ជាតិ
នយោបាយជាតិ
ឯកឧត្តម កឹម សុខា ថាក្នុងសភាសំឡេងភាគច្រើនCPP ក្រៅសភាសំឡេងភាគច្រើន cnrp
× ពី«វេទិកាសកម្មជនមូលដ្ឋាន» នៅក្នុងភូមិកន្ត្រក សង្កាត់ស្វាយដង្គំ ក្រុងសៀមរាប ខេត្តសៀមរាប ឯកឧត្តម កឹម សុខា ប្រធានគណបក្សសង្គ្រោះជាតិ បានថ្លែងថាឥឡូវនេះ ក្នុងសភាសំឡេងភាគច្រើនគណបក្សកាន់អំណាច ប៉ុន្តែក្រៅសភាសំឡេងភាគច្រើនសង្គ្រោះជាតិ។
នៅក្នុង«វេទិកាសកម្មជនមូលដ្ឋាន» នៅព្រឹកថ្ងៃទី៣០ ខែមករានេះ ប្រធានស្តីពីគណបក្សសង្គ្រោះជាតិ ក៏បានប្រាប់ឲ្យសកម្មជន និងថ្នាក់ដឹកនាំគណបក្សសង្គ្រោះជាតិគ្រប់ជាន់ថ្នាក់ ឈប់ឆ្លើយឆ្លង និងឈ្លោះ ជាមួយគណបក្សផ្សេងទៀត ហើយយកពេលនេះទៅរៀបចំខ្លួនដើម្បីដឹកនាំប្រទេសដោយសន្តិវិធី។
ការត្រៀមរៀបចំខ្លួន ដើម្បីដឹកនាំប្រទេសនេះ គឺត្រូវខ្លួន ចាប់ពីមុនពេលបោះឆ្នោតទាំងការបោះឆ្នោតឃុំ/សង្កាត់ឆ្នាំ២០១៧ និងការបោះឆ្នោតថ្នាក់ជាតិ នៅឆ្នាំ២០១៨ ត្រៀមខ្លួនសម្រាប់ថ្ងៃបោះឆ្នោត និងត្រៀមរៀបចំខ្លួនដើម្បីទៅដឹកនាំប្រទេស ក្រោយបានជ័យជម្នះក្រោយថ្ងៃបោះឆ្នោត។ នេះជាការបន្ថែមរបស់ មេដឹកនាំគណបក្សសង្គ្រោះជាតិដដែល៕
© រក្សាសិទ្ធិដោយ thmeythmey.com