អន្តរជាតិ
យុវជនអូស្ត្រាលីម្នាក់ទាមទារឲ្យមានការទទួលស្គាល់ហត្ថលេខា «រូបលឹង្គ» របស់ខ្លួន
× អស់រយៈពេល៥ឆ្នាំមកហើយដែលបុរសអូស្ត្រាលី Jared Hyamsប្រឹងតស៊ូរគ្រប់បែបយ៉ាងដើម្បីឲ្យរដ្ឋបាលនៃប្រទេសរបស់ខ្លួន ទទួលហត្ថលេខារបស់គេដែលមានរាងដូចជាលឹង្គ។ នេះបើតាមការផ្សាយរបស់កាសែត Sydney Morning Herald។
ខុសពីមនុស្សទូទៅដែលនិយមចុះហត្ថលេខាជាឈ្មោះរបស់ខ្លួន បុរសវ័យក្មេងអូស្ត្រាលី បានធ្វើរឿងដ៏ប្លែកៗតាមរយៈការចុះហត្ថលេខាលើលិខិតស្នាម និងឯកសារសម្គាល់ផ្សេងៗ ដោយមានរូបរាងជាលឹង្គមនុស្ស។ រូបគេបានសម្រេចចិត្តបែបនេះ តាមរយៈការចុះហត្ថលេខាលើកាតបោះឆ្នោត ក្រោយពីបានប្តូរអាសយដ្ឋានរស់នៅកាលពី៥ឆ្នាំមុន។
«ខ្ញុំបានទទួលលិខិត និងការហៅតាមទូរសព ដែលបញ្ជាឲ្យខ្ញុំដូរហត្ថលេខា។ ប៉ុន្តែខ្ញុំមិនសុខចិត្តនោះឡើយ ដូច្នេះខ្ញុំនៅតែបន្តការតវ៉ា»។ Jared Hyamsបានថ្លែងយ៉ាងដូច្នេះទៅកាន់កាសែត Sydney Morning Herald។
Jared ដែលធ្លាប់ជានិស្សិតរៀននៅសាលាច្បាប់ផងដែរនោះ កំពុងព្យាយាមធ្វើការតវ៉ា ដើម្បីទាមទារឲ្យអាជ្ញាធរទទួលស្គាល់ហត្ថលេខារបស់ខ្លួន។ «ហេតុអ្វីបានមិនមានការគោរពសិទ្ធិរបស់ខ្ញុំយ៉ាងដូច្នេះ? ខ្ញុំត្រូវការធ្វើលិខិតឆ្លងដែន អត្តសញ្ញាណបណ្ណ និងបណ្ណបើកបរជាដើម»។ នេះជាការត្អូញត្អែរបស់ Jared៕
© រក្សាសិទ្ធិដោយ thmeythmey.com