កីឡាជាតិ
ជាតិ
ដៃ របស់កីឡាករ កែវ រំចង់ ធូរស្បើយបន្តិចហើយ
×
លោក កែវ សំអាង ជាឪពុកបង្កើត និងជាគ្រូបង្វឹករបស់កីឡាករ កែវ រំចង់ បានបញ្ជាក់ថា ដៃរបស់កីឡាករ កែវ រំចង់ មកទល់ពេលនេះមានភាពធូរស្បើយបន្តិចហើយ បន្ទាប់ពីសម្រាកព្យាបាលអស់រយៈពេលជាច្រើនថ្ងៃមកនេះ។
បន្ទាប់ពីសម្រាកព្យាបាលអស់រយៈពេលជាច្រើនថ្ងៃកន្លងមកនេះ ដៃរបស់កីឡាករ កែវ រំចង់ ដែលរងរបួស បន្ទាប់ពីរូបគេប្រើកែងបកទៅលើកញ្ចឹងកនាជំនួបជាមួយកីឡាករជើងខ្លាំងថៃ Iquezang នាការប្រកួត Thai Fight ប្រទេសថៃ កាលពីថ្ងៃទី៣១ ខែឆ្នូ ឆ្នាំ២០១៥ កន្លងទៅនេះ។ ប៉ុន្តែរូបគេមិនទាន់អាចចូលហាត់បានទេ ព្រោះដៃរបស់គេនៅមានអាការឈឺតិចៗ ប្រហែលជារយៈពេល ២-៣ ថ្ងៃទៀតទើបរូបគេនឹងអាចចូលហាត់ធម្មតាវិញហើយ។ នេះបើតាមការបញ្ជាក់របស់លោក កែវ សំអាង។
លោក កែវ សំអាង បានបន្ថែមទៀតថា ដោយសារតែមានរបួសដៃ បានធ្វើឱ្យកីឡាករ កែវ រំចង់ ខកខានការប្រកួតលក្ខណៈមិត្តភាព Thai Fight នៅប្រទេសមីយ៉ាន់ម៉ា នាថ្ងៃទី៣១ ខែមករា ឆ្នាំ២០១៦ ខាងមុខនេះ។ ទន្ទឹមនឹងនេះ កីឡាករ កែវ រំចង់ នឹងចូលរួមប្រកួតលក្ខណៈមិត្តភាពអន្តរជាតិ លើសង្វៀនអប្សរា នាថ្ងៃទី១០ ខែកុម្ភៈ នៅខេត្តព្រះសីហនុខាងមុខនេះ៕
© រក្សាសិទ្ធិដោយ thmeythmey.com