ជាតិ
បទយកការណ៍ / បទសម្ភាសន៍
×![]()
បន្ទាយមានជ័យ៖ យក់ ម៉េងឡុង មិនអាចដើរទៅណារួចឡើយ ប៉ុន្តែយុវជនវ័យ២០ឆ្នាំរូបនេះ មានដំណើរផ្សងព្រេងដ៏វែងឆ្ងាយតាមរយៈការអានសៀវភៅដ៏ច្រើនសន្ធឹកសន្ធាប់។ ដោយសារបញ្ហាឆ្អឹង ម៉េងឡុង ដែលជាកូនប្រុសច្បងក្នុងគ្រួសារអាជីវករមួយនៅខេត្តបន្ទាយមានជ័យ បានផ្អាកការសិក្សាត្រឹមថ្នាក់ទី១១ ប៉ុន្តែគេមិនបានបំផ្លាញភាពទំនេររបស់ខ្លួននោះឡើយ ដោយអតីតសិស្សឆ្នើមរូបនេះ បានយកសៀវភៅធ្វើជាមិត្ត ហើយរំពឹងមានឱកាសចូលសិក្សាឡើងវិញ និងសម្រេចក្តីសុបិនក្នុងការក្លាយជាអ្នកវិទ្យាសាស្ត្រជំនាញតារាវិទ្យានាពេលអនាគត។
«សូមអភ័យទោសដែលខ្ញុំមិនបានចុះទៅទទួលបងដោយផ្ទាល់»។ យក់ ម៉េងឡុង ប្រឹងក្រោកងើបឲ្យខ្ពស់បន្តិចពីគ្រែដើម្បីស្វាគមន៍អ្នកយកព័ត៌មាននៃសារព័ត៌មានថ្មីៗ នាម៉ោងជិត៨យប់ កាលពីចុងឆ្នាំ២០១៥ ។ ជិត៥ឆ្នាំហើយដែល យុវជនវ័យ២០ឆ្នាំរូបនេះ រស់នៅជាប្រចាំក្នុងបន្ទប់ដ៏ធំទូលាយមួយដែលពោរពេញទៅដោយសៀវភៅជាច្រើនក្បាលទាំងភាសាអង់គ្លេស និងភាសាខ្មែរ។
ម៉េងឡុង ទទួលបាននូវការថែទាំជាពិសេសពីសំណាក់គ្រួសារនៅក្នុងផ្ទះល្វែងដែលប្រកបអាជីវកម្មយីហោ «យក់ ចំរើន លក់គ្រឿងតុបតែង បិទកញ្ចក់ និងបិទស្កុតរថយន្ត-ម៉ូតូ» ស្ថិតនៅឃុំព្រះពន្លា ស្រុកសេរីសោភ័ណ ខេត្តបន្ទាយមានជ័យ ដែលមានចម្ងាយ៥០ម៉ែត្រ ខាងជើងរង្វង់មូលស្រីគ្រប់លក្ខណ៍។
កាលពីពាក់កណ្តាលឆ្នាំ២០១១ ម៉េងឡុង កូនច្បងក្នុងគ្រួសារដែលមានកូនប្រុសទាំង៣នាក់ បានជួបបញ្ហាឆ្អឹងដែលបណ្តាលឲ្យរូបគេមិនអាចដើរបាន ហើយទីបំផុត អតីតសិស្សឆ្នើមរូបនេះ ផ្អាកការសិក្សាទាំងបង្ខំចិត្ត។ ក្នុងបទសម្ភាសជាមួយសារព័ត៌មានថ្មីៗ ម៉េងឡុង មិនចង់ឲ្យមានការផ្តោតខ្លាំងទៅស្ថានភាពជំងឺរបស់គេនោះឡើយ ដោយអ្វីដែលគេចង់បង្ហាញនោះ គឺបទពិសោធន៍ និងទម្លាប់នៃការអានសៀវភៅដ៏ច្រើនសន្ធឹកសន្ធាប់។
រយៈពេលពីរឆ្នាំ អានសៀវភៅជាង៣០០ក្បាល
អាចជាកំណត់ត្រានៅក្នុងប្រទេសកម្ពុជា ប្រសិនបើមិនមានភស្តុតាងអ្វីផ្សេងមកបញ្ជាក់ទេនោះ។ សៀវភៅ៣០០ក្បាលដែល យក់ ម៉េងឡុង បានអាននោះ គ្រាន់តែកំណត់ត្រាជាក់លាក់ដែលរូបគេបានស្រង់នារយៈពេល២ឆ្នាំចុងក្រោយនេះប៉ុណ្ណោះ ប៉ុន្តែតាមពិត យុវជនរូបនេះ បានចាប់ផ្តើមអានសៀវភៅតាំងពីពេលរូបគេធ្លាក់ខ្លួនឈឺមកម្ល៉េះ។
«ដំបូងឡើយ ខ្ញុំចូលចិត្តអានសៀវភៅវេយ្យាករណ៍ភាសាអង់គ្លេស ហើយខ្ញុំបានក្លាយជាចូលចិត្តអានសៀវភៅបន្ទាប់ពីមិត្តភក្តិបានណែនាំសៀវភៅក្បាលទី១នៃរឿង Harry Potter ដែលមានចំណងជើងថា Harry Potter and the Sorcerer’s Stone» ។ នេះបើតាមការអះអាងរបស់ យក់ ម៉េងឡុង ដែលខិតខំធ្វើស្វ័យសិក្សាភាសាអង់គ្លេសដោយខ្លួនឯង បន្ថែមលើទុននៃចំណេះដឹងដែលរូបគេធ្លាប់បានរៀននៅសាលាអង់គ្លេសឯកជននៅក្នុងខេត្ត។
យក់ ម៉េងឡុង ដែល បានបន្តអានស៊េរីសៀវភៅរឿង Harry Potter រហូតបញ្ចប់ដល់ទៅ៧ក្បាល បន្ទាប់មកយុវសិស្សរូបនេះ យល់ថា មិនមែនតែសៀវភៅ Harry Potter នោះទេដែលទាក់ទាញ គឺមានសៀវភៅជាច្រើនទៀត ដូចជាសៀវភៅរឿង The Maze Runner ជាដើម។ តាមរយៈការអាននេះ បានធ្វើឲ្យគេក្រេបបានចំណេះភាសាអង់គ្លេសមិនចាញ់អ្នករៀននៅសាលាអន្តរជាតិល្បីៗនោះឡើយ។
ក្រៅពីសៀវភៅរឿងបែបផ្សងព្រេង អភិនីហារ សិល្បសាស្ត្រ ម៉េងឡុង អានសៀវភៅជាច្រើនទៀតដែលទាក់ទងនឹងប្រវត្តិសាស្ត្រ ជីវប្រវត្តិ នយោបាយ អប់រំ និងបែបទស្សនៈ ជាដើម។ «សម្រាប់សៀវភៅមួយចំនួន ខ្ញុំបានពឹងមិត្តភ័ក្ត្រឲ្យជួយទិញពីភ្នំពេញ ហើយសៀវភៅមួយចំនួនមានជាលក្ខណៈ Audiobook តាមរយៈ App នៅលើទូរសព្ទដៃ ដែលខ្ញុំអាចស្តាប់ជំនួសការអាន» ។ នេះជាការបញ្ជាក់របស់ ម៉េងឡុង ដោយបានអះអាងថា ការស្តាប់ផ្តល់ពេលវេលាច្រើនឲ្យគេបានសម្រាកភ្នែក។
កាលពីឆ្នាំ២០១៥ ម៉េងឡុង បានអានសៀវភៅ និងស្តាប់ Audiobooks ចប់ចំនួន១៤៥ក្បាល ដែលមានជាង៤ម៉ឺនទំព័រ។ យុវជនរូបនេះ ក៏ធ្វើការវាយតម្លៃលើសៀវភៅដែលខ្លួនបានអានផងដែរ តាមរយៈការដាក់សញ្ញាផ្កាយពី១ដល់៥ ទៅតាមខ្លឹមសារសៀវភៅ។ សម្រាប់សៀវភៅជាភាសាអង់គ្លេស និងជា Audiobook គេទទួលបានការណែនាំភាគច្រើនពីមិត្តភក្តិនៅក្នុងគេហទំព័រ Goodreads។
អានសៀវភៅអាចឲ្យយើងបង្កើតនូវការស្រមើស្រមៃដោយខ្លួនឯង
«ខ្ញុំបានចាត់ទុកការអានសៀវភៅជាភារកិច្ចមួយរបស់ខ្ញុំ ពីព្រោះថា វាមិនត្រឹមជាការកម្សាន្តនោះឡើយ ប៉ុន្តែវាផ្តល់នូវចំណេះដឹងជាច្រើន» ។ នេះជាការលើកឡើងម៉ាត់ៗរបស់ ម៉េងឡុង។ កូនប្រុសច្បងរបស់គ្រួសារអាជីវករនៅខេត្តបន្ទាយមានជ័យ រូបនេះ បានបន្ថែមថា៖ «ខុសពីរឿងភាពយន្តដែលមានការរៀបចំជារួចស្រេច ការអានសៀវភៅនាំឲ្យយើងបង្កើតក្តីស្រមើស្រមៃពីទិដ្ឋភាពនៃសាច់រឿងដោយខ្លួនឯង ពោលគឺយើងមិនត្រឹមតែជាអ្នកអានប៉ុណ្ណោះទេ ប៉ុន្តែយើងក៏អាចក្លាយជាអ្នកដឹកនាំរឿង និងជាវិចិត្រករផងដែរ»។
គ្មានអ្វីដែលគួរឲ្យសង្ស័យនោះឡើយ អ្នកនិពន្ធជនជាតិអង់គ្លេស អ្នកស្រី J.K. Rowling ម្ចាស់សៀវភៅ «Harry Potter» គឺជាអ្នកនិពន្ធសំណព្វចិត្តរបស់ យក់ ម៉េងឡុង។ យកដៃទាញវែនតាចុះក្រោមបន្តិច យុវជនវ័យ២០ឆ្នាំរូបនេះ កត់សម្គាល់ ថា អ្នកស្រី J.K. Rowling គឺជាអ្នកនិពន្ធដែលចេះបង្កើតក្តីស្រមើស្រមៃខ្ពស់ និងធ្វើឲ្យមនុស្សលើពិភពលោកចាប់អារម្មណ៍។ ជាមួយគ្នានេះ គាត់ក៏បានប្រើប្រាស់សំណេររបស់ខ្លួនក្នុងការជួយដល់សង្គមផងដែរ ដូចជាការប្រឆាំងការរើសអើងផ្លូវភេទ និងការការពារសិទ្ធិមនុស្សជាដើម។
ងាកទៅស្នាដៃសៀវភៅជាភាសាខ្មែរ វិញ យក់ ម៉េងឡុង ចូលចិត្តអានសៀវភៅដែលនិយាយប្រវត្តិសាស្ត្រ និងនយោបាយ ជាពិសេសសំណេររបស់លោក វ៉ាន់ឌី កាអុន និងលោក ហ្សង់ហ្វ្រង់ស្វ័រ តាន់ ។ «ខ្ញុំបែងចែកការអានយ៉ាងច្បាស់លាស់ ហើយពេលខ្លះខ្ញុំអានសៀវភៅប្រវត្តិសាស្ត្រច្រើនពេក ក៏មានការធុញទ្រាន់ ដូច្នេះខ្ញុំបានបង្វែរអារម្មណ៍ទៅអានសៀវភៅលក្ខណៈប្រលោមលោកវិញ។ ពេលអាន ឬស្តាប់ Audiobook ត្រូវមានការផ្តោតអារម្មណ៍ឲ្យបានខ្ពស់ ប្រសិនបើប្រឹងអាន និងស្តាប់ ទាំងអារម្មណ៍ធុញទ្រាន់ យើងច្បាស់ជាមិនដឹងថា អ្នកនិពន្ធចង់និយាយពីអ្វីនោះឡើយ»។
ចង់រៀនបន្តឲ្យចប់បាក់ឌុប
គិតចាប់តាំងពីពាក់កណ្តាលឆ្នាំ២០១១មក ម៉េងឡុង បានឆ្លងកាត់ការព្យាបាល វះកាត់ជិត១០ដង ដោយរាប់ទាំងនៅមន្ទីរពេទ្យគន្ធបុប្ឆា ពេទ្យនៅប្រទេសថៃ និងវៀតណាម។ ផលវិជ្ជមានចេះតែមានជាបន្តបន្ទាប់សម្រាប់ ម៉េងឡុង ដោយគេរំពឹងថាអាចមានឱកាសបន្តការសិក្សានៅវិទ្យាល័យដើម្បីទទួលបានសញ្ញាបត្រមធ្យមសិក្សាទុតិយភូមិ។
«នាយកសាលា និងគ្រូនៅវិទ្យាល័យ តែងតែរង់ចាំវត្តមានរបស់ ម៉េងឡុង ជានិច្ច។ ពួកគាត់ចង់ឲ្យ ម៉េងឡុង រៀនបន្ត ក្រោយធូរស្បើយពីជំងឺ»។ លោក យក់ ចំរើន ដែលជាឪពុក និងអ្នកស្រី ហាក់ ហា័ន់ ដែលជាម្តាយ បានឆ្លើយកាត់សម្តីរបស់ម៉េងឡុង នៅពេលដែលសារព័ត៌មានសាកសួរពីអនាគតនៃការសិក្សា។
ម៉េងឡុង បានងក់ក្បាលយល់ស្របទៅនឹងការលើកឡើងរបស់ឪពុកម្តាយ ហើយអះអាងថា រូបគេត្រៀមខ្លួនជានិច្ចក្នុងការបន្តការសិក្សាឲ្យបានចប់បាក់ឌុប បើទោះបីជាខកខានរៀនសូត្រអស់រយៈពេលជិត៥ឆ្នាំក៏ដោយ។
អ្វីដែលគួរឲ្យកត់សម្គាល់នោះ មុនពេលធ្លាក់ខ្លួនឈឺ ម៉េងឡុង បានប្រឡងជាប់ជុំទី១ក្នុងកម្មវិធីអាហារូបករណ៍ UWC ដោយកាលណោះ ខេត្តបន្ទាយមានជ័យ មានសិស្សតែ៣នាក់ប៉ុណ្ណោះបានជាប់ ហើយម៉េងឡុង ជាសិស្សម្នាក់គត់ដែលរៀនថ្នាក់ទី១១ ខណៈបេក្ខជន២នាក់ ជាសិស្សរៀនថ្នាក់ទី១២ ។
បន្ថែមពីលើនេះ ម៉េងឡុង ក៏មានគម្រោងតោងយកអាហារូបករណ៍ទៅសិក្សានៅបរទេសផងដែរ ជាពិសេសនៅជប៉ុន សហរដ្ឋអាមេរិក ឬកាណាដា ជាដើម។
ចង់ក្លាយជាអ្នកវិទ្យាសាស្ត្រ ផ្នែកតារាវិទ្យា
ចង់ឡើងទៅឋានព្រះចន្ទ គឺជាក្តីស្រមៃដែល ម៉េងឡុង ធ្លាប់គិតដូចក្មេងដទៃ។ ពេលសិក្សាដល់កម្រិតវិទ្យាល័យ យុវជនវ័យក្មេងរូបនេះ ចង់ក្លាយជាវិស្វករ ប៉ុន្តែការផ្អាកសិក្សាជាច្រើនឆ្នាំ បានធ្វើឲ្យរូបគេបាត់បង់ចំណាប់អារម្មណ៍ផ្នែកការងារវិស្វកម្ម។
«បង ពេលនេះខ្ញុំគ្រាន់តែសង្ឃឹមថា អាចមានឱកាសរៀនបន្តទៅមុខទៀតប៉ុណ្ណោះ។ ខ្ញុំអត់ដឹងជ្រើសរើសមុខវិជ្ជាណាឡើយទៅអនាគត។ ប៉ុន្តែតាមរយៈ Youtube និងការអានសៀវភៅបែបវិទ្យាសាស្ត្រនានា ខ្ញុំចាប់អារម្មណ៍លើផ្នែក Astronomy [តារាវិទ្យា]»។ នេះជាការលើកឡើងរបស់ ម៉េងឡុង ដោយឪពុកម្តាយ និងប្អូនប្រុសម្នាក់ ញញឹម និងងក់ក្បាលគាំទ្រសម្តីរបស់គេ។
ម៉េងឡុង មិនសូវចូលចិត្តមើលទូរទស្សន៍នោះឡើយ ប៉ុន្តែក៏មិនមែនជាមនុស្សដែល ឃ្លាត ឆ្ងាយ ពីបណ្តាញសង្គមហ្វេសប៊ុក និង Youtube នោះដែរ។ ក្រៅពីប្រើប្រាស់ហ្វេសប៊ុកដើម្បីទំនាក់ទំនងមិត្តភក្តិ និងស្វែងរកព័ត៌មានផ្សេងៗ ម៉េងឡុង ចូលមើលឯកសារវីដេអូ តាម Youtube ជាពិសេសទាក់ទងនឹងវិទ្យាសាស្ត្រ របកគំហើញថ្មីៗ ស្ថានការណ៍ពិភពលោកនៅលើ DNews និង TestTube News ជាដើម។
តារាវិទូអាមេរិក លោក Carl Sagan ដែលបានទទួលមរណភាពកាលពីឆ្នាំ១៩៩៦ក្នុងអាយុ៦២ឆ្នាំ គឺជាមនុស្សគំរូរបស់ ម៉េងឡុង។ ក្រៅពីរបកគំហើញវិទ្យាសាស្ត្រផ្សេងៗ លោក Carl Sagan ក៏ជាអ្នកនិពន្ធសៀវភៅម្នាក់ដ៏ឆ្នើមផងដែរ ក្នុងនោះមានដូចជា «Cosmos» និង «Billions and Billions» ដែលជាស្នាដៃរួមជាមួយ Ann Druyan និងស្ថិតក្នុងចំណោមសៀវភៅដែលម៉េងឡុង បានអានកាលពីឆ្នាំ២០១៥ ។
ភាពជាគំរូរបស់លោក Carl Sagan បានជះឥទ្ធិពលដល់អ្នកវិទ្យាសាស្ត្រជំនាន់ក្រោយផងដែរ ជាពិសេសលោក Neil deGrasse Tyson និង Bill Nye ហើយ យក់ ម៉េងឡុង ក៏មានក្តីស្រមៃចង់ក្លាយជាតារាវិទូផងដែរ៕
«សូមអភ័យទោសដែលខ្ញុំមិនបានចុះទៅទទួលបងដោយផ្ទាល់»។ យក់ ម៉េងឡុង ប្រឹងក្រោកងើបឲ្យខ្ពស់បន្តិចពីគ្រែដើម្បីស្វាគមន៍អ្នកយកព័ត៌មាននៃសារព័ត៌មានថ្មីៗ នាម៉ោងជិត៨យប់ កាលពីចុងឆ្នាំ២០១៥ ។ ជិត៥ឆ្នាំហើយដែល យុវជនវ័យ២០ឆ្នាំរូបនេះ រស់នៅជាប្រចាំក្នុងបន្ទប់ដ៏ធំទូលាយមួយដែលពោរពេញទៅដោយសៀវភៅជាច្រើនក្បាលទាំងភាសាអង់គ្លេស និងភាសាខ្មែរ។
ម៉េងឡុង ទទួលបាននូវការថែទាំជាពិសេសពីសំណាក់គ្រួសារនៅក្នុងផ្ទះល្វែងដែលប្រកបអាជីវកម្មយីហោ «យក់ ចំរើន លក់គ្រឿងតុបតែង បិទកញ្ចក់ និងបិទស្កុតរថយន្ត-ម៉ូតូ» ស្ថិតនៅឃុំព្រះពន្លា ស្រុកសេរីសោភ័ណ ខេត្តបន្ទាយមានជ័យ ដែលមានចម្ងាយ៥០ម៉ែត្រ ខាងជើងរង្វង់មូលស្រីគ្រប់លក្ខណ៍។
កាលពីពាក់កណ្តាលឆ្នាំ២០១១ ម៉េងឡុង កូនច្បងក្នុងគ្រួសារដែលមានកូនប្រុសទាំង៣នាក់ បានជួបបញ្ហាឆ្អឹងដែលបណ្តាលឲ្យរូបគេមិនអាចដើរបាន ហើយទីបំផុត អតីតសិស្សឆ្នើមរូបនេះ ផ្អាកការសិក្សាទាំងបង្ខំចិត្ត។ ក្នុងបទសម្ភាសជាមួយសារព័ត៌មានថ្មីៗ ម៉េងឡុង មិនចង់ឲ្យមានការផ្តោតខ្លាំងទៅស្ថានភាពជំងឺរបស់គេនោះឡើយ ដោយអ្វីដែលគេចង់បង្ហាញនោះ គឺបទពិសោធន៍ និងទម្លាប់នៃការអានសៀវភៅដ៏ច្រើនសន្ធឹកសន្ធាប់។
រយៈពេលពីរឆ្នាំ អានសៀវភៅជាង៣០០ក្បាល
អាចជាកំណត់ត្រានៅក្នុងប្រទេសកម្ពុជា ប្រសិនបើមិនមានភស្តុតាងអ្វីផ្សេងមកបញ្ជាក់ទេនោះ។ សៀវភៅ៣០០ក្បាលដែល យក់ ម៉េងឡុង បានអាននោះ គ្រាន់តែកំណត់ត្រាជាក់លាក់ដែលរូបគេបានស្រង់នារយៈពេល២ឆ្នាំចុងក្រោយនេះប៉ុណ្ណោះ ប៉ុន្តែតាមពិត យុវជនរូបនេះ បានចាប់ផ្តើមអានសៀវភៅតាំងពីពេលរូបគេធ្លាក់ខ្លួនឈឺមកម្ល៉េះ។«ដំបូងឡើយ ខ្ញុំចូលចិត្តអានសៀវភៅវេយ្យាករណ៍ភាសាអង់គ្លេស ហើយខ្ញុំបានក្លាយជាចូលចិត្តអានសៀវភៅបន្ទាប់ពីមិត្តភក្តិបានណែនាំសៀវភៅក្បាលទី១នៃរឿង Harry Potter ដែលមានចំណងជើងថា Harry Potter and the Sorcerer’s Stone» ។ នេះបើតាមការអះអាងរបស់ យក់ ម៉េងឡុង ដែលខិតខំធ្វើស្វ័យសិក្សាភាសាអង់គ្លេសដោយខ្លួនឯង បន្ថែមលើទុននៃចំណេះដឹងដែលរូបគេធ្លាប់បានរៀននៅសាលាអង់គ្លេសឯកជននៅក្នុងខេត្ត។
យក់ ម៉េងឡុង ដែល បានបន្តអានស៊េរីសៀវភៅរឿង Harry Potter រហូតបញ្ចប់ដល់ទៅ៧ក្បាល បន្ទាប់មកយុវសិស្សរូបនេះ យល់ថា មិនមែនតែសៀវភៅ Harry Potter នោះទេដែលទាក់ទាញ គឺមានសៀវភៅជាច្រើនទៀត ដូចជាសៀវភៅរឿង The Maze Runner ជាដើម។ តាមរយៈការអាននេះ បានធ្វើឲ្យគេក្រេបបានចំណេះភាសាអង់គ្លេសមិនចាញ់អ្នករៀននៅសាលាអន្តរជាតិល្បីៗនោះឡើយ។
ក្រៅពីសៀវភៅរឿងបែបផ្សងព្រេង អភិនីហារ សិល្បសាស្ត្រ ម៉េងឡុង អានសៀវភៅជាច្រើនទៀតដែលទាក់ទងនឹងប្រវត្តិសាស្ត្រ ជីវប្រវត្តិ នយោបាយ អប់រំ និងបែបទស្សនៈ ជាដើម។ «សម្រាប់សៀវភៅមួយចំនួន ខ្ញុំបានពឹងមិត្តភ័ក្ត្រឲ្យជួយទិញពីភ្នំពេញ ហើយសៀវភៅមួយចំនួនមានជាលក្ខណៈ Audiobook តាមរយៈ App នៅលើទូរសព្ទដៃ ដែលខ្ញុំអាចស្តាប់ជំនួសការអាន» ។ នេះជាការបញ្ជាក់របស់ ម៉េងឡុង ដោយបានអះអាងថា ការស្តាប់ផ្តល់ពេលវេលាច្រើនឲ្យគេបានសម្រាកភ្នែក។
កាលពីឆ្នាំ២០១៥ ម៉េងឡុង បានអានសៀវភៅ និងស្តាប់ Audiobooks ចប់ចំនួន១៤៥ក្បាល ដែលមានជាង៤ម៉ឺនទំព័រ។ យុវជនរូបនេះ ក៏ធ្វើការវាយតម្លៃលើសៀវភៅដែលខ្លួនបានអានផងដែរ តាមរយៈការដាក់សញ្ញាផ្កាយពី១ដល់៥ ទៅតាមខ្លឹមសារសៀវភៅ។ សម្រាប់សៀវភៅជាភាសាអង់គ្លេស និងជា Audiobook គេទទួលបានការណែនាំភាគច្រើនពីមិត្តភក្តិនៅក្នុងគេហទំព័រ Goodreads។
អានសៀវភៅអាចឲ្យយើងបង្កើតនូវការស្រមើស្រមៃដោយខ្លួនឯង
«ខ្ញុំបានចាត់ទុកការអានសៀវភៅជាភារកិច្ចមួយរបស់ខ្ញុំ ពីព្រោះថា វាមិនត្រឹមជាការកម្សាន្តនោះឡើយ ប៉ុន្តែវាផ្តល់នូវចំណេះដឹងជាច្រើន» ។ នេះជាការលើកឡើងម៉ាត់ៗរបស់ ម៉េងឡុង។ កូនប្រុសច្បងរបស់គ្រួសារអាជីវករនៅខេត្តបន្ទាយមានជ័យ រូបនេះ បានបន្ថែមថា៖ «ខុសពីរឿងភាពយន្តដែលមានការរៀបចំជារួចស្រេច ការអានសៀវភៅនាំឲ្យយើងបង្កើតក្តីស្រមើស្រមៃពីទិដ្ឋភាពនៃសាច់រឿងដោយខ្លួនឯង ពោលគឺយើងមិនត្រឹមតែជាអ្នកអានប៉ុណ្ណោះទេ ប៉ុន្តែយើងក៏អាចក្លាយជាអ្នកដឹកនាំរឿង និងជាវិចិត្រករផងដែរ»។
គ្មានអ្វីដែលគួរឲ្យសង្ស័យនោះឡើយ អ្នកនិពន្ធជនជាតិអង់គ្លេស អ្នកស្រី J.K. Rowling ម្ចាស់សៀវភៅ «Harry Potter» គឺជាអ្នកនិពន្ធសំណព្វចិត្តរបស់ យក់ ម៉េងឡុង។ យកដៃទាញវែនតាចុះក្រោមបន្តិច យុវជនវ័យ២០ឆ្នាំរូបនេះ កត់សម្គាល់ ថា អ្នកស្រី J.K. Rowling គឺជាអ្នកនិពន្ធដែលចេះបង្កើតក្តីស្រមើស្រមៃខ្ពស់ និងធ្វើឲ្យមនុស្សលើពិភពលោកចាប់អារម្មណ៍។ ជាមួយគ្នានេះ គាត់ក៏បានប្រើប្រាស់សំណេររបស់ខ្លួនក្នុងការជួយដល់សង្គមផងដែរ ដូចជាការប្រឆាំងការរើសអើងផ្លូវភេទ និងការការពារសិទ្ធិមនុស្សជាដើម។
ងាកទៅស្នាដៃសៀវភៅជាភាសាខ្មែរ វិញ យក់ ម៉េងឡុង ចូលចិត្តអានសៀវភៅដែលនិយាយប្រវត្តិសាស្ត្រ និងនយោបាយ ជាពិសេសសំណេររបស់លោក វ៉ាន់ឌី កាអុន និងលោក ហ្សង់ហ្វ្រង់ស្វ័រ តាន់ ។ «ខ្ញុំបែងចែកការអានយ៉ាងច្បាស់លាស់ ហើយពេលខ្លះខ្ញុំអានសៀវភៅប្រវត្តិសាស្ត្រច្រើនពេក ក៏មានការធុញទ្រាន់ ដូច្នេះខ្ញុំបានបង្វែរអារម្មណ៍ទៅអានសៀវភៅលក្ខណៈប្រលោមលោកវិញ។ ពេលអាន ឬស្តាប់ Audiobook ត្រូវមានការផ្តោតអារម្មណ៍ឲ្យបានខ្ពស់ ប្រសិនបើប្រឹងអាន និងស្តាប់ ទាំងអារម្មណ៍ធុញទ្រាន់ យើងច្បាស់ជាមិនដឹងថា អ្នកនិពន្ធចង់និយាយពីអ្វីនោះឡើយ»។
ចង់រៀនបន្តឲ្យចប់បាក់ឌុប
គិតចាប់តាំងពីពាក់កណ្តាលឆ្នាំ២០១១មក ម៉េងឡុង បានឆ្លងកាត់ការព្យាបាល វះកាត់ជិត១០ដង ដោយរាប់ទាំងនៅមន្ទីរពេទ្យគន្ធបុប្ឆា ពេទ្យនៅប្រទេសថៃ និងវៀតណាម។ ផលវិជ្ជមានចេះតែមានជាបន្តបន្ទាប់សម្រាប់ ម៉េងឡុង ដោយគេរំពឹងថាអាចមានឱកាសបន្តការសិក្សានៅវិទ្យាល័យដើម្បីទទួលបានសញ្ញាបត្រមធ្យមសិក្សាទុតិយភូមិ។
«នាយកសាលា និងគ្រូនៅវិទ្យាល័យ តែងតែរង់ចាំវត្តមានរបស់ ម៉េងឡុង ជានិច្ច។ ពួកគាត់ចង់ឲ្យ ម៉េងឡុង រៀនបន្ត ក្រោយធូរស្បើយពីជំងឺ»។ លោក យក់ ចំរើន ដែលជាឪពុក និងអ្នកស្រី ហាក់ ហា័ន់ ដែលជាម្តាយ បានឆ្លើយកាត់សម្តីរបស់ម៉េងឡុង នៅពេលដែលសារព័ត៌មានសាកសួរពីអនាគតនៃការសិក្សា។
ម៉េងឡុង បានងក់ក្បាលយល់ស្របទៅនឹងការលើកឡើងរបស់ឪពុកម្តាយ ហើយអះអាងថា រូបគេត្រៀមខ្លួនជានិច្ចក្នុងការបន្តការសិក្សាឲ្យបានចប់បាក់ឌុប បើទោះបីជាខកខានរៀនសូត្រអស់រយៈពេលជិត៥ឆ្នាំក៏ដោយ។
អ្វីដែលគួរឲ្យកត់សម្គាល់នោះ មុនពេលធ្លាក់ខ្លួនឈឺ ម៉េងឡុង បានប្រឡងជាប់ជុំទី១ក្នុងកម្មវិធីអាហារូបករណ៍ UWC ដោយកាលណោះ ខេត្តបន្ទាយមានជ័យ មានសិស្សតែ៣នាក់ប៉ុណ្ណោះបានជាប់ ហើយម៉េងឡុង ជាសិស្សម្នាក់គត់ដែលរៀនថ្នាក់ទី១១ ខណៈបេក្ខជន២នាក់ ជាសិស្សរៀនថ្នាក់ទី១២ ។
បន្ថែមពីលើនេះ ម៉េងឡុង ក៏មានគម្រោងតោងយកអាហារូបករណ៍ទៅសិក្សានៅបរទេសផងដែរ ជាពិសេសនៅជប៉ុន សហរដ្ឋអាមេរិក ឬកាណាដា ជាដើម។
ចង់ក្លាយជាអ្នកវិទ្យាសាស្ត្រ ផ្នែកតារាវិទ្យា
ចង់ឡើងទៅឋានព្រះចន្ទ គឺជាក្តីស្រមៃដែល ម៉េងឡុង ធ្លាប់គិតដូចក្មេងដទៃ។ ពេលសិក្សាដល់កម្រិតវិទ្យាល័យ យុវជនវ័យក្មេងរូបនេះ ចង់ក្លាយជាវិស្វករ ប៉ុន្តែការផ្អាកសិក្សាជាច្រើនឆ្នាំ បានធ្វើឲ្យរូបគេបាត់បង់ចំណាប់អារម្មណ៍ផ្នែកការងារវិស្វកម្ម។
«បង ពេលនេះខ្ញុំគ្រាន់តែសង្ឃឹមថា អាចមានឱកាសរៀនបន្តទៅមុខទៀតប៉ុណ្ណោះ។ ខ្ញុំអត់ដឹងជ្រើសរើសមុខវិជ្ជាណាឡើយទៅអនាគត។ ប៉ុន្តែតាមរយៈ Youtube និងការអានសៀវភៅបែបវិទ្យាសាស្ត្រនានា ខ្ញុំចាប់អារម្មណ៍លើផ្នែក Astronomy [តារាវិទ្យា]»។ នេះជាការលើកឡើងរបស់ ម៉េងឡុង ដោយឪពុកម្តាយ និងប្អូនប្រុសម្នាក់ ញញឹម និងងក់ក្បាលគាំទ្រសម្តីរបស់គេ។
ម៉េងឡុង មិនសូវចូលចិត្តមើលទូរទស្សន៍នោះឡើយ ប៉ុន្តែក៏មិនមែនជាមនុស្សដែល ឃ្លាត ឆ្ងាយ ពីបណ្តាញសង្គមហ្វេសប៊ុក និង Youtube នោះដែរ។ ក្រៅពីប្រើប្រាស់ហ្វេសប៊ុកដើម្បីទំនាក់ទំនងមិត្តភក្តិ និងស្វែងរកព័ត៌មានផ្សេងៗ ម៉េងឡុង ចូលមើលឯកសារវីដេអូ តាម Youtube ជាពិសេសទាក់ទងនឹងវិទ្យាសាស្ត្រ របកគំហើញថ្មីៗ ស្ថានការណ៍ពិភពលោកនៅលើ DNews និង TestTube News ជាដើម។
តារាវិទូអាមេរិក លោក Carl Sagan ដែលបានទទួលមរណភាពកាលពីឆ្នាំ១៩៩៦ក្នុងអាយុ៦២ឆ្នាំ គឺជាមនុស្សគំរូរបស់ ម៉េងឡុង។ ក្រៅពីរបកគំហើញវិទ្យាសាស្ត្រផ្សេងៗ លោក Carl Sagan ក៏ជាអ្នកនិពន្ធសៀវភៅម្នាក់ដ៏ឆ្នើមផងដែរ ក្នុងនោះមានដូចជា «Cosmos» និង «Billions and Billions» ដែលជាស្នាដៃរួមជាមួយ Ann Druyan និងស្ថិតក្នុងចំណោមសៀវភៅដែលម៉េងឡុង បានអានកាលពីឆ្នាំ២០១៥ ។
ភាពជាគំរូរបស់លោក Carl Sagan បានជះឥទ្ធិពលដល់អ្នកវិទ្យាសាស្ត្រជំនាន់ក្រោយផងដែរ ជាពិសេសលោក Neil deGrasse Tyson និង Bill Nye ហើយ យក់ ម៉េងឡុង ក៏មានក្តីស្រមៃចង់ក្លាយជាតារាវិទូផងដែរ៕
Tag:
ការអាន
យក់ ម៉េងឡុង
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
1 សប្តាហ៍
