ជាតិ
សង្គមជាតិ
រូបភាព៖ facebook (Long Dimanche)
×![]()
ដោយ: លីម តុលា
ភ្នំពេញ៖ អ្នកពិសាគ្រឿងស្រវឹងហួសកំណត់នឹងត្រូវពិន័យនៅយប់នេះ។ ការពិសាគ្រឿងស្រវឹងហួសកំណត់ ត្រូវបានគេវាយតម្លៃថា វាបង្កឲ្យមានគ្រោះថ្នាក់ចរាចរណ៍។ ក្នុងមួយថ្ងៃៗ មានមនុស្សស្លាប់៦នាក់ និងរបួសជាង២០នាក់ដោយសារគ្រោះថ្នាក់ចរាចរណ៍។ 
លោក ឡុង ឌីម៉ង់ អ្នកនាំពាក្យសាលារាជធានីភ្នំពេញបានឲ្យដឹងនៅលើទំព័រហ្វេសប៊ុករបស់លោកនៅថ្ងៃសៅរ៍នេះថា ចាប់ពីយប់នេះ ពោល គឺចាប់ពីវេលាម៉ោង១១យប់តទៅ កម្លាំងស្នងការដ្ឋាននគរបាលរាជធានីភ្នំពេញ នឹងចុះត្រួតពិនិត្យអ្នកបើកបរដែលមានសារធាតុញៀន និងគ្រឿងស្រវឹងនៅតាមគ្រប់បណ្តាខណ្ឌទាំងអស់នៅក្នុងរាជធានីភ្នំពេញ។
អ្នកនាំពាក្យរូបនេះបានបញ្ជាក់ទៀតថាដោយផ្ទុកជាតិអាកុលចាប់ពី០,៤០មីលីក្រាមក្នុង១លីត្រខ្យល់ឡើងទៅ អ្នកបើកបរត្រូវផ្តន្ទាទោសដាក់ពន្ធនាគារពី១ខែដល់៦ខែនិងពិន័យជាប្រាក់បន្ថែមទៀត។ការរឹតបន្តឹងចំពោះអ្នកបើកបរផ្ទុកគ្រឿងស្រវឹងនេះបានធ្វើឡើងស្របពេលដែលចំនួនអ្នកស្លាប់ និងអ្នករងរបួសដោយសារគ្រោះថ្នាក់ចរាចរណ៍មានកម្រិតខ្ពស់។ ក្នុងមួយថ្ងៃៗ មានមនុស្សស្លាប់៦នាក់ និងរបួសជាង២០នាក់ដោយសារគ្រោះថ្នាក់ចរាចរណ៍។ ក្នុងមួយឆ្នាំៗ ប្រទេសកម្ពុជាខាតបង់ទឹកប្រាក់ជាង៣០០លានដុល្លារអាមេរិកដោយសារតែគ្រោះថ្នាក់ចរាចរណ៍។
គ្រោះថ្នាក់ចរាចរណ៍ត្រូវបានគេដឹងថា បង្កឡើងដោយកត្តាមនុស្ស និងកត្តាយានយន្ត។ ការពិសាគ្រឿងស្រវឹងហួសកំណត់ ត្រូវបានគេវាយតម្លៃថាបង្កឲ្យមានគ្រោះថ្នាក់ចរាចរណ៍យ៉ាងច្រើនផងដែរ៕
Tag:
គ្រឿងស្រវឹង
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 30 នាទី
