ជាតិ
សម្តេច ស ខេង សរសើការចុះផ្សព្វផ្សាយច្បាប់ចរាចរណ៍របស់អាជ្ញាធរកំពង់ស្ពឺ និងស្វាយរៀង
×![]()
ភ្នំពេញ៖ សម្តេច ស ខេង បានថ្លែងពិធីបូកសរុបលទ្ធផលត្រួតពិនិត្យការអនុវត្តច្បាប់ស្តីពី ចរាចរណ៍ផ្លូវគោក ប្រចាំខែមករា ឆ្នាំ២០១៦ នៅថ្ងៃទី១ កុម្ភៈ បញ្ជាអាជ្ញាធរមានសមត្ថកិច្ច ទូទាំងប្រទេសឲ្យបន្តរឹតបន្តឹងអនុវត្ត និងផ្សព្វផ្សាយច្បាប់ចរាចណ៍ថ្មី។ ចំពោះការផ្សព្វផ្សាយច្បាប់ចរាចរណ៍ សម្តេចបានណែនាំអាជ្ញាធរខេត្តនានា យកគំរូតាមអាជ្ញាធរខេត្តកំពង់ស្ពឺ និង ខេត្តស្វាយរៀង ដែលបានកំណត់គោលដៅងាយរងគ្រោះមុនពេលចុះផ្សព្វផ្សាយ។
សូមស្តាប់សំឡេងសម្តេច ស ខេង៖
គួរបញ្ជាក់ថា បើយោងតាមរបាយការណ៍បូកសរុបលទ្ធផលអនុវត្តច្បាប់ស្តីពី ចរាចរណ៍ផ្លូវគោកថ្មីប្រចាំខែមករា របស់គណៈកម្មាធិការជាតិសុវត្ថិភាពចរាចរណ៍ផ្លូវគោក ដើម្បីទប់ស្កាត់គ្រោះថ្នាក់ ចរាចរណ៍ចំពោះកម្មករ សមត្ថកិច្ចបានជំរុញការផ្សព្វផ្សាយអប់រំច្បាប់ស្តីពី ចរាចរណ៍ផ្លូវគោក និងបទដ្ឋានសុវត្ថិភាពចរាចរណ៍ដល់អ្នកបើកបររថយន្តដឹកកម្មករចំនួន ៧៦៤នាក់ ចំនួន (៣លើក) ក្នុងនោះ ២លើក ក្នុងខេត្តកំពង់ស្ពឺ និងមួយលើក នៅតំបន់សេដ្ឋកិច្ចពិសេសក្រុង បាវិត ខេត្តស្វាយរៀង។ ការអបរំផ្តោតលើសុវត្ថិភាពដឹកជញ្ជូន សីលធម៌បើកបរ លក្ខណៈយានយន្ត ព្រមទាំងបានចែកសៀវភៅច្បាប់ចរាចរណ៍ផ្លូវគោក និងខិត្តបណ្ណអប់រំ នានា។
ជាងនេះទៀត សមត្ថកិច្ចបានជំរុញអ្នកបើកបររថយន្តដឹកកម្មករនៅខេត្តស្វាយរៀង ធ្វើបណ្ណបើកបរបានចំនួន ១០០ភាគរយ ហើយសមត្ថកិច្ចបានត្រួតពិនិត្យលក្ខណៈបច្ចេកទេសរថយន្តចំនួន ៩០ភាគរយ ចំណោមរថយន្តដឹកកម្មករជាង ៥០០គ្រឿង។ បើយោងតាមរបាយការណ៍ខាងលើ បច្ចុប្បន្ន រថយន្តដឹកកម្មករទូទាំងប្រទេស មានចំនួន ៣៥៩១គ្រឿង តាមបណ្តារោងចក្រចំនួន ៣០៧ ៕
© រក្សាសិទ្ធិដោយ thmeythmey.com
