ពីនេះ ពីនោះ
ត្រូវរើផ្សារសហគមន៍នៅអែបថ្នល់ជាតិ មុនសោកនាដកម្មកើតឡើង
×
ដោយមិននិយាយពីផ្សារទំនើប និងផ្សារបុរាណនៅក្នុងទីក្រុង និងនៅទីប្រជុំជនធំៗ ផ្សារសហគមន៍ ឬ«ផ្សារក្រមួន»ដែលមានទីតាំងនៅអែបផ្លូវថ្នល់ជាតិ អាចក្លាយជាទីតាំងនៃសោកនាដកម្ម។ ហើយវាក៏ជាភយន្តរាយដែលគេមិនអាចគណនាបានឡើយ ប្រសិនបើរថយន្តតូច ឬធំដែលកំពុងបោះពួយលឿនជាងព្រួញ សម្រុកចូលក្នុងផ្សារនេះ។
យើងមិនបន់ស្រន់ឲ្យកើតមានហេតុការណ៍អាក្រក់យ៉ាងដូច្នេះឡើយ ប៉ុន្តែមនុស្សគ្រប់គ្នាក៏ធ្លាប់ឃើញ ធ្លាប់ឮ ឧប្បតិ្តហេតុនៃការរេចង្កូតរថយន្ត ដាច់ហ្វ្រាំង បែកកង់រថយន្តនៅពេលរថយន្តកកំពុងបោះពួយនោះដែរ។ ចុះបើរេចង្កូតរថយន្ត ដាច់ហ្វ្រាំង បែកកង់រថយន្ត នៅពេលរថយន្តមកដល់ចំនុចផ្សារក្រមួន ឬផ្សារសហគមន៍នៅតាមដងផ្លូវជាតិ តើគេអាចស្រមៃឃើញពីសោកនាដកម្មដែលកើតឡើងដែរទេ?
នៅលើគ្រប់ផ្លូវជាតិ និងផ្លូវខេត្ត នៅក្នុងប្រទេសកម្ពុជា មានផ្សារប្រភេទនេះច្រើនណាស់។ អាជ្ញាធរខេត្ត និងស្រុក គួររកផ្លាស់ទីផ្សារទាំងនេះ ទៅកន្លែងដែលមានសុវត្ថិភាពនៅក្នុងសហគមន៍ មុននឹងសោកនាដកម្មកើតឡើង៕
© រក្សាសិទ្ធិដោយ thmeythmey.com