កីឡាជាតិ
ជាតិ
Cambodia All Stars ឈ្នះ Buriram United ដោយមានអ្នកទស្សនាជាង៥ម៉ឺននាក់
× Cambodia All Stars ក្រោមការដឹកនាំរបស់លោក ប្រាក់ សុវណ្ណារ៉ា បាន ក្រុម Buriram United ដោយការស៊ុតបាល់ប៉េណាល់ទីសម្រេចក្តី ក្រោយលទ្ធផលស្មើ ២-២ ក្នុងជំនួបមិត្តភាពសប្បុរសធម៌ និងការពង្រឹងចំណងការទូតកម្ពុជា-ថៃ នាល្ងាចថ្ងៃសៅរ៍ ទី២៣ ខែមករា នេះ នៅពហុកីឡដ្ឋានជាតិ ដែលមានអ្នកទស្សនាជាង៥ម៉ឺននាក់។
Buriram United បាននាំមុខ ១-០ នៅក្នុងនាទីបន្ថែមនៃតង់ទីមួយដែលសម្រេចបានដោយប្រធានក្រុម Suchao Nutnum។ ឈានដល់នាទី ទី៦៨ ប្រាក់ មុន្នីឧត្តម បានពែនបញ្ចូលទីតាមស្មើ ១-១ សម្រាប់ Cambodian All Stars ក្រោយការបញ្ជូនរបស់ រស់ សំអឿន។
Buriram រកបានមួយគ្រាប់ទៀតនៅក្នុងនាទី ទី៨២ ដែលជាការស៊ុតបាល់បញ្ចូលទីរបស់ខ្សែប្រយុទ្ធប្រេស៊ីល Diogo Luis Santos។ នៅនាទី ទី៨៨ ចាន់ វឌ្ឍនាកា ដែលបានក្លាយជាប្រធានក្រុមនៅថ្ងៃប្រារព្ធខួបកំណើតអាយុ២២ឆ្នាំ បានវាយបកតាមស្មើ ២-២ សម្រាប់ Cambodian All Stars វិញ។
ឈានដល់ការស៊ុតបាល់ប៉េណាល់ទី សេរីរ័ត្ន បានសង្គ្រោះការស៊ុតរបស់ Andres Tunez ខណៈ Koravit Namwuset ស៊ុតប៉ះរបាទី កីឡាករដែលធ្វើសម្រេចបានសម្រាប់កម្ពុជា មាន ចាន់ វឌ្ឍនាកា, ឃួន ឡាបូរ៉ាវី, គួច សុគម្ភៈ និងស៊ុន សុវណ្ណរិទ្ធី ខណៈ សុខ សុវណ្ណ ធ្វើមិនបានសម្រេច។ ជាលទ្ធផល កម្ពុជាឈ្នះ ៤ ទល់នឹង៣។
ជម្រើសកម្ពុជា៖ ស៊ូ យ៉ាទី (អ៊ុំ សេរីរ័ត្ន), សុខ សុវណ្ណ, ប្រាក់ មុន្នីឧត្តម (ឃួន ឡាបូរ៉ាវី), សំអឿន ពិដោរ (Samuel Gbenga), ចាន់ វឌ្ឍនាកា (ប្រធានក្រុម), សឿយ វិសាល (នេន សុធារ័ត្ន), ហូយ ផល្លីន (Yuya Wada), Booysen Shane (Esoh Omogba, ស៊ុន សុវណ្ណរិទ្ធី) , ហុង ផេង (សុក រិទ្ធី), រស់ សំអឿន (ទូច បញ្ចរ៉ុង), Fukasawa Masahiro (គួច សុគម្ភៈ)។
Tag:
បាល់ទាត់
Cambodia All Stars
© រក្សាសិទ្ធិដោយ thmeythmey.com