កីឡាការិនី វី ស្រីខួច បានផ្តួល បារាំង ត្រឹមទឹកទី២នៅថៃ

កីឡាជាតិ

ជាតិ

កីឡាការិនី វី ស្រីខួច បានផ្តួល បារាំង ត្រឹមទឹកទី២នៅថៃ

11, Jan 2016 , 7:39 pm

រូបភាព

ដោយ:

កីឡាការិនីប្រដាល់សាកលជើងឯកថ្នាក់ជាតិប្រចាំឆ្នាំ២០១៥ វី ស្រីខួច បានបំបាក់កីឡាការិនី បារាំង ត្រឹមទឹកទី២ នាការប្រកួតប្រដាល់គុនចម្រុះលើសង្វៀនដាក់ទ្រុង Full Metal Dojo នៅខេត្តភូកេត ប្រទេសថៃ កាលពីយប់ថ្ងៃទី១០ ខែមករា។

កីឡាការិនីជម្រើសជាតិប្រដាល់សកល វី ស្រីខួច មកពីក្លិបនាគមានជ័យ បានបង្ហាញភាពខ្លាំងរបស់ខ្លួននាជំនួបជាមួយកីឡាការិនីបារាំង Aiyada Verpoest នៃការប្រកួតប្រដាល់គុនចម្រុះលើសង្វៀនដាក់ទ្រុង Full Metal Dojo នៅខេត្តភូកេត ប្រទេសថៃ កាលពីថ្ងៃទី១០ ខែមករា។ នាការប្រកួតដាក់ទ្រុងដែលមានគូនារីតែមួយនោះកីឡាការិនីជម្រើសជាតិ កម្ពុជា វី ស្រីខួច ប្រើរយៈពេលតែ២ទឹកប៉ុណ្ណោះ ក្នុងការផ្តួលកីឡាការិនីជម្រើសជាតិសញ្ជាតិបារាំង Aiyada Verpoest ឱ្យបោះបង់ការបោះបង់ការប្រកួត។

គួរបញ្ជាក់ថា មុនការប្រកួតចាប់ផ្តើមកីឡាការិនី វី ស្រីខួច បានបង្ខំចិត្តសម្រកទម្ងន់ ២,៤គីឡូក្រាម ដើម្បីឱ្យស្មើជាមួយដៃគូរបស់ខ្លួន ក្នុងរយៈពេល ៣ ម៉ោង។ កីឡាការិនី វី ស្រីខួច មានទម្ងន់ ៥៧,២គីឡូក្រាម ចំណែកកីឡាការិនីបារាំង Aiyada Verpoest មានទម្ងន់ត្រឹមតែ ៥៤,៨គីឡូក្រាម៕