ជាតិ
នយោបាយជាតិ
ចំនួន«Like»របស់ឯកឧត្តម សម រង្ស៊ី និងសម្តេច ហ៊ុន សែន កាន់តែប្រកៀកគ្នា
× ភ្នំពេញ៖ ចាប់តាំងពីការបោះឆ្នោតឆ្នាំ១៩៩៣ មកដល់ឆ្នាំ២០០៨ អ្នកនយោបាយនៅក្នុងប្រទេសកម្ពុជាតែងតែប្រើប្រាស់សារព័ត៌មានសន្លឹក វិទ្យុរ ទស្សនាវដ្តី ទូរទស្សន៍ ដើម្បីផ្សព្វផ្សាយគោលនយោបាយ ឬមនោគមន៍វិជ្ជានៃគណបក្សរៀងៗខ្លួន។ ប៉ុន្តែ ចាប់ពីឆ្នាំ២០១៣មក អ្នកនយោបាយខ្មែរហាក់បីដូចជាមានអារម្មណ៍ប្រើប្រាស់បណ្តាញសង្គមច្រើនដើម្បីបង្ហាញពីគោលនយោបាយរបស់ខ្លួន និងដើម្បីទាក់ទាញទឹកចិត្តអ្នកគាំទ្រ។
នៅក្នុងប្រទេសកម្ពុជា អ្នកនយោនបាយជាន់ខ្ពស់ពីររូប គឺឯកឧត្តម សម រង្ស៊ី ប្រធានគណបក្សសង្គ្រោះជាតិ និងសម្តេច ហ៊ុន សែន ប្រធានគណបក្សប្រជាជនកម្ពុជា និងជានាយករដ្ឋមន្ត្រីនៃប្រទេសកម្ពុជាមានចំនួនអ្នក«Like»ច្រើនជាងគេ។
កាលពីដំបូងឡើយ ឯកឧត្តម សម រង្ស៊ី ទទួលបានចំនួនអ្នកគាំទ្រ«Like»ច្រើនជាងសម្តេច ហ៊ុន សែន ឆ្ងាយណាស់។ ប៉ុន្តែ នៅថ្ងៃទី២៣ខែមករាឆ្នាំ២០១៦នេះ ចំនួនអ្នក«Like»នៃថ្នាក់ដឹកនាំទាំងពីរកាន់តែប្រកិតប្រកៀកគ្នា។ គិតត្រឹមថ្ងៃសៅរ៍ទី២៣ខែមករាឆ្នាំ២០១៦ម៉ោង១០ និង៥៨នាទីព្រឹកនេះ អ្នកគាំទ្រឯកឧត្តម សម រង្ស៊ី មានចំនួន២,០៥៥,៤៦៤ «Like» រីឯ សម្តេច ហ៊ុន សែន មានចំនួន១,៩៦៨,៩៦៤«Like» ពោលគឺខុសគ្នាតែ៨៦៥០០«Like»ប៉ុណ្ណោះ។
អ្នកវិភាគសង្គមយល់ឃើញថា បណ្តាញសង្គមហ្វេសប៊ុកនឹងក្លាយទៅជាវេទិកាបញ្ចេញមតិដ៏ក្តៅគគុកសម្រាប់ការបោះឆ្នោតឃុំសង្កាត់ឆ្នាំ២០១៧ និងការបោះឆ្នោតជាតិឆ្នាំ២០១៨ ។ ហើយព្រមពេលជាមួយគ្នា ហ្វេសប៊ុក ក៏ក្លាយទៅជាទីលានដែលអ្នកនយោបាយអាចទាញប្រជាប្រិយភាពបានផងដែរ។ នៅឆ្នាំ២០១៧ និង២០១៨ តើគណបក្សនយោបាយណាខ្លះអាចកេងចំណេញនយោបាយបានច្រើនជាងគេពីហ្វេសប៊ុក?
នេះគឺជាសំណួរដែលមានតែអ្នកនយោបាយខ្លួនឯងទេដែលអាចផ្តល់ចម្លើយបាន ពីព្រោះ កេងចំណេញបានច្រើន ឬក៏តិច អាស្រ័យទៅលើលទ្ធភាព សមត្ថភាព និងភាពប៉ិនប្រសប់នៃអ្នកនយោបាយម្នាក់ៗ៕
Tag:
សម្តេច ហ៊ុន សែន
ឯកឧត្តម សម រង្ស៊ីុំ
facebook
© រក្សាសិទ្ធិដោយ thmeythmey.com