អន្តរជាតិ
ឥណ្ឌាជួយវៀតណាមសង់ស្ថានីយ៍ផ្ទុករូបភាពផ្កាយរណបឃ្លាំមើលតំបន់ជម្លោះជាមួយចិន
×![]()
រដ្ឋាភិបាលឥណ្ឌាបានប្រកាសថា ខ្លួននឹងជួយរដ្ឋាភិបាលក្រុងហាណូយសាងសង់មជ្ឈមណ្ឌលស្តុកទុករូបភាពដែលផ្តល់មកពីផ្កាយរណបស៊ើបការណ៍របស់ខ្លួន។ ការសង់ស្ថានីយ៍ផ្ទុករូបភាពនឹងត្រូវសង់ឡើងនៅភាគខាងត្បូង ហើយវាក៏នឹងជួយវៀតណាមត្រូតពិនិត្យមើលសកម្មភាពប្រទេសនានាក្នុងតំបន់ជាពិសេសចិន និងតំបន់ជម្លោះសមុទ្រចិនខាងត្បូង។
សូមស្ដាប់ព័ត៌មានលម្អិត៖
វៀតណាមនឹងអាចឃ្លាំមើលសកម្មភាពនានារបស់បណ្តាប្រទេសក្នុងតំបន់ ជាពិសេសតាមសកម្មភាពរបស់ក្រុងប៉េកាំងនៅតំបន់សមុទ្រចិនខាងត្បូងផង ដោយឥណ្ឌាជួយសង់មជ្ឈមណ្ឌលផ្ទុករូបភាព ដែលទាញបានពីផ្កាយរណបស៊ើបការណ៍របស់ឥណ្ឌា។ សកម្មភាពរបស់ឥណ្ឌាអាចនឹងធ្វើឲ្យចិនខឹងសម្បារដែរ ព្រោះការលូកដៃរបស់ឥណ្ឌា នឹងធ្វើឲ្យប៉ះពាល់ប្រយោជន៍របស់ចិន។ បច្ចុប្បន្នចិនកំពុងបន្តសកម្មភាពសង់កោះសិប្បនិម្មិតនៅតំបន់ជម្លោះសមុទ្រចិនខាងត្បូង ហើយចិនបន្តអះអាងថា ដែនទឹកសមុទ្រចិនខាងត្បូងស្ថិតក្នុងអធិបតេយ្យរបស់ខ្លួនប៉ុណ្ណោះ។
មន្ត្រីឥណ្ឌាទទួលបន្ទុកផ្នែកកម្មវិធីលំហរអាកាសម្នាក់មិនបានបង្ហាញអត្តសញ្ញាណបានប្រាប់ទីភ្នាក់ងារព័ត៌មាន Reuters ថា មជ្ឈមណ្ឌលដែលឥណ្ឌានឹងសង់ឲ្យវៀតណាមនេះ ជួយឲ្យវៀតណាមទទួលបានរូបភាពថតដោយផ្កាយរណបរបស់ឥណ្ឌានៅលើអាកាសដោយមិនចាប់បាច់សុំឥណ្ឌាជាមុនឡើយ ហើយផ្កាយរណបនេះអាចចាប់បានទីតាំងសំខាន់ៗជាច្រើនរួមទាំងសមុទ្រចិនខាងត្បូង។
តាមពិតទៅផ្កាយរណបរបស់ឥណ្ឌានេះមានមុខងារតាមដានបញ្ហាវិទ្យាសាស្ត្រ បរិស្ថាន និងកសិកម្ម ហើយអ្វីដែលសំខាន់ គឺវាអាចប្រមូលរបាយការណ៍ចារកម្មយោធាផងដែរ។ បច្ចុប្បន្នឥណ្ឌាមានផ្កាយរណបចំនួន១១ នៅលើអាកាស ហើយផ្កាយរណបនេះអាចផ្តិតយករូបភាពក្នុងទំហំផ្សេងៗគ្នាច្រើនផងដែរ។ វៀតណាមប្រហែលជាត្រូវចំណាយថវិកាប្រហែល ២៣ លានដុល្លារអាមេរិកសម្រាប់ការសាងសង់ស្ថានីយ៍ផ្ទុករូបភាពផ្កាយរណប។
យ៉ាងណាក៏ដោយ ក្រៅពីជជែកគ្នាលើការសាងសង់កន្លែងផ្ទុករូបភាពផ្កាយរណប រដ្ឋាភិបាលឥណ្ឌាក៏បានបើកផ្លូវឲ្យក្រុងហាណូយទិញនាវាល្បាតដើម្បីពង្រឹងសមត្ថភាពការពារដែនទឹករបស់ខ្លួនដែរ។ ហើយជាថ្នូរនឹងការទទួលបានសិទ្ធិទិញនាវាល្បាតពីឥណ្ឌា រដ្ឋាភិបាលក្រុងហាណូយសម្រេចផ្តល់សិទ្ធិឲ្យឥណ្ឌាកាន់កាប់កន្លែងអាចរុករកប្រេងនៅក្នុងតំបន់ជម្លោះជាមួយចិននៅសមុទ្រចិនខាងត្បូងផងដែរ៕
សូមស្ដាប់ព័ត៌មានលម្អិត៖
វៀតណាមនឹងអាចឃ្លាំមើលសកម្មភាពនានារបស់បណ្តាប្រទេសក្នុងតំបន់ ជាពិសេសតាមសកម្មភាពរបស់ក្រុងប៉េកាំងនៅតំបន់សមុទ្រចិនខាងត្បូងផង ដោយឥណ្ឌាជួយសង់មជ្ឈមណ្ឌលផ្ទុករូបភាព ដែលទាញបានពីផ្កាយរណបស៊ើបការណ៍របស់ឥណ្ឌា។ សកម្មភាពរបស់ឥណ្ឌាអាចនឹងធ្វើឲ្យចិនខឹងសម្បារដែរ ព្រោះការលូកដៃរបស់ឥណ្ឌា នឹងធ្វើឲ្យប៉ះពាល់ប្រយោជន៍របស់ចិន។ បច្ចុប្បន្នចិនកំពុងបន្តសកម្មភាពសង់កោះសិប្បនិម្មិតនៅតំបន់ជម្លោះសមុទ្រចិនខាងត្បូង ហើយចិនបន្តអះអាងថា ដែនទឹកសមុទ្រចិនខាងត្បូងស្ថិតក្នុងអធិបតេយ្យរបស់ខ្លួនប៉ុណ្ណោះ។
មន្ត្រីឥណ្ឌាទទួលបន្ទុកផ្នែកកម្មវិធីលំហរអាកាសម្នាក់មិនបានបង្ហាញអត្តសញ្ញាណបានប្រាប់ទីភ្នាក់ងារព័ត៌មាន Reuters ថា មជ្ឈមណ្ឌលដែលឥណ្ឌានឹងសង់ឲ្យវៀតណាមនេះ ជួយឲ្យវៀតណាមទទួលបានរូបភាពថតដោយផ្កាយរណបរបស់ឥណ្ឌានៅលើអាកាសដោយមិនចាប់បាច់សុំឥណ្ឌាជាមុនឡើយ ហើយផ្កាយរណបនេះអាចចាប់បានទីតាំងសំខាន់ៗជាច្រើនរួមទាំងសមុទ្រចិនខាងត្បូង។
តាមពិតទៅផ្កាយរណបរបស់ឥណ្ឌានេះមានមុខងារតាមដានបញ្ហាវិទ្យាសាស្ត្រ បរិស្ថាន និងកសិកម្ម ហើយអ្វីដែលសំខាន់ គឺវាអាចប្រមូលរបាយការណ៍ចារកម្មយោធាផងដែរ។ បច្ចុប្បន្នឥណ្ឌាមានផ្កាយរណបចំនួន១១ នៅលើអាកាស ហើយផ្កាយរណបនេះអាចផ្តិតយករូបភាពក្នុងទំហំផ្សេងៗគ្នាច្រើនផងដែរ។ វៀតណាមប្រហែលជាត្រូវចំណាយថវិកាប្រហែល ២៣ លានដុល្លារអាមេរិកសម្រាប់ការសាងសង់ស្ថានីយ៍ផ្ទុករូបភាពផ្កាយរណប។
យ៉ាងណាក៏ដោយ ក្រៅពីជជែកគ្នាលើការសាងសង់កន្លែងផ្ទុករូបភាពផ្កាយរណប រដ្ឋាភិបាលឥណ្ឌាក៏បានបើកផ្លូវឲ្យក្រុងហាណូយទិញនាវាល្បាតដើម្បីពង្រឹងសមត្ថភាពការពារដែនទឹករបស់ខ្លួនដែរ។ ហើយជាថ្នូរនឹងការទទួលបានសិទ្ធិទិញនាវាល្បាតពីឥណ្ឌា រដ្ឋាភិបាលក្រុងហាណូយសម្រេចផ្តល់សិទ្ធិឲ្យឥណ្ឌាកាន់កាប់កន្លែងអាចរុករកប្រេងនៅក្នុងតំបន់ជម្លោះជាមួយចិននៅសមុទ្រចិនខាងត្បូងផងដែរ៕
Tag:
ឥណ្ឌា
ចិន
សមុទ្រចិនខាងត្បូង
© រក្សាសិទ្ធិដោយ thmeythmey.com
