ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
ម្ជូរក្រោយវ៉ាន់ដា ល្បីដល់ អាមេរិក អូស្ត្រាលី ជប៉ុន កូរ៉េ
05, Feb 2016 ,
5:43 pm
រូបភាព
×
ដោយ:
ភ្នំពេញ៖ អាជីវកម្មលក់ម្ជូរមួយកន្លែង ដែលមានទីតាំងស្ថិតនៅកែងនឹងរបងសាលាបឋមសិក្សាភូមិ៧ ក្រោយវិទ្យាស្ថានវ៉ាន់ដាគណនេយ្យ ក្នុងរាជធានីភ្នំពេញ កំពុងមានប្រជាប្រិយភាពខ្លាំង ទាំងនៅក្នុងស្រុក និងនៅក្រៅប្រទេស។ ក្រៅពីមានអតិថិជនដែលរស់នៅក្នុងវាជធានីភ្នំពេញ ម្ជូរមួយកន្លែងនេះ បានទាក់ទាញអតិថិជនដល់ សហរដ្ឋអាមេរិក អូស្ត្រាលី ជប៉ុន កូរ៉េខាងត្បូង និងបណ្តាប្រទេសមួយចំនួនទៀត។ តើម្ជូរនៅទីតាំងមួយនេះមានអ្វីពិសេស ទើបល្បីដល់ឯនាយសមុទ្រយ៉ាងដូច្នេះ?
មិនមែនជាហាងលក់ផ្លែឈើ និងម្ជូរលក្ខណៈទំនើបឡើយ គឺមានតែទូរកញ្ចក់ទំហំប្រមាណជា២ម៉ែត្រ គុណនឹង១ម៉ែត្រមួយ ដែលផ្ទុកពេញដោយផ្លែឈើ និងម្ជូរ ច្រើនមុខ ដើម្បីតាំងលក់ឲ្យអតិថិជនតែប៉ុណ្ណោះ។ ថ្វីត្បិតតែជាកន្លែងលក់ម្ជូរដ៏សាមញ្ញមួយនៅក្បែរចិញ្ចើមផ្លូវមែន តែអាជីវកម្មមួយនេះ អាចទាក់ទាញអតិថិជនបានយ៉ាងច្រើន ទាំងក្នុង និងក្រៅប្រទេសផងដែរ។
ស្ត្រីវ័យជាង៤០ឆ្នាំដែលជាម្ចាស់អាជីវកម្មលក់ម្ជូរមួយកន្លែងនេះ បានលើកឡើងថា តាមពិតទៅកន្លែងរបស់អ្នកស្រីមានលក់ម្ជូរច្រើនមុខ ដូចគ្នានឹងកន្លែងដ៏ទៃទៀតដែរ ដូចជា៖ ស្វាយ ត្របែក ម្នាស់ ប៉ិកួៈ ម្កាក់ ខ្វិត ស្វាយត្រាំ អំពិលត្រាំ ទំពាំងបាយជូរត្រាំ កន្ទួតត្រាំ ម្តេញត្រាំ និងពុទ្រាត្រាំ ជាដើម ប៉ុន្តែអ្វីដែលធ្វើឲ្យម្ជូរបស់អ្នកស្រីល្បីរន្ទឺដល់ក្រៅប្រទេសនោះ គឺដោយសារតែរស់ជាតិគ្រឿងផ្សំ និងបច្ចេកទេសលាយអំបិលដែលមានច្រើនប្រភេទឆ្ងាញ់ត្រូវមាត់អតិថិជនទៅវិញទេ ដែលជួយឲ្យម្ជូរនេះអាចស្រូបបានអតិថិជនយ៉ាងច្រើននោះ។
ខណៈពេលកំពុងឈរចាប់ម្ជូរច្រកស្បោងឲ្យអតិថិជន ស្ត្រីជាម្ចាស់បានរៀបរាប់ថា សម្រាប់អតិថិជនដែលរស់នៅក្នុងស្រុកខ្មែរ ភាគច្រើនជាសិស្សដែលរៀននៅសាលាក្បែរនោះ និងអ្នកចំងាយមួយចំនួនទៀត ហើយក្នុងនោះក៏មានអតិថិជនជាបុរសច្រើននាក់ផងដែរ។ អ្នកស្រីឲ្យដឹងថា បុរសៗដែលចូលចិត្តម្ជូររបស់អ្នកស្រី ពួកគេតែងតែសរសើរពីថ្វីដៃផ្សំគ្រឿ និងរស់ជាតិអំបិល។
បន្តពីស្ត្រីវ័យចំណាស់ យុវតីវ័យជិត២០ឆ្នាំ ដែលជាជំនួយកការលក់ម្នាក់ទៀត ចាប់ផ្តើមរៀបរាប់ពី អតិថិជននៅឯនាយសមុទ្រវិញម្តង។ នាងបានឲ្យដឹងថា អតិថិជននៅបរទេស ភាគច្រើន មាននៅ ប្រទេសអូស្ត្រាលីច្រើនជាងគេ បន្ទាប់មកសហរដ្ឋអាមេរិក កូរ៉េខាងត្បូង ជប៉ុន និងបណ្តាប្រទេសមួយចំនួនទៀត។ អ្នកលក់វ័យក្មេងដ៏ដែលបន្តថា ពួគេភាគច្រើន គឺជាពលរដ្ឋខ្មែរដែលទៅស្នាក់នៅ ធ្វើការ និងទៅបន្តការសិក្សានៅទីនោះ។ នាងបន្ថែមថា អ្នកមួយចំនួនជាអតីតសិស្សដែលធ្លាប់សិក្សានៅវិទ្យាស្ថានវ៉ាន់ដាគណនេយ្យ និងពលរដ្ឋដែលធ្លាប់រស់នៅក្បែរទីតាំងលក់ម្ជូរមួយនេះ ក្រៅពីនោះ គឺជាជនជាតិបរទេសដែលធ្លាប់បានភ្លក់រស់ជាតិម្ជូរនេះ បន្តពីអនិកជនខ្មែរដែលបានកុំម្មង់ទៅ។
យុវតីជាអ្នកលក់ម្ជូរបញ្ជាក់ទៀតថា អ្នកនៅក្រៅប្រទេសភាគច្រើនពួកគេចូលចិត្តប្រភេទម្ជូរត្រាំ ព្រោះវាមានរស់ជាតិឆ្ងាញ់ និងទុកបានយូរ។ ក្រៅពីនោះពួកគេតែងតែសរសើរមិនដាច់ពីមាត់ពីថ្វីដៃលាយអំបិលដែលមានច្រើនមុខផងដែរ។ ជាទូទៅអតិថិជននៅបរទេសតែងតែកុំម្មង់ម្ជូរនេះ ចាប់ពី ពីរ ទៅ បី ដង ក្នុងមួយខែ ហើយពេលកុំម្មង់ម្តងៗ មានតម្លៃចាប់ពី ២៥ដុល្លារ ទៅ៣០ដុល្លារអាមេរិក ឬ ១០ម៉ឺនរៀលជាដើម។ ម្ជូរដែលបានកុំម្មង់រួចហើយនោះ ត្រូវបានអ្នកលក់វេចខ្ចប់ដាក់ក្រឡត្រឹមត្រូវ រួចបញ្ជូនឲ្យញាតិមិត្តរបស់អតិថិជនដែលរស់នៅស្រុកខ្មែរផ្ញើបន្តតាមយន្តហោះ។
បើទោះបីជាបច្ចុប្បន្នអាជីវកម្មលក់ម្ជូរមួយនេះ មានឈ្មោះល្បី យ៉ាណាក៏ដោយ ប៉ុន្តែស្ត្រីវ័យចំណាស់ដែលជាម្ចាស់ បានអះអាងថា ប្រាក់ចំណូលដែលអ្នកស្រីទទួលបាន គឺមានការថយចុះ បើធៀបទៅនឹងកាលពីពេលដែលអ្នកស្រីបើកលក់ដំបូងកាលពីជាងបីឆ្នាំមុន។ អ្នកស្រីបញ្ជាក់ថា ព្រោះតែបច្ចុប្បន្ន មុខរបរលក់ម្ជូរនេះមានការកើនឡើងច្រើនកន្លែងពេក ដូច្ចេះអតិថិជនត្រូវបានបែកចែក។ កាលពីពេលបើកលក់ដំបូង ក្នុងមួយថ្ងៃអ្នកស្រីអាចលក់បានប្រាក់ចាប់ពី ១លានរៀល ទៅ ២លានរៀល។ ហើយត្រូវចំណាយទៅវិញអស់ប្រាក់ប្រមាណជា មួយភាគបី នៃប្រាក់ចំណូលដែលទទួលបាន។ ចំណែកនៅពេលបច្ចុប្បន្ននេះវិញ អ្នកស្រីលក់បានប្រាក់ចំណូលចាប់ពី ៨០ម៉ឺនរៀល ទៅ ១លានរៀល ប៉ុណ្ណោះក្នុងមួយថ្ងៃ។
ទោះជាយ៉ាណាក៏ដោយម្ចាស់អាជីវកម្មមួយនេះនៅតែមានទឹកមាត់លេប ពីព្រោះតែម្ជូរនៅទីនេះ នៅតែមានឈ្មោះល្បី និងទទួលបានការគាំទ្រពីសំណាក់អតិថិជននៅក្រៅប្រទេស កាន់ច្រើនឡើងៗពីមួយខែទៅមួយខែ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ម្ជូរ
វិទ្យាស្ថានវ៉ាន់ដាគណនេយ្យ
© រក្សាសិទ្ធិដោយ thmeythmey.com
អត្ថបទពេញនិយម
ដំណឹងបឋម៖ ករណីផ្ទុះឃ្លាំងគ្រាប់នៅបន្ទាយភូមិភាគ៣ ក្រុងច្បារមន មានអ្នកស្លាប់ និងរបួសច្រើននាក ...
2 ថ្ងៃ
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
ផ្សារដើមគរថ្មី លើផ្ទៃដី៣០ហិកតា ត្រូវបានដាក់ដំណើរការជាផ្លូវការហើយ
1 ថ្ងៃ
គ្រឿងឥស្សរិយាភរណៈ គឺ «មេដាយ» មិនមែន «មេដៃ» ឡើយ
5 ថ្ងៃ
តើពាក្យ «ដុតដៃដុតជើង» មានន័យដូចម្តេច?
4 ថ្ងៃ
អត្ថបទពេញនិយមបន្ថែម