អន្តរជាតិ
×![]()
ក្រុមប្រឹក្សាសន្តិសុខអង្គការសហប្រជាជាតិបានអនុម័តជាឯកច្ឆន្ទលើដំណោះស្រាយបញ្ជូនក្រុមអង្កេតការទៅកាន់កូឡុំប៊ីដើម្បីពិនិត្យបទឈប់បាញ់រវាងភាគីរដ្ឋាភិបាលនិងក្រុមឧទ្ទាម FARC។ អគ្គលេខាធិការអង្គការសហប្រជាជាតិនឹងទទួលបន្ទុករៀបចំក្រុមអង្កេតការនេះ នៅពេលបទឈប់បាញ់ចេញជារូបរាង។ នេះបើតាមទូរទស្សន៍ Al Jazeera។
អង្គការសហប្រជាជាតិនឹងបញ្ជូនក្រុមអង្កេតការមួយក្រុមទៅកាន់កូឡុំប៊ីដើម្បីពិនិត្យការអនុវត្តកិច្ចព្រមព្រៀងឈប់បាញ់រវាងរដ្ឋាភិបាលកូឡុំប៊ីនិងក្រុមឧទ្ទាម FARC ដែលអាចនឹងចេញជារូបរាងនៅពេលខាងមុខ។ ក្រុមប្រឹក្សាសន្តិសុខបានយល់ព្រមលើដំណោះស្រាយបញ្ជូននេះ ដែលព្រាងដោយអង់គ្លេស ក្រោយពេលមានការស្នើសុំរួមគ្នាពីភាគីជម្លោះទាំងពីរកាលពីសប្ដាហ៍មុន។
តាមរយៈដំណោះស្រាយនេះ ក្រុមបេសកកម្មមួយនឹងត្រូវបង្កើតដែលមានអាណត្តិ១២ខែ ហើយអាចនឹងបន្តរយៈពេលប្រតិបត្តិការប្រសិនបើមានការស្នើសុំពីភាគីទាំងពីរ។ ជាមួយគ្នានោះ ដំណោះស្រាយដែលអនុម័តនៅថ្ងៃចន្ទ ទី២៥ ក៏បានស្នើឲ្យអគ្គលេខាធិការអង្គការសហប្រជាជាតិលោក បាន គីមូន រៀបចំផែនការក៏ដូចជាទំហំនៃប្រតិបត្តិការនេះឲ្យបានជាក់លាក់ ដែលនឹងត្រូវទៅពិនិត្យការអនុវត្តបទឈប់បាញ់របស់គូជម្លោះទាំងពីរ។
សូមរម្លឹកដែរថា ខណៈពេលចរចានៅទីក្រុងឡាហាវ៉ាន រដ្ឋាភិបាលកូឡុំប៊ី និងក្រុមឧទ្ទាម FARC បានធ្វើសំណើរួមគ្នាទៅកាន់អង្គការសហប្រជាជាតិ ដើម្បីចូលមកពិនិត្យបទឈប់បាញ់និងការរំសាយអាវុធក្រុមឧទ្ទាមដែលឈានដល់ការបញ្ចប់សង្គ្រាមស៊ីវិលរយៈប្រាំទសវត្សរ៍នៅក្នុងប្រទេសនេះ។ ភ្លាមៗបន្ទាប់ពីមានការស្នើសុំរបស់រដ្ឋាភិបាលកូឡុំប៊ីនិងក្រុមឧទ្ទាម FARC ប្រទេសអង់គ្លេសបានព្រាងដំណោះស្រាយដើម្បីបង្កើតក្រុមអង្កេតការណ៍របស់ UN ទៅត្រួតពិនិត្យបទឈប់បាញ់និងការរំសាយអាវុធ។
ជម្លោះប្រដាប់អាវុធរវាងរដ្ឋាភិបាលកូឡុំប៊ីនិងក្រុមឧទ្ទាម FARC បានអូសបន្លាយជាង៥០ឆ្នាំមកហើយ។ ជម្លោះនេះគឺជាជម្លោះមានរយៈពេលយូរជាងគេនៅតំបន់អាមេរិកឡាទីន។ មនុស្សច្រើនជាងពីរសែននាក់បានបាត់បង់ជីវិត និងមនុស្សរាប់លាននាក់ទៀតបានភៀសខ្លួនចេញពីទីលំនៅ។ ថ្វីត្បិតការចរចាមានច្រើនលើកក៏ដោយ ដំណើរការសន្តិភាពនៅតែមិនទាន់មានពន្លឺ ទើបតែពេលនេះភាគីទាំងពីរឈានមួយជំហានរួមគ្នាសំដៅបញ្ចប់ជម្លោះរ៉ាំរ៉ៃនេះ៕
អង្គការសហប្រជាជាតិនឹងបញ្ជូនក្រុមអង្កេតការមួយក្រុមទៅកាន់កូឡុំប៊ីដើម្បីពិនិត្យការអនុវត្តកិច្ចព្រមព្រៀងឈប់បាញ់រវាងរដ្ឋាភិបាលកូឡុំប៊ីនិងក្រុមឧទ្ទាម FARC ដែលអាចនឹងចេញជារូបរាងនៅពេលខាងមុខ។ ក្រុមប្រឹក្សាសន្តិសុខបានយល់ព្រមលើដំណោះស្រាយបញ្ជូននេះ ដែលព្រាងដោយអង់គ្លេស ក្រោយពេលមានការស្នើសុំរួមគ្នាពីភាគីជម្លោះទាំងពីរកាលពីសប្ដាហ៍មុន។
តាមរយៈដំណោះស្រាយនេះ ក្រុមបេសកកម្មមួយនឹងត្រូវបង្កើតដែលមានអាណត្តិ១២ខែ ហើយអាចនឹងបន្តរយៈពេលប្រតិបត្តិការប្រសិនបើមានការស្នើសុំពីភាគីទាំងពីរ។ ជាមួយគ្នានោះ ដំណោះស្រាយដែលអនុម័តនៅថ្ងៃចន្ទ ទី២៥ ក៏បានស្នើឲ្យអគ្គលេខាធិការអង្គការសហប្រជាជាតិលោក បាន គីមូន រៀបចំផែនការក៏ដូចជាទំហំនៃប្រតិបត្តិការនេះឲ្យបានជាក់លាក់ ដែលនឹងត្រូវទៅពិនិត្យការអនុវត្តបទឈប់បាញ់របស់គូជម្លោះទាំងពីរ។
សូមរម្លឹកដែរថា ខណៈពេលចរចានៅទីក្រុងឡាហាវ៉ាន រដ្ឋាភិបាលកូឡុំប៊ី និងក្រុមឧទ្ទាម FARC បានធ្វើសំណើរួមគ្នាទៅកាន់អង្គការសហប្រជាជាតិ ដើម្បីចូលមកពិនិត្យបទឈប់បាញ់និងការរំសាយអាវុធក្រុមឧទ្ទាមដែលឈានដល់ការបញ្ចប់សង្គ្រាមស៊ីវិលរយៈប្រាំទសវត្សរ៍នៅក្នុងប្រទេសនេះ។ ភ្លាមៗបន្ទាប់ពីមានការស្នើសុំរបស់រដ្ឋាភិបាលកូឡុំប៊ីនិងក្រុមឧទ្ទាម FARC ប្រទេសអង់គ្លេសបានព្រាងដំណោះស្រាយដើម្បីបង្កើតក្រុមអង្កេតការណ៍របស់ UN ទៅត្រួតពិនិត្យបទឈប់បាញ់និងការរំសាយអាវុធ។
ជម្លោះប្រដាប់អាវុធរវាងរដ្ឋាភិបាលកូឡុំប៊ីនិងក្រុមឧទ្ទាម FARC បានអូសបន្លាយជាង៥០ឆ្នាំមកហើយ។ ជម្លោះនេះគឺជាជម្លោះមានរយៈពេលយូរជាងគេនៅតំបន់អាមេរិកឡាទីន។ មនុស្សច្រើនជាងពីរសែននាក់បានបាត់បង់ជីវិត និងមនុស្សរាប់លាននាក់ទៀតបានភៀសខ្លួនចេញពីទីលំនៅ។ ថ្វីត្បិតការចរចាមានច្រើនលើកក៏ដោយ ដំណើរការសន្តិភាពនៅតែមិនទាន់មានពន្លឺ ទើបតែពេលនេះភាគីទាំងពីរឈានមួយជំហានរួមគ្នាសំដៅបញ្ចប់ជម្លោះរ៉ាំរ៉ៃនេះ៕
Tag:
UN
កូឡុំប៊ី
© រក្សាសិទ្ធិដោយ thmeythmey.com
