ជាតិ
ព្រះហរិហរៈលេចរូបរាងដើមវិញ ក្រោយឃ្លាតដងខ្លួន និងព្រះកេសជាង១៣០ឆ្នាំ
×![]()
ដោយ: ធឿន បញ្ញាឬទិ្ធ
នៅព្រឹកថ្ងៃទី២១ ខែមករានេះ កម្ពុជាបានរៀបចំពិធីតភ្ជាប់ព្រះកេសជាមួយដងខ្លួនបដិមាព្រះហរិហរៈភ្នំដាវិញ ក្រោយពីបានឃ្លាតគ្នាជាង១៣០ឆ្នាំមក។ លោក សុខ អាន រដ្ឋមន្ត្រីទទួលបន្ទុកទីស្ដីការគណៈរដ្ឋមន្ត្រី បានមានប្រសាសន៍ថា ការទទួលបានព្រះហរិហរៈតភ្ជាប់ដងខ្លួនពេលនេះ គឺជាប្រផ្នូលល្អ នាំមកនូវសុខដុមរមនានៅឆ្នាំ២០១៦នេះ។
ថ្លែងនៅក្នុងពិធីតភ្ជាប់រូបរាងដើមព្រះហរិហរៈ លោក សុខ អាន រដ្ឋមន្ត្រីទទួលបន្ទុកទីស្ដីការគណៈរដ្ឋមន្ត្រីបានបញ្ជាក់ថា រូបបដិមាព្រះហរិហរៈដែលបានលេចចេញជារូបរាងដើមនេះ គឺបង្ហាញពីនិមិត្តរូបដ៏ល្អប្រពៃ នៃការជួបជុំគ្នា ការរួបរួម ភាពចំរុងចម្រើន សុខដុមរមនា និងភាពរឹងមាំនៃព្រលឹងជាតិខ្មែរ។ លោកថា នេះក៏ជាប្រផ្នូលដ៏ល្អ ដែលនាំមកនូវវិបុលភាព និងសមិទ្ធផលថ្មីសម្រាប់ប្រជាជាតិកម្ពុជា ដែលជាជោគជ័យបន្ថែមទៀមក្នុងការការពារសម្បត្តិបេតិកភណ្ឌវប្បធម៌ជាតិ។
ថ្លែងនៅក្នុងពិធីតភ្ជាប់រូបរាងដើមព្រះហរិហរៈ លោក សុខ អាន រដ្ឋមន្ត្រីទទួលបន្ទុកទីស្ដីការគណៈរដ្ឋមន្ត្រីបានបញ្ជាក់ថា រូបបដិមាព្រះហរិហរៈដែលបានលេចចេញជារូបរាងដើមនេះ គឺបង្ហាញពីនិមិត្តរូបដ៏ល្អប្រពៃ នៃការជួបជុំគ្នា ការរួបរួម ភាពចំរុងចម្រើន សុខដុមរមនា និងភាពរឹងមាំនៃព្រលឹងជាតិខ្មែរ។ លោកថា នេះក៏ជាប្រផ្នូលដ៏ល្អ ដែលនាំមកនូវវិបុលភាព និងសមិទ្ធផលថ្មីសម្រាប់ប្រជាជាតិកម្ពុជា ដែលជាជោគជ័យបន្ថែមទៀមក្នុងការការពារសម្បត្តិបេតិកភណ្ឌវប្បធម៌ជាតិ។
លោក Pierre Baptiste តំណាងឲ្យសារមន្ទីជាតិនៃសិល្បៈអាស៊ីហ្គីមេប្រទេសបារាំង ដែលបានប្រគល់ព្រះកេសព្រះហរិហរៈមកកម្ពុជានោះ បានបញ្ជាក់ថា ការលេចរូបរាងដើមបដិមាព្រះហរិហរៈវិញនេះ គឺជាកាយវិការនៃការស្ថាបនាឡើងវិញ ពោរពេញដោយអត្ថន័យមួយរបស់ប្រទេសកម្ពុជា។គួរបញ្ជាក់ថា ព្រះកេសព្រះហរិហរៈនេះត្រូវបាននាំយកទៅប្រទេសបារាំង ចន្លោះឆ្នាំ១៨៣២-១៨៣៣ តាមរយៈបេសកម្មរបស់លោក Aymonier។
កាលពីឆ្នាំ២០១៤កន្លងមក កម្ពុជាក៏ទទួលបានជោគជ័យជាច្រើនដែរ ក្នុងការពារបេតិកភណ្ឌវប្បធម៌នេះ ដែលបាននាំរូបបដិមាដែលបានបាត់បង់កាលពីអំឡុងសម័យសង្គ្រាម វិលមកប្រទេសកម្ពុជាវិញដែរ ក្នុងនោះរួមមានរូបបដិមា ទុរយោធន៍ រូបភីម រូបពលរាម និងរូបផ្សេងទៀត ដែលមានចំនួនប្រមាណជា៦រូប។
ក្រៅពីរៀបចំពិធីតភ្ជាប់ព្រះសិរជាមួយដងខ្លួនព្រះហរិហរៈភ្នំដានេះ តំណាងអង្គការយូណេស្កូ (UNESCO) ក៏បានប្រគល់វិញ្ញាបនបត្រទទួលស្គាល់ការចុះបញ្ចូល «ល្បែងទាញព្រ័ត្រ» ក្នុងបញ្ជីនៃបេតិកភណ្ឌវប្បធម៌អរូបីនៃមនុស្សជាតិដល់កម្ពុជាដែរ។ គួរបញ្ជាក់ថា តាំងពីឆ្នាំ២០១៣មកមានប្រទេសចំនួន៤ គឺកម្ពុជា សាធារណរដ្ឋកូរ៉េ វៀតណាម និងហ្វីលីពីន ដែលមានល្បែងទាញព្រ័ត្រនេះ បានផ្ដួចផ្ដើមក្នុងការស្នើចុះបញ្ចូល«ល្បែងទាញព្រ័ត្រ» ក្នុងបញ្ជីនៃបេតិកភណ្ឌវប្បធម៌អរូបីនៃមនុស្សជាតិនេះ៕
Tag:
ព្រះហរិហរៈ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
1 សប្តាហ៍
