុជា
× ក្រុមជម្រើសជាតិកម្ពុជា និងម៉ាល់ឌីវ បានបញ្ចប់លទ្ធផលបណ្តោះអាសន្ន ២-២ នៅតង់ទីមួយនាការប្រកួតដណ្តើមពានរង្វាន់មិត្តភាព Bangabandhu Gold Cup ឆ្នាំ២០១៦ នៅ Shamsul Huda Stadium ក្រុង Jessore ប្រទេសបង់ក្លាដេស នារសៀលថ្ងៃទី១១ ខែមករា នេះ។
ម៉ាល់ឌីវដែលស្ថិតក្រោមការដឹកនាំគ្រូបង្វឹកនូវែលសេឡង់ លោក Herbert Ricki Llord បាននាំមុខកម្ពុជា ១-០ នៅនាទី ទី៤ ប៉ុន្តែ១០នាទីក្រោយមក ខ្សែប្រយុទ្ធ សុន វណ្ណដេត នៃក្លិបអគ្គស្នងការដ្ឋាននគរបាលជាតិ វាយបកតាមស្មើ សម្រាប់កម្ពុជា។ ក្នុងតង់ទី១ ទិត្យ ឌីណា ក៏មានឱកាសរកគ្រាប់សម្រាប់កម្ពុជាផងដែរ ប៉ុន្តែបាល់ហើរទៅប៉ះនឹងរបាទី។
នៅនាទី ទី៣៨ ខ្សែប្រយុទ្ធ Hassan Naiz ជួយឲ្យម៉ាល់ឌីវនាំមុខសារជាថ្មី បន្ទាប់ពីខ្សែបម្រើទិត្យ ឌីណា គ្រប់គ្រងបាល់មិនបានល្អ តែនៅក្នុងនាទីបន្ថែមតង់ទី១ កីឡាករក្លិបអគ្គស្នងការដ្ឋាននគរបាលជាតិរូបនេះ តាមបានគ្រាប់ទី២សម្រាប់កម្ពុជាវិញ៕
Tag:
បាល់ទាត់
ជម្រើសជាតិកម្ពុជា
© រក្សាសិទ្ធិដោយ thmeythmey.com