បទយកការណ៍ / បទសម្ភាសន៍
×![]()
ភ្នំពេញ៖ និស្សិតនៃវិទ្យាស្ថានបច្ចេកវិទ្យាកម្ពុជាមួយក្រុមដែលមានគ្នា៧នាក់បានបង្កើតស្នាដៃរួមគ្នាមួយហៅថា «Smart Home» ឬហៅជាភាសាខ្មែរថា «ផ្ទះឆ្លាត» ដែលគេអាចបញ្ជាឲ្យបិទ ឫបើកអំពូលភ្លើង ម៉ាស៊ីនត្រជាក់ និងឧបករណ៍អេឡិចត្រូនិចផ្សេងទៀត តាមទូរសព្ទស្មាតហ្វូន។ និស្សិត អ៊ឹម ដារ៉ូ ប្រធានក្រុមបានប្រាប់ថា Smart Home គឺជាបច្ចេកវិទ្យាមួយ ដែលគេគ្រាន់តែនិយាយជាភាសាអង់គ្លេសថា Turn on តាមទូរសព្ទស្មាតហ្វូននោះអំពូលភ្លើងនឹងបើក ឫTurn off នោះអំពូលភ្លើងនឹងបិទ។ ក្រុមអ្នកស្រាវជ្រាវវ័យក្មេងទាំងនេះ មានមហិច្ឆតានាំយកស្នាដៃមួយនេះទៅចូលរួមការប្រកួតប្រជែងនានា និង ចង់ឲ្យវាត្រូវបានគេប្រើប្រាស់ក្នុងគេហដ្ឋាន អគារ ដើម្បីជួយអភិវឌ្ឍន៍វិស័យបច្ចេកវិទ្យានៅកម្ពុជា។
ក្នុងបន្ទប់ពិសោធន៍តូចល្មមមួយដែលផ្ទុកទៅដោយកុំព្យូទ័រ និង ឧបករណ៍ពិសោធន៍ផ្សេងៗ ស្ថិតក្នុងបរិវេណវិទ្យាស្ថានបច្ចេកវិទ្យាកម្ពុជា ដែលគេស្គាល់ថា ជាសាលាតិចណូ ក្រុមនិស្សិតប្រុសៗមួយក្រុមមានគ្នាចំនួន៧នាក់កំពុងពិនិត្យមើលផ្ទះគំរូមួយដែលបំពាក់ដោយអំពូលភ្លើងជាច្រើនគ្រាប់នៅខាងក្នុងផ្ទះ នៅសួនច្បារ និងនៅតាមរបងនៃផ្ទះគំរូនេះ។
និស្សិត អ៊ឹម ដារ៉ូ ជាប្រធានក្រុមស្រាវជ្រាវកំពុងនិយាយដាក់ទូរសព្ទស្មាតហ្វូនមួយគ្រឿង ដោយភ្នែករបស់លោកសំឡឹងមើលផ្ទះគំរូមួយនេះ។ ដារ៉ូ កំពុងសាកល្បងស្នាដៃរបស់ក្រុមរបស់ពួកគេ ដោយនិយាយបញ្ជាឲ្យអំពូលភ្លើងបិទ និងបើក នៅក្នុងផ្ទះ និងនៅក្នុងសួនច្បារ ដែលជាម៉ាកកែត នៃគម្រោងរបស់ពួកគេ។
សាកល្បងបានបន្តិច ដារ៉ូ ក៏ងាកមកពន្យល់ប្រាប់យ៉ាងដូច្នេះ៖«នេះគឺជាបច្ចេកវិទ្យាSmart Home ដែលជាស្នាដៃច្នៃប្រឌិតថ្មីរបស់ក្រុមរបស់ខ្ញុំ។ ក្រុមរបស់ខ្ញុំបានបង្កើតបច្ចេកវិទ្យា Smart Home ដែលមានសមត្ថភាពបញ្ជាឲ្យបើក ឬបិទអំពូលភ្លើង ម៉ាស៊ីនត្រជាក់ ទ្វារអេឡិចត្រូនិច និងឧបករអេឡិចត្រូនិចផ្សេងទៀតនៅក្នុងផ្ទះ ដោយគ្រាន់តែបញ្ជាដោយសំឡេងតាមទូរសព្ទស្មាតហ្វូនណាមួយ។ យើងអាចបញ្ជាបិទបើកអំពូលភ្លើងទាំងអស់ក៏បាន ឬតាមកន្លែងនីមួយៗក៏បានដែរ»។
តាមពិត វាមានប្រព័ន្ធនៃការបញ្ជាចំនួន២ប្រភេទ។ គឺការបញ្ជាដោយសំឡេង និងការបញ្ជាដោយចុចប៊ូតុងតាមទូរសព្ទ។ មិនថាត្រូវប្រើប្រព័ន្ធបញ្ជាមួយណានោះឡើយ បើតាមការការពន្យល់របស់ ប្រធានក្រុម អ៊ឹម ដារ៉ូ គេត្រូវ មានបន្ទះChip តូចមួយនៅក្នុងផ្ទះ ដែលមានមុខងារទទួលការបញ្ជាពីទូរសព្ទស្មាតហ្វូនមួយដែលមានភ្ជាប់កម្មវិធីបច្ចេកវិទ្យាSmart Home ហើយបន្ទះChipនឹងធ្វើការបញ្ជាទៅអំពូលភ្លើង មាស៊ីនត្រជាក់ ឫសម្ភារអគ្គិសនីផ្សេងៗដែលភ្ជាប់ទៅនឹងបន្ទះChipនេះ។ ប៉ុន្តែជាជំហានដំបូង បច្ចេកវិទ្យាមួយនេះអាចបញ្ជាបានត្រឹមតែចម្ងាយ២០ម៉ែត្រពីបន្ទះChipដែលមានភ្ជាប់ប្រព័ន្ធបច្ចេកវិទ្យាSmart Home ប៉ុណ្ណោះ។
ដោយមានចិត្តចង់ធ្វើបានដូចបណ្តាប្រទេសជឿនលឿននៅលើសកលលោក និស្សិតទាំងនេះបានខិតខំយ៉ាងខ្លាំង ដើម្បីបង្កើតឲ្យបានស្នាដៃដែលកើតចេញពីគំនិតច្នៃប្រឌិតរបស់កូនខ្មែរដែលបង្ហាញថាខ្មែរក៏អាចធ្វើបានដែ។ និស្សិត អ៊ឹម ដារ៉ូ មានប្រសាសន៍ថា៖«ពួកខ្ញុំចង់ឃើញប្រទេសកម្ពុជាមានអ្នកស្រាវជ្រាវបង្កើតស្នាដៃថ្មីៗដូចនៅអឺរ៉ុប សហរដ្ឋអាមេរិកជាដើម ដើម្បីឲ្យប្រទេសរបស់យើងមានបច្ចេកវិទ្យាទំនើបដូចប្រទេសគេដែរ»។ សួរថាវាលំបាកទេ ដើម្បីបង្កើតស្នាដៃនេះឡើង? ដារ៉ូ ឆ្លើយថា៖«វាមានការលំបាកខ្លះដែរ តែពួកយើងចង់ធ្វើវា»។
ដើម្បីធ្វើការងារទាំងនេះ ក្រុមនិស្សិតផ្នែកអេឡិចត្រូនិកដែលមានកាលវិភាគសិក្សាពេញម៉ោងស្ទើររៀងរាល់ថ្ងៃនោះ មានតែឆ្លៀតពេល រួមទាំងថ្ងៃចុងសប្តាហ៍ ដើម្បីចូលក្នុងបន្ទប់ពិសោធន៍ដើម្បីបន្តការស្រាវជ្រាវគម្រោងមួយនេះ។ ត្រឹមតែពីរខែប៉ុណ្ណោះ ការខិតខំប្រឹងប្រែងរបស់ពួកគេបានផ្តល់ផ្លែផ្កា ដោយបានប្រើថវិការបស់សាលាចំនួន១០០ដុល្លារប៉ុណ្ណោះ ដើម្បីបង្កើតគម្រោងSmart Homeនេះ។
ចំពោះគម្រោងទៅអនាគត អ្នកច្នៃប្រឌិតទាំង៧រូបនេះមានមហិច្ឆតាចង់ចូលរួមការប្រកួតប្រជែងស្នាដៃនានាមិនត្រឹមថ្នាក់ជាតិ តែថ្នាក់អន្តរជាតិទៀតផងដែរ។ ដា រ៉ូ បានរម្លឹកថា ក្រុមរបស់ពួកគេធ្លាប់បានទទួលរង្វាន់ថ្នាក់លេខ៣ ជាមួយនឹងគម្រោងមួយនេះ។ តែថាវាជាការប្រកួតប្រជែងក្នុងក្របខណ្ឌនៃសាលារៀនរបស់ពួកគេប៉ុណ្ណោះ ដែលវាមិនទាន់ធ្វើឲ្យពួកគេស្ងប់ចិត្តនៅឡើយ។ ក្រុមយុវជនអ្នកច្នៃប្រឌិត ចង់ឃើញការប្រកួតថ្នាក់ជាតិ ដើម្បីជំរុញយុវជនខ្មែរទូទៅអាចបង្កើតថ្មី និងរកឃើញថាការច្នៃប្រឌិតថ្មីសម្រាប់កម្ពុជា។ ត្រង់ចំណុចនេះ ដារ៉ូ បង្ហាញគំនិតវិជ្ជមានមួយថា៖«រាល់ស្នាដៃដែលពួកយើងបង្កើតទាំងអស់ គឺពួកយើងចង់ឲ្យវាអាចទៅជាផលិតផលពិតៗអាចប្រើប្រាស់បាន។ ពួកយើងមិនមែនបង្កើតវាឡើងគ្រាន់តែដើម្បីបង្អួត ឬកម្សាន្តនោះទេ»។ ប៉ុន្តែសម្រាប់និស្សិត អ៊ឹម ដារ៉ូ គឺដើមទុន ឬហិរញ្ញវត្ថុដែលជាបញ្ហា។ ទោះយ៉ាងណាក៏ដោយ ពួកគេនឹងមិនទម្លាក់ដៃពីការស្រាវជ្រាវ និងបង្កើតគំនិតច្នៃប្រឌិតថ្មីៗទៀតឡើយ។
ម្ចាស់ស្នាដៃទាំង៧រូបនេះរួមមាន៖ ១. អ៊ឹម ដារ៉ូ ២. ម៉ី ចំរើន ៣. ពេញ សុហៃ ៤. ឃាង សុធា ៥. សាម៉ន បញ្ញា ៦. ឡោ ពុយ ៧. សន លីមីត ជានិស្សិតរៀនជំនាញអេឡិចត្រូនិច ស្វ័យប្រវត្តិកម្មនិង ទូរគមនាគមន៍នៃវិទ្យាស្ថានបច្ចេកវិទ្យាកម្ពុជា៕
ក្នុងបន្ទប់ពិសោធន៍តូចល្មមមួយដែលផ្ទុកទៅដោយកុំព្យូទ័រ និង ឧបករណ៍ពិសោធន៍ផ្សេងៗ ស្ថិតក្នុងបរិវេណវិទ្យាស្ថានបច្ចេកវិទ្យាកម្ពុជា ដែលគេស្គាល់ថា ជាសាលាតិចណូ ក្រុមនិស្សិតប្រុសៗមួយក្រុមមានគ្នាចំនួន៧នាក់កំពុងពិនិត្យមើលផ្ទះគំរូមួយដែលបំពាក់ដោយអំពូលភ្លើងជាច្រើនគ្រាប់នៅខាងក្នុងផ្ទះ នៅសួនច្បារ និងនៅតាមរបងនៃផ្ទះគំរូនេះ។
និស្សិត អ៊ឹម ដារ៉ូ ជាប្រធានក្រុមស្រាវជ្រាវកំពុងនិយាយដាក់ទូរសព្ទស្មាតហ្វូនមួយគ្រឿង ដោយភ្នែករបស់លោកសំឡឹងមើលផ្ទះគំរូមួយនេះ។ ដារ៉ូ កំពុងសាកល្បងស្នាដៃរបស់ក្រុមរបស់ពួកគេ ដោយនិយាយបញ្ជាឲ្យអំពូលភ្លើងបិទ និងបើក នៅក្នុងផ្ទះ និងនៅក្នុងសួនច្បារ ដែលជាម៉ាកកែត នៃគម្រោងរបស់ពួកគេ។
សាកល្បងបានបន្តិច ដារ៉ូ ក៏ងាកមកពន្យល់ប្រាប់យ៉ាងដូច្នេះ៖«នេះគឺជាបច្ចេកវិទ្យាSmart Home ដែលជាស្នាដៃច្នៃប្រឌិតថ្មីរបស់ក្រុមរបស់ខ្ញុំ។ ក្រុមរបស់ខ្ញុំបានបង្កើតបច្ចេកវិទ្យា Smart Home ដែលមានសមត្ថភាពបញ្ជាឲ្យបើក ឬបិទអំពូលភ្លើង ម៉ាស៊ីនត្រជាក់ ទ្វារអេឡិចត្រូនិច និងឧបករអេឡិចត្រូនិចផ្សេងទៀតនៅក្នុងផ្ទះ ដោយគ្រាន់តែបញ្ជាដោយសំឡេងតាមទូរសព្ទស្មាតហ្វូនណាមួយ។ យើងអាចបញ្ជាបិទបើកអំពូលភ្លើងទាំងអស់ក៏បាន ឬតាមកន្លែងនីមួយៗក៏បានដែរ»។
តាមពិត វាមានប្រព័ន្ធនៃការបញ្ជាចំនួន២ប្រភេទ។ គឺការបញ្ជាដោយសំឡេង និងការបញ្ជាដោយចុចប៊ូតុងតាមទូរសព្ទ។ មិនថាត្រូវប្រើប្រព័ន្ធបញ្ជាមួយណានោះឡើយ បើតាមការការពន្យល់របស់ ប្រធានក្រុម អ៊ឹម ដារ៉ូ គេត្រូវ មានបន្ទះChip តូចមួយនៅក្នុងផ្ទះ ដែលមានមុខងារទទួលការបញ្ជាពីទូរសព្ទស្មាតហ្វូនមួយដែលមានភ្ជាប់កម្មវិធីបច្ចេកវិទ្យាSmart Home ហើយបន្ទះChipនឹងធ្វើការបញ្ជាទៅអំពូលភ្លើង មាស៊ីនត្រជាក់ ឫសម្ភារអគ្គិសនីផ្សេងៗដែលភ្ជាប់ទៅនឹងបន្ទះChipនេះ។ ប៉ុន្តែជាជំហានដំបូង បច្ចេកវិទ្យាមួយនេះអាចបញ្ជាបានត្រឹមតែចម្ងាយ២០ម៉ែត្រពីបន្ទះChipដែលមានភ្ជាប់ប្រព័ន្ធបច្ចេកវិទ្យាSmart Home ប៉ុណ្ណោះ។
ដោយមានចិត្តចង់ធ្វើបានដូចបណ្តាប្រទេសជឿនលឿននៅលើសកលលោក និស្សិតទាំងនេះបានខិតខំយ៉ាងខ្លាំង ដើម្បីបង្កើតឲ្យបានស្នាដៃដែលកើតចេញពីគំនិតច្នៃប្រឌិតរបស់កូនខ្មែរដែលបង្ហាញថាខ្មែរក៏អាចធ្វើបានដែ។ និស្សិត អ៊ឹម ដារ៉ូ មានប្រសាសន៍ថា៖«ពួកខ្ញុំចង់ឃើញប្រទេសកម្ពុជាមានអ្នកស្រាវជ្រាវបង្កើតស្នាដៃថ្មីៗដូចនៅអឺរ៉ុប សហរដ្ឋអាមេរិកជាដើម ដើម្បីឲ្យប្រទេសរបស់យើងមានបច្ចេកវិទ្យាទំនើបដូចប្រទេសគេដែរ»។ សួរថាវាលំបាកទេ ដើម្បីបង្កើតស្នាដៃនេះឡើង? ដារ៉ូ ឆ្លើយថា៖«វាមានការលំបាកខ្លះដែរ តែពួកយើងចង់ធ្វើវា»។
ដើម្បីធ្វើការងារទាំងនេះ ក្រុមនិស្សិតផ្នែកអេឡិចត្រូនិកដែលមានកាលវិភាគសិក្សាពេញម៉ោងស្ទើររៀងរាល់ថ្ងៃនោះ មានតែឆ្លៀតពេល រួមទាំងថ្ងៃចុងសប្តាហ៍ ដើម្បីចូលក្នុងបន្ទប់ពិសោធន៍ដើម្បីបន្តការស្រាវជ្រាវគម្រោងមួយនេះ។ ត្រឹមតែពីរខែប៉ុណ្ណោះ ការខិតខំប្រឹងប្រែងរបស់ពួកគេបានផ្តល់ផ្លែផ្កា ដោយបានប្រើថវិការបស់សាលាចំនួន១០០ដុល្លារប៉ុណ្ណោះ ដើម្បីបង្កើតគម្រោងSmart Homeនេះ។
ចំពោះគម្រោងទៅអនាគត អ្នកច្នៃប្រឌិតទាំង៧រូបនេះមានមហិច្ឆតាចង់ចូលរួមការប្រកួតប្រជែងស្នាដៃនានាមិនត្រឹមថ្នាក់ជាតិ តែថ្នាក់អន្តរជាតិទៀតផងដែរ។ ដា រ៉ូ បានរម្លឹកថា ក្រុមរបស់ពួកគេធ្លាប់បានទទួលរង្វាន់ថ្នាក់លេខ៣ ជាមួយនឹងគម្រោងមួយនេះ។ តែថាវាជាការប្រកួតប្រជែងក្នុងក្របខណ្ឌនៃសាលារៀនរបស់ពួកគេប៉ុណ្ណោះ ដែលវាមិនទាន់ធ្វើឲ្យពួកគេស្ងប់ចិត្តនៅឡើយ។ ក្រុមយុវជនអ្នកច្នៃប្រឌិត ចង់ឃើញការប្រកួតថ្នាក់ជាតិ ដើម្បីជំរុញយុវជនខ្មែរទូទៅអាចបង្កើតថ្មី និងរកឃើញថាការច្នៃប្រឌិតថ្មីសម្រាប់កម្ពុជា។ ត្រង់ចំណុចនេះ ដារ៉ូ បង្ហាញគំនិតវិជ្ជមានមួយថា៖«រាល់ស្នាដៃដែលពួកយើងបង្កើតទាំងអស់ គឺពួកយើងចង់ឲ្យវាអាចទៅជាផលិតផលពិតៗអាចប្រើប្រាស់បាន។ ពួកយើងមិនមែនបង្កើតវាឡើងគ្រាន់តែដើម្បីបង្អួត ឬកម្សាន្តនោះទេ»។ ប៉ុន្តែសម្រាប់និស្សិត អ៊ឹម ដារ៉ូ គឺដើមទុន ឬហិរញ្ញវត្ថុដែលជាបញ្ហា។ ទោះយ៉ាងណាក៏ដោយ ពួកគេនឹងមិនទម្លាក់ដៃពីការស្រាវជ្រាវ និងបង្កើតគំនិតច្នៃប្រឌិតថ្មីៗទៀតឡើយ។
ម្ចាស់ស្នាដៃទាំង៧រូបនេះរួមមាន៖ ១. អ៊ឹម ដារ៉ូ ២. ម៉ី ចំរើន ៣. ពេញ សុហៃ ៤. ឃាង សុធា ៥. សាម៉ន បញ្ញា ៦. ឡោ ពុយ ៧. សន លីមីត ជានិស្សិតរៀនជំនាញអេឡិចត្រូនិច ស្វ័យប្រវត្តិកម្មនិង ទូរគមនាគមន៍នៃវិទ្យាស្ថានបច្ចេកវិទ្យាកម្ពុជា៕
Tag:
បច្ចេកវិទ្យា
© រក្សាសិទ្ធិដោយ thmeythmey.com
