ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
សូម្បីតែសម្រស់ក៏លែងធម្មជាតិដែរ!
31, Jan 2016 ,
6:19 pm
រូបភាព
×
ដោយ:
លីម តុលា
ភ្នំពេញ៖ កាលពីដើមឡើយ យុវជន យុវនារី តុបតែងខ្លួនដោយរក្សានូវសម្រស់ធម្មជាតិច្រើនគួរសម។ ប៉ុន្តែនៅក្នុងសតវត្សរិ៍ទី២១នេះ ការតុបតែងខ្លួនរបស់នារី និងបុរសខ្មែរមួយចំនួនមានលក្ខណៈចម្លែក។ អ្នកខ្លះ កាត់សក់របៀបផ្លែម្នាស់ អ្នកខ្លះពាក់ក្រវិលដែកគោល និងអ្នកខ្លះទៀត ចោះធ្មេញដាក់គ្រាប់ពេជ្រ។ល។
«បើទោះបីជាម្តាយ ឪពុកខ្ញុំខឹង ក៏ខ្ញុំមិនខ្វល់ដែរ។ អ្វីដែលខ្ញុំធ្វើគឺអោយតែខ្ញុំសប្បាយចិត្តខ្លួនឯង»។ នេះគឺជាអះអាងដោយមិនអៀនខ្មាស់របស់យុវជន ពៅ ធ្វើការនៅក្នុងក្រុមហ៊ុនឯកជនមួយនៅទីក្រុងភ្នំពេញ។
លោក ពៅ ដែលមានអាយុជាង២០ឆ្នាំបន្តិច បានបន្តទៀតថា ឪពុកម្តាយគេស្តីបន្ទោសមុនដំបូងបន្តិច ប៉ុន្តែក្រោយមក ពួកគេឈប់និយាយអ្វីទាំងអស់។ «ឥឡូវគាត់ឈប់និយាយតែម្តង ខ្ញុំតែងសក់ស្រេចតែខ្ញុំ។ ខ្ញុំចូលចិត្តប្តូរម៉ូតសក់ ពីព្រោះ ខ្ញុំចង់អោយគេមើលខ្ញុំ។ ពេលមានគេមើល ខ្ញុំរំភើប»។ នេះគឺជាការបញ្ជាក់បន្ថែមរបស់យុវជន ពៅ។
មាឌស្តើងខ្ពស់ សម្តីរបៀបស្រីមិនចំស្រី ប្រុសមិនចំប្រុស យុវជន ពៅ បាននិយាយថា៖«គ្រាន់តែក្រវិល ខ្ញុំមានច្រើនប្រភេទណាស់។ ខ្ញុំពាក់ពេញត្រចៀកក៏បាន»។ លោកពាក់របៀបអ៊ីចឹង តើលោកមិនខ្មាស់គេទេ? លោក ពៅ ឆ្លើយមកវិញថា៖«អត់ផង»។
បុរសលេងម៉ូតសក់ផ្សេងទៀតបាននិយយស្រដៀងគ្នាថា ពួកគេធ្វើម៉ូតលក់ដើម្បីទាក់ទាញមនុស្សដែលនៅជុំវិញខ្លួន ឬធ្វើអោយអ្នកទាំងឡាយចាប់អារម្មណ៍លើរូបគេ។ កញ្ញា ធាវី ធ្វើការនៅក្នុងហាងម៉ាស្សាមួយកន្លែងនៅក្នុងខេត្តកំពង់ចាម បានសម្រេចិត្តចោះធ្មេញដាក់ពេជ្រក្លែងក្លាយគ្រាប់តូចមួយដើម្បីលើកសម្រស់ជូនដល់ភ្ញៀវទាំងឡាយ។ «ពេលខ្ញុំញញឹម បុរសៗតែសរសើរថា ធ្មេញខ្ញុំស្អាត»។ នេះគឺជាការកត់សម្គាល់របស់ កញ្ញា ធាវី ដែលនិយាយប្រាប់ដោយមិនខ្មាស់អៀន។
ការលើកសម្រស់របស់នារី និងយុវជនសម័យថ្មីមានច្រើនរបៀប ក្នុងនោះមាន៖ ធ្វើម៉ូតសក់ចម្លែកៗ ពាក់ស្បែកជើងកែងចោទដើម្បីអោយចេញរាង ពាក់ខ្សែរចង្កេះប្លាកទីន ខ្សែរជើងប្លាកទីន ចោះត្រចៀកច្រើនរុន លាបព័ណ៌សក់ចម្រុះ ក្រចកដៃច្រើនព័ណ៌ ធ្វើច្រមុះ លាបស្បែកអោយស។ល។
ស្ត្រីនៅតាមជនបទមួយចំនួនដែលរក្សារការតុបតែបែបបុរាណបាននិយាយបែបកំប្លែង និងចំអកដល់នារីតុបតែងខ្លួនខ្លាំងពេកនៅទីក្រុងមួយចំនួនថា៖«ស្បែកខ្ញុំខ្មៅមែន តែវាជាសម្រស់ពិត និងធម្មជាតិ។ អ្នកភ្នំពេញស្បែកសមែន តែជាស្បែកគីមី ពីព្រោះគេប្រើថ្នាំអោយស»។
បើនិយាយពីម្ហូបអាហារទៅចុះ គេគួរគិតពីធម្មជាតិ ឬគីមី។ ចុះឥឡូវ បើសម្រស់មនុស្សមានធម្មជាតិ ឬមានជាតិគីមីទៅហើយនោះ តើគេត្រូវធ្វើដូចម្តេច?
បើទោះបីជាគេពិបាកផ្តល់ចម្លើយក៏ដោយក្តី ក៏នារីមួយចំនួនដែលមិនចូលចិត្តសម្រស់សិប្បនិម្មិត បានទូន្មានដល់សុភាពបុរសទាំងឡាយអោយប្រយ័ត្នចំពោះសម្រស់គីមី និងសម្រស់នារីក្លែងក្លាយ។ សម្រស់ក្លែងក្លាយនៅលើរូបរាងនារីខ្លះ អាចត្រូវបានគេកែគ្រប់ទីកន្លែង មិនថា ជាកន្លែងណា ឬកន្លែងណាទេ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
សង្គម
© រក្សាសិទ្ធិដោយ thmeythmey.com
អត្ថបទពេញនិយម
តើពាក្យ «សិទ្ធិ, សិទ្ធ» ប្រើខុសគ្នាដូចម្តេច?
20 ម៉ោង
ផ្សារដើមគរថ្មី លើផ្ទៃដី៣០ហិកតា ត្រូវបានដាក់ដំណើរការជាផ្លូវការហើយ
1 សប្តាហ៍
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ
3 ថ្ងៃ
តើពាក្យងារជា «សម្តេច» មានន័យដូចម្តេច?
5 ថ្ងៃ
រោងចក្រដំឡើងរថយន្តរបស់ក្រុមហ៊ុនជប៉ុនមួយទៀត បើកដំណើរការនៅកម្ពុជា
4 ថ្ងៃ
អត្ថបទពេញនិយមបន្ថែម