កីឡាអន្តរជាតិ
អន្តរជាតិ
Terry នឹងចេញពី Chelsea នៅចុងបញ្ចប់រដូវកាល ដោយសារតែក្លិបមិនបន្តកិច្ចសន្យា
×
John Terry ប្រធានក្រុមក្លិបតោខៀវ Chelsea នឹងចាកចេញពី Stamford Bridge នៅចុងបញ្ចប់រដូវកាលនេះដោយសារក្លិបមិនបន្តកុងត្រាថ្មីឲ្យខ្លួន។ នេះបើយោងតាមការចុះផ្សាយរបស់សារព័ត៌មាន BBC។
ខ្សែការពារវ័យ ៣៥ ឆ្នាំរូបនេះបានចូលរួមជាមួយតោខៀវតាំងពីអាយុ ១៤ឆ្នាំមកម្ល៉េះនិងជួយឲ្យក្រុមឈ្នះពានជាច្រើនដូចជាពាន Premier League បួនដង, FA Cup ប្រាំដង និងពាន Champions League មួយលើកផងដែរ។
Terry បាននិយាយថា៖ «ខ្ញុំរីករាយនឹងនៅទីនេះបន្តទៀត ប៉ុន្តែក្លិបមិនបន្តឲ្យខ្ញុំ ដោយសារក្លិបមានទិសដៅផ្សេងទៀត»។ តែទោះយ៉ាងណាក៏ដោយ អ្នកនាំពាក្យរបស់ក្លិប Chelsea ម្នាក់បាននិយាយកាលពីថ្ងៃអាទិត្យថា Terry អាចនឹងមិនទាន់ត្រូវបានកោះហៅដើម្បីនិយាយពីកិច្ចព្រមព្រៀងថ្មីក៏ថាបាន។
អតីតខ្សែការពារជម្រើសជាតិអង់គ្លេសដែលបង្ហាញខ្លួនឲ្យក្រុម Chelseaបាន ៦៩៦ប្រកួតនេះ សង្ឃឹមថារូបគេនឹងបន្តអាជីពរបស់ខ្លួនទៀតក្រោយចាកចេញពីតោខៀវ ប៉ុន្តែមិនមែនជាមួយក្លិបនៅអង់គ្លេសទៀតនោះឡើយ៕
© រក្សាសិទ្ធិដោយ thmeythmey.com