ជាតិ
ស្រូវអង្ករចុះថោក៖ លោក យ៉ង សាំងកុមារ ថារដ្ឋាភិបាល យកបញ្ហាអ្នកបញ្ជាទិញមកដោះសា
×![]()
ដោយ: ម៉ៅ សុផា
អតីតប្រធានមជ្ឈមណ្ឌលសិក្សា និងអភិវឌ្ឍន៍កសិកម្មកម្ពុជា (CEDAC) លោក យ៉ង សាំងកុមារ បានអះអាងថា ការលើកយកបញ្ហាស្រូវអង្ករចុះថោក ដោយសារតែអ្នកបញ្ជាទិញបរទេស គឺគ្រាន់តែជាការដោះសារបស់ប្រមុខរដ្ឋាភិបាលប៉ុណ្ណោះ។
លោក យ៉ង សាំងកុមារ ដែលជាអ្នកជំនាញវិស័យកសិកម្ម បានទទួលស្គាល់ថា បញ្ហាអ្នកបញ្ជាទិញបរទេស គ្រាន់តែជាផ្នែកមួយប៉ុណ្ណោះ ដែលធ្វើឲ្យតម្លៃស្រូវអង្ករធ្លាក់ចុះ តែក្នុងនាមរដ្ឋាភិបាល មិនគួរលើកយកបញ្ហានេះមកបាំងមុខ ដើម្បីគេចវេសពីទំនួលខុសត្រូវនោះឡើយ។ លោកថា ប្រសិនបើតម្លៃស្រូវអង្ករធ្លាក់ចុះ រដ្ឋាភិបាល គួរតែស្វះស្វែងរកវិធានការ ដើម្បីដោះស្រាយជាបន្ទាន់ ប្រសើរជាងការទម្លាក់កំហុសទៅលើកត្តាខាងក្រៅ។
អ្នកឯកទេសរូបនេះ បានបញ្ជាក់ប្រាប់សារព័ត៌មានថ្មីៗនៅរសៀលថ្ងៃនេះដូច្នេះថា៖«បើខ្ញុំជាគាត់ ខ្ញុំនឹងពិភាក្សានិងរកដំណោះស្រាយផ្ទៃក្នុងវិញ គិតគួរយ៉ាងម៉េច ដើម្បីទប់ស្កាត់បញ្ហាតម្លៃស្រូវអង្ករធ្លាក់ចុះ មិនចោទបញ្ហាខាងក្រៅនោះទេ»។
លោក យ៉ង សាំងកុមារ បានបន្ថែមទៀតថា វិស័យស្រូវអង្ករ ជាកត្តាសេដ្ឋកិច្ចដ៏សំខាន់របស់ប្រទេសជាតិ ដូច្នេះរដ្ឋាភិបាលគប្បីកំណត់តម្លៃអប្បបរមាឲ្យបានច្បាស់លាស់ ដើម្បីងាយស្រួលធ្វើអន្តរាគមន៍ ពេលតម្លៃធ្លាក់ចុះ និងដើម្បីចៀសវាងការប៉ះពាល់ដល់ប្រជាកសិករផងដែរ។
កាលពីថ្ងៃទី២៥ មករា ប្រមុខរដ្ឋាភិបាល អះអាងថា ការធ្លាក់ចុះនូវតម្លៃស្រូវនៅកម្ពុជា គឺបណ្ដាលមកពីប្រទេសអ្នកមាន ជាអ្នកបញ្ជាទិញស្រូវពីកម្ពុជា បានទម្លាក់ថ្លៃ ហើយការធ្លាក់ចុះតម្លៃស្រូវនេះ មិនមែនតែកម្ពុជានោះទេ សូម្បីតែប្រទេសដែលផលិតស្រូវ ដូចជា ថៃ វៀតណាម ឡាវ និងមីយ៉ាន់ម៉ា ក៏ធ្លាក់តម្លៃស្រូវដែរ។ ការថ្លែងបែបនេះ ធ្វើឡើងក្នុងពិធីបើកវេទិកាស្រូវអង្ករកម្ពុជា លើកទី៥ នៅសណ្ឋាគារសុខាភ្នំពេញ។
នៅក្នុងវេទិកានេះផងដែរ លោក សុខ ពុទ្ធីវុធ ប្រធានសហព័ន្ធស្រូវអង្ករកម្ពុជា បានទទួលស្គាល់ ថា ក្នុងរយៈពេលប៉ុន្មានឆ្នាំចុងក្រោយនេះ វិស័យស្រូវអង្ករ បានជួបស្ថានភាពលំបាកមួយចំនួន។ លោកបន្ថែមទៀតថា ទោះបីជាបរិមាណនៃការនាំចេញស្រូវអង្ករ មានការកើនឡើងក៏ពិតមែន តែតម្លៃស្រូវអង្ករក្នុងទីផ្សារបានធ្លាក់ចុះ ហើយធ្វើឲ្យចំណូលពីការនាំចេញស្រូវអង្ករ ធ្លាក់ចុះ ដែលបង្កើតសម្ពាធយ៉ាងខ្លាំងដល់ប្រជាកសិករ។
ដើម្បីដោះស្រាយបញ្ហាស្រូវអង្ករខាងលើឲ្យមានប្រសិទ្ធភាព ប្រធានសហព័ន្ធស្រូវអង្ករកម្ពុជា បានទាមទារឲ្យរដ្ឋាភិបាល បន្តយកចិត្តទុកដាក់ និង ជួយជំរុញគម្រោងសំខាន់ៗ ទាក់ទងនឹងពូជ ឃ្លាំង និងការនាំចេញ។
គួរបញ្ជាក់ថា ក្នុងឆ្នាំ២០១៥កន្លងមក កម្ពុជាបាននាំអង្ករចេញទៅលក់នៅទីផ្សារអន្តរជាតិ បានចំនួនជាង៥សែនតោន ដោយក្នុងនោះទី១ គឺប្រទេសចិន ដែលទិញអង្ករពីកម្ពុជាច្រើនជាងគេ និងទី២ គឺបារាំង៕
លោក យ៉ង សាំងកុមារ ដែលជាអ្នកជំនាញវិស័យកសិកម្ម បានទទួលស្គាល់ថា បញ្ហាអ្នកបញ្ជាទិញបរទេស គ្រាន់តែជាផ្នែកមួយប៉ុណ្ណោះ ដែលធ្វើឲ្យតម្លៃស្រូវអង្ករធ្លាក់ចុះ តែក្នុងនាមរដ្ឋាភិបាល មិនគួរលើកយកបញ្ហានេះមកបាំងមុខ ដើម្បីគេចវេសពីទំនួលខុសត្រូវនោះឡើយ។ លោកថា ប្រសិនបើតម្លៃស្រូវអង្ករធ្លាក់ចុះ រដ្ឋាភិបាល គួរតែស្វះស្វែងរកវិធានការ ដើម្បីដោះស្រាយជាបន្ទាន់ ប្រសើរជាងការទម្លាក់កំហុសទៅលើកត្តាខាងក្រៅ។
អ្នកឯកទេសរូបនេះ បានបញ្ជាក់ប្រាប់សារព័ត៌មានថ្មីៗនៅរសៀលថ្ងៃនេះដូច្នេះថា៖«បើខ្ញុំជាគាត់ ខ្ញុំនឹងពិភាក្សានិងរកដំណោះស្រាយផ្ទៃក្នុងវិញ គិតគួរយ៉ាងម៉េច ដើម្បីទប់ស្កាត់បញ្ហាតម្លៃស្រូវអង្ករធ្លាក់ចុះ មិនចោទបញ្ហាខាងក្រៅនោះទេ»។
លោក យ៉ង សាំងកុមារ បានបន្ថែមទៀតថា វិស័យស្រូវអង្ករ ជាកត្តាសេដ្ឋកិច្ចដ៏សំខាន់របស់ប្រទេសជាតិ ដូច្នេះរដ្ឋាភិបាលគប្បីកំណត់តម្លៃអប្បបរមាឲ្យបានច្បាស់លាស់ ដើម្បីងាយស្រួលធ្វើអន្តរាគមន៍ ពេលតម្លៃធ្លាក់ចុះ និងដើម្បីចៀសវាងការប៉ះពាល់ដល់ប្រជាកសិករផងដែរ។
កាលពីថ្ងៃទី២៥ មករា ប្រមុខរដ្ឋាភិបាល អះអាងថា ការធ្លាក់ចុះនូវតម្លៃស្រូវនៅកម្ពុជា គឺបណ្ដាលមកពីប្រទេសអ្នកមាន ជាអ្នកបញ្ជាទិញស្រូវពីកម្ពុជា បានទម្លាក់ថ្លៃ ហើយការធ្លាក់ចុះតម្លៃស្រូវនេះ មិនមែនតែកម្ពុជានោះទេ សូម្បីតែប្រទេសដែលផលិតស្រូវ ដូចជា ថៃ វៀតណាម ឡាវ និងមីយ៉ាន់ម៉ា ក៏ធ្លាក់តម្លៃស្រូវដែរ។ ការថ្លែងបែបនេះ ធ្វើឡើងក្នុងពិធីបើកវេទិកាស្រូវអង្ករកម្ពុជា លើកទី៥ នៅសណ្ឋាគារសុខាភ្នំពេញ។
នៅក្នុងវេទិកានេះផងដែរ លោក សុខ ពុទ្ធីវុធ ប្រធានសហព័ន្ធស្រូវអង្ករកម្ពុជា បានទទួលស្គាល់ ថា ក្នុងរយៈពេលប៉ុន្មានឆ្នាំចុងក្រោយនេះ វិស័យស្រូវអង្ករ បានជួបស្ថានភាពលំបាកមួយចំនួន។ លោកបន្ថែមទៀតថា ទោះបីជាបរិមាណនៃការនាំចេញស្រូវអង្ករ មានការកើនឡើងក៏ពិតមែន តែតម្លៃស្រូវអង្ករក្នុងទីផ្សារបានធ្លាក់ចុះ ហើយធ្វើឲ្យចំណូលពីការនាំចេញស្រូវអង្ករ ធ្លាក់ចុះ ដែលបង្កើតសម្ពាធយ៉ាងខ្លាំងដល់ប្រជាកសិករ។
ដើម្បីដោះស្រាយបញ្ហាស្រូវអង្ករខាងលើឲ្យមានប្រសិទ្ធភាព ប្រធានសហព័ន្ធស្រូវអង្ករកម្ពុជា បានទាមទារឲ្យរដ្ឋាភិបាល បន្តយកចិត្តទុកដាក់ និង ជួយជំរុញគម្រោងសំខាន់ៗ ទាក់ទងនឹងពូជ ឃ្លាំង និងការនាំចេញ។
គួរបញ្ជាក់ថា ក្នុងឆ្នាំ២០១៥កន្លងមក កម្ពុជាបាននាំអង្ករចេញទៅលក់នៅទីផ្សារអន្តរជាតិ បានចំនួនជាង៥សែនតោន ដោយក្នុងនោះទី១ គឺប្រទេសចិន ដែលទិញអង្ករពីកម្ពុជាច្រើនជាងគេ និងទី២ គឺបារាំង៕
Tag:
ស្រូវអង្ករ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
1 សប្តាហ៍
